Jonás 1:16 - DIOSPA QHELQACHISQ

¹⁶ Chayta rikuspa, paykuna Tata Diosta maytapuni manchachikorqanku. Chayrayku uywa ñak'asqata jaywarqanku, nerqankutaj payllata yupaychanankuta.

Qheshwa Biblia DC

¹⁶ Chayta rikuspataj buqueta purichejkunaqa Señorta maytapuni manchachikorqanku. Chayrayku rikuchikusta jaywarqanku, tratotapis ruwarqanku.

DIOSPA QHELQACHISQAN DEUTEROCANONICAL

¹⁶ Chayta rikuspa, paykuna Tata Diosta maytapuni manchachikorqanku. Chayrayku uywa ñak'asqata jaywarqanku, nerqankutaj payllata yupaychanankuta.

Jonás 1:16 ပူးပေါင်းရင်းမြစ်များ

Génesis 28:20

Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa,

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

2 Reyes 5:17

Jinallataj Namán nerqa: Ama jinachu kay, kay llajtaykimanta jallp'ata iskay mula apananta jina qoriway ari. Kunanmanta jaqaymanqa manaña waj dioskunaman uywa ñak'asqa q'olachisqata, nitaj jaywanata jaywasajchu, manachayqa Tata Diosllamanña jaywasaj.

Job 37:24

Chayrayku runakunaqa Diosta manchachikunku, paytajrí yachayniyoj kasqankuta yuyakojkunata pisillapaj qhawan, nispa.

Salmos 107:22

Tata Diosman uywata ñak'aspa, pachis nispa jaywachunku, kusiywan takispataj, ruwasqanmanta willachunku.

Salmos 116:14

Chantá tukuy ayllunpa rikunanta Tata Diosman imatachus nisqayta junt'asaj.

Salmos 50:14

Aswanpis noqaman pachis nispa nisqaykita jaywariway, chantá noqa Patapi Kaj Diosman imatachus niwasqaykita junt'ay.

Eclesiastés 5:4

4 (3) Imatachus Diosman nisqaykitaqa junt'aypuni, imaraykuchus payqa wampukunawan mana kusikunchu. Chayrayku imatachus nisqaykita junt'aypuni ari.

Isaías 26:9

Ch'isenqa tukuy sonqo qanllapi yuyani, sut'iyaytataj tukuy munakuyniywan mask'ayki. Qan kay pachapi justiciata ruwajtiyki, kay pachapi runakuna yachanqanku imachus cheqan justicia kasqanta.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Daniel (hebreo) 6:26

26 (27) Kayta kamachini: Tukuynin suyuypi Danielpa Diosninta manchachikuychej, kharkatitispataj payllamantaj k'umuykuychej, imaraykuchus paymin kawsaj Diosqa. Payllapuni wiñaypaj wiñaynintinkama kawsan. Kamachiynenqa mana jayk'ajpis chinkarenqachu, nitaj atiyninpis tukukonqachu.

Jonás 1:10

Chayta uyarispa, barcota purichejkuna maytapuni manchachikorqanku, nerqankutaj: Imaraykutaj chayta ruwarqankiri? nispa. Paykuna yacharqanku Jonasqa Tata Diosmanta ayqeshasqanta, imaraykuchus chayta payllataj rimarerqa.

Jonás 1:14

Chantá Tata Diosmanta mañakorqanku: Tata Dios, ama kay runarayku wañuchiwaykuchu. Sichus pay mana juchayoj chayqa, wañusqanmanta ama juchachawaykuchu, imaraykuchus qanqa munasqaykiman jina imatapis ruwanki, nispa.

Marcos 4:31

Diospa kamachiynenqa mostaza mujuman rijch'akun. Chay mujoqa jallp'api tarpusqa mujukunamanta nisqa aswan juch'uysitu.

Hechos 5:11

Chantá tukuy iglesiawan, chaymanta tukuy uyarejkunawan ima maytapuni manchachikorqanku.

Jueces 13:16

Angeltajrí kuticherqa: Qhepakuyman chaypis, mana noqaqa qankunawan mikhuyta atiymanchu. Jinapis atiwaj chay chivituta ñak'aspa, Tata Diosman jaywaspa q'olachiyta, nispa.