Joel 2:32 - DIOSPA QHELQACHISQ

³² 32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Qheshwa Biblia DC

³² Señorpa sutinta qhaparikojkunaqa, tukuyninku wañuymanta salvakonqanku, imaraykuchus, Sión orqopi, Jerusalempi, salvación tarikonqa, Señorpa parlasqanman jina. Pikunatachá Pay ajllarqa, chaykuna kausanqanku.

DIOSPA QHELQACHISQAN DEUTEROCANONICAL

³² 32 (3.5) Chaywanpis pikunachus noqa Tata Diospa sutiyta oqharispa Diosninkupaj rejsikapuwajkunaqa wañunamanta qhespichisqa kanqanku. Noqa Tata Dios nisqayman jina Sión orqopi, Jerusalenpi ima paykunata qhespichisaj. Pikunatachá noqa ajllasaj, chaykunamin kawsanqanku.

Joel 2:32 ပူးပေါင်းရင်းမြစ်များ

Génesis 4:26

Setpatapis churin kallarqataj, sutintaj Enós karqa. Chaymantapacha runakunaqa Tata Diospa sutinta oqharispa, payta yupaychayta qallarerqanku.

Salmos 50:15

Llakiykuna qhatirisojtin, wajyakuway, noqataj kacharichisqayki. Chaymantataj qan jatunchawanki, nispa.

Isaías 10:22

Israel, aylluyki mama qocha kantupi t'iyu chhikapis kachun. Chaywanpis chaymanta pisi puchojkunalla kutimonqanku. Tukuchisqa kananku nisqaqa junt'akonqapuni, ajinamantataj justicia ruwakonqa.

Isaías 11:11

Chaypacha Tata Dios ujtawan atiyninta rikuchillanqataj, maykunapichus ayllunmanta kajkuna puchorqanku, chaykunata kutichimunanpaj: Asiriamanta, Egiptomanta, Patrosmanta, Etiopiamanta, Elammanta, Sinarmanta, Jamatmanta, mama qochaj kantunmanta ima.

Isaías 11:16

Ajinamanta Tata Dios allin ñanta wakichenqa ayllunmanta puchojkuna Asiriamanta kutiripunankupaj, imaynatachus israelitakuna Egiptomanta llojsimunankupaj ruwarqa, ajinata.

Isaías 4:2

Chaywanpis aswan qhepamanqa Tata Diospa ijichisqan manchay k'achitu kanqa. Chantá puchoj israelitakuna jallp'aj poqoyninmanta mayta kusikonqanku, chaynejtataj may uyarisqa kanqanku.

Isaías 46:13

Noqaqa justiciayta qayllachimusaj, manataj karupichu kashan. Qhespichinaypis usqhayta chayamullanqataj. Noqaqa Sionta qhespichisaj, Israelpitaj jatun kayniypa lliphipiynin rikukonqa, nispa.

Jeremías 31:7

Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Jeremías 33:3

Mañakuway, noqataj t'ukuna imakunata, chantá mana yachasqayki imakunata ima rejsichisqayki.

Amós 9:8

Tukuyta Kamachej Tata Dios qhawamushan kay juchasapa suyuta. Chantá nin: Kay millay suyuta kay pachamanta chinkachisaj. Chaywanpis Jacobpa ayllunmanta mana tukuyninkutachu chinkachisaj, nispa nin Tata Diosqa.

Abdías 1:17

Chaywanpis Sión orqoqa Diospaj t'aqasqa nisqa kanqa. Chayman wakinkuna ayqekuyta atenqanku. Jacob ayllumanta kajkuna jallp'ankuta watej chayaqeta jina jap'ikapullanqankutaj.

Abdías 1:21

Atipajkunaqa Sión orqoman wicharenqanku chaymantapacha Esaúj orqonkunata juchachanankupaj. Chaypachataj Tata Diosmin kuraj kamachej jina kamachenqa.

Miqueas 5:3

3 (2) Tata Diosqa ayllunta saqenqa awqanpa makinpi kajta, chay onqoj warmi wawanta paqarichikunankama. Chaypacha waj suyukunaman mana munashajta apasqa kajkuna Israel suyuman kutimponqanku.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

San Juan 10:16

Waj ovejaykunapis tiyapullawantaj, mana kay tropamanta kajkuna. Noqataj chay ovejakunatapis pusamunallaytaj tiyan. Paykunata wajyajtiy, uyariwanqanku, chantá tukuy ovejaykuna uj tropalla kanqanku, uj k'ata michejniyojtaj.

San Juan 4:22

Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.

Hechos 15:17

Ajinamanta wajkunapis Tukuyta Kamachej Diosta mask'anqanku, tukuy suyumanta mana judío kajkunapis, pikunachus sutiyta oqharispa Diosninkupaj rejsikapuwanku, chaykuna, nispa.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Romanos 11:26

Chay junt'akojtintaj, tukuy Israel ayllu qhespichisqa kanqa, Diospa Qhelqachisqanpi nisqanman jina: Pichus kacharichejqa Sionmanta jamonqa, paytaj Jacobpa mirayninmanta millay kajta llimphuchanqa.

Romanos 11:5

Ajinallataj kunanpis israelitakunamanta pisilla Diospi atinikuspa kanku. Diosrí paykunata qhasilla k'acha yanapayninman jina ajllakorqa.

Romanos 11:7

Chay jinaqa israelitakunamanta ashkha Diospa ñawpaqenpi allinpaj qhawasqa kayta mask'ashaspapis, mana tarerqankuchu. Chaywanpis pikunatachus Dios ajllakorqa, chaykunalla chayta tarerqanku. Chay ujkunaj sonqonkutaj rumiyachisqa karqa.

Romanos 9:24

Noqanchej chay ajllakusqan ukhumanta kashanchej, wakin judiokunamanta, wakintaj mana judío kajkuna ukhumanta.

Romanos 9:27

Israelitakunamanta parlaspa, Isaiaspis nillarqataj: Israelitakunaj mirayninchus mama qochapi t'iyu jina kanman chaypis, chaykunamanta pisilla qhespichisqa kanqanku.

1 Corintios 1:2

Qankunaqa Cristo Jesusman ujchasqa kaspa, Diospaj t'aqasqa kankichej, wajyasqataj juchamanta t'aqasqa kanaykichejpaj. Dios Jesucristonejta paypaj t'aqawarqanchej, pikunachus Tukuyta Kamachej Jesucristoj sutinta oqharinku, chaykunatawan khuska. Payqa paykunaj Kuraj Kamachejninku, noqanchejpatapis.

Hebreos 12:22

Qankunatajrí Sión orqoman, jinataj kawsaj Diospa llajtanman qayllaykunkichej. Chay llajtaqa janaj pachapi kaj Jerusalén, chaypitaj mana yupay atina angelkuna Diosta yupaychashanku.