Joel 3:16 - DIOSPA QHELQACHISQ

¹⁶ 16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Qheshwa Biblia DC

¹⁶ Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

DIOSPA QHELQACHISQAN DEUTEROCANONICAL

¹⁶ 16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Joel 3:16 ပူးပေါင်းရင်းမြစ်များ

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Salmos 29:11

Tata Diosqa ayllunmanpis kallpata qollantaj. Jinallataj Tata Dios sonqo tiyaykusqa kawsakuywan ayllunta saminchan.

Salmos 61:3

3 (4) Qanmin sinch'i pukara torre jina kanki, awqaymanta pakakunaypaj.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 33:16

Chay runamin ni imamanta manchachikuspa kawsanqa, pakakunanpis chhankapi jina kanqa. Mikhunanwan, ujyanan yakuwanqa mana tukukonqachu.

Isaías 33:21

Tata Diosqa chaypimin tukuy atiyninta rikuchiwasun. Payqa jatun mayu jina kanqa, sumajta rishaj ashkha yaku jinataj. Awqakunaqa chay mayuta mana chimpayta atenqankuchu juch'uy barcowan, nitaj jatun barcowanpis.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Isaías 51:16

Nisqayta simiykiman churarqani, makiypa llanthunpitaj waqaycharqayki. Janajta jatunman aysaspa, kay pachaj cimientontapis churaspa, Sionta nerqani: Qanqa aylluy kanki, nispa.

Jeremías 16:19

Chantá noqa Jeremías nerqani: Tata Dios, qanmin kallpay, waqaychawajniytaj kanki. Ñak'ariypi qanllamin pakakunay kanki. Qanman kay pachaj k'uchunmantapacha jamuspa, nisonqanku: Ñawpa tatanchejkunaj diosninkoqa qhasi manakaj ni imapaj walej dioskunalla kasqanku.

Jeremías 17:17

Ama ari mancharichiwaychu, imaraykuchus qanmin ñak'ariy p'unchaypi pakaykukunay kanki.

Ezequiel 38:19

K'araj phiñakuyniypitaj tiluspa, noqa nini: Chaypacha Israel suyupi sinch'i jallp'a ikhakuy kanqa.

Oseas 11:10

Aswan qhepaman israelitakuna qhepayta jamonqanku. Noqa Tata Diosqa león jina qhaparisaj, qhaparejtiytaj, aylluymanta kajkuna inti yaykuynejmanta kharkatitispa jamonqanku.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 3:8

León qhaparejtin, pitaj mana kharkatitinmanchu? Tukuyta Kamachej Tata Dios parlajtin, pitaj Tata Diospa sutinpi mana sut'inchanmanchuri?

Nahúm 1:7

Tata Diosqa may k'achamin. Llakiy p'unchaypipis runata jark'akun, paypi atinikojkunatataj waqaychanpuni.

Hageo 2:6

Ajinata Tukuy Atiyniyoj Tata Dios nin: Tumpamantawan janajta, kay pachata, jinataj mama qochata, jallp'atapis kharkatitichisaj.

Hageo 2:7

Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

Zacarías 10:12

Aylluytarí noqa kallpachasaj, paykunataj sutiypi ñawpajllamanpuni renqanku. Noqa Tata Diosmin ajinata nini.

Zacarías 10:6

Tata Dios nillantaj: Noqaqa Judáj mirayninta kallpachasaj, jinallataj Joséj miraynintapis kacharichisaj. Paykunamanta khuyarikusqayrayku, watej paykunata llajtankuman kutichisaj. Manapis ni jayk'aj paykunata qhesachaymanchu karqa, ajina kanqa. Noqa, Tata Diosninku kani, mañakuwasqankutataj uyarisaj.

Zacarías 9:12

Pikunachus kacharichisqa kayta suyakojkuna, sumaj jark'achasqa wasiykichejman kutimuychej. Noqa niykichej, ñak'arisqaykichejmanta uj jinatawanraj kutichipusunaykichejta.

Hebreos 12:26

Chaypacha Diospa parlasqan kay pachata kharkatiticherqa. Kunantajrí pay nillantaj: Uj kutitawan kharkatitichisaj, mana kay pachallatachu, manachayqa janaj pachatawan, nispa.

Apocalipsis 11:13

Chantá chay kikinpacha manchay jallp'a ikhakuy kanqa, Jerusalén llajta chunkaman t'aqasqamanta ujnin kaj t'aqataj thuñiykukonqa. Jallp'a ikhakusqanraykutaj 7.000 runakuna wañuranqanku, kawsashaj qhepakojkunataj mancharikuspa, janaj pachapi kaj Diosta jatunchanqanku.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 16:18

Chantá lliuj lliujkuna, qhapariykuna, qhon qhonkuna ima karqa. Jallp'aqa manchayta ikhakorqa. Runa kay pachapi kasqanmantapacha, chay jina jallp'a ikhakoyqa mana jayk'ajpis karqachu.

1 Samuel 15:29

Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.