Joel 2:28 - DIOSPA QHELQACHISQ

²⁸ 28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Qheshwa Biblia DC

²⁸ Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

DIOSPA QHELQACHISQAN DEUTEROCANONICAL

²⁸ 28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Joel 2:28 ပူးပေါင်းရင်းမြစ်များ

Proverbios 1:23

K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

Isaías 32:15

Chayqa ajina kanqa, Diospa Espíritun patamanta noqanchejman kachamusqa kanankama. Chaypacha ch'innejkuna chajra llank'anaman tukonqa. Sumajta chajra poqonan jallp'akunataj may chhika poqoyniyoj kanqanku.

Isaías 40:5

Chantá Tata Diospa jatun kayninpa lliphipiynin rikhurenqa, tukuy runataj chayta rikonqanku, imaraykuchus chayta Tata Diospuni nin, nispa.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 49:26

Chay ñak'arichisojkunaman kikin aychallankutataj mikhuchisaj, yawarnillankuwantaj vinowan jina paykunata machachisaj. Ajinamanta tukuy runakuna yachanqanku noqa Tata Dios pagota qospa kacharichisoj kasqayta. Noqaqa Jacobta kamachej kani, may atiyniyojtaj, nispa.

Isaías 49:6

Pay niwan: Qanqa kamachiy kanki, mana Jacobpa ayllullantachu watej sayarichinaykipaj, nitaj Israelmanta puchojkunallatachu kutirichimunaykipaj. Aswanpis waj suyukunapaj k'anchay jina kanaykipaj churayki, noqa qhespichej kasqayta tukuy kay pachaj k'uchunkama willamunaykipaj, nispa.

Isaías 54:13

Noqa tukuynin churiykikunaman yachachisaj, wawaykikunataj allin kawsaypipuni kawsanqanku.

Jeremías 23:25

Noqa chay sut'inchajkunaj llullakusqankuta uyarini, pikunachus sutiypi parlashasqankuta ninku, chaykunajta. Paykuna ninku: Tata Dios mosqochaspa parlawan, nispa.

Jeremías 23:28

Sichus uj sut'inchaj mosqokun chayqa, imatachus mosqokuspa rikusqanta willachun. Nisqayta uyarejtajrí chayta maychus kajta willachun. Trigowan, pajawanqa mana kikillanchu kanku.

Ezequiel 36:27

Espirituytapis qollasqaykichejtaj, nisqayta, kamachisqaytawan junt'anaykichejpaj.

Ezequiel 37:14

Noqa qankunaman Espirituyta qosqaykichej, qankunataj kawsankichej. Jinataj suyuykichejpi allinpi kawsachisqaykichej. Chantá qankuna yachankichej noqa Tata Dios chayta ruwasqayta, jinataj imatachus nisqayta junt'asqayta ima. Noqa Tata Dios chayta nini.

Ezequiel 39:29

Manaña ujtawanpis israelitakunamanta uyayta pakasajchu, imaraykuchus Espirituywan paykunata junt'achisaj. Noqa Tukuyta Kamachej Tata Dios chayta nini.

Daniel (hebreo) 7:1

Babilonia suyupi kuraj kamachej Belsasar kamachiyta qallarisqan watapi, Daniel ujta mosqokorqa, chay mosqoypitaj tukuy imata rikorqa. Rijch'arispataj, mosqoypi jina rikusqanta qhelqarqa. Kaymin chay qhelqasqanqa:

Zacarías 12:10

Chantá Davidpa mirayninman, jinataj Jerusalenpi tiyakojkunaman sumaj sonqota qosaj, noqa Diosmanta mañakuyta munana sonqotawan. Noqata qhawariwanqanku, pitachus t'ojserqanku, chayta. Chaymantataj may jinata waqanqanku, imaynatachus runakuna waqanku k'ata wawanku chayrí kuraj kaj churinku wañojtin, ajinata.

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

San Lucas 1:67

Chaypacha Juanpa tatan Zacariasqa Santo Espíritoj kamachiyninpi rikhurispa, kay jinata sut'incharqa:

San Lucas 3:6

Chantá tukuy runaqa Diospa kachamusqan qhespichejta rikonqanku, nispa.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

Hechos 2:33

Chaymantataj Diosqa Jesusta pañanman tiyaykucherqa. Payllataj Santo Espirituta Jesusman qorqa. Kunantaj Jesús Santo Espirituta kachamun, imaynatachus kunan rikushankichej, uyarishankichej, ajinata.

Hechos 2:39

Ajinata Dios ruwanqa, imaraykuchus pay nisqaña Santo Espirituta qankunaman qonanta, wawaykichejkunaman, tukuy karu suyukunapi kajkunamanpis, pikunatachus Dios wajyan, chaykunaman, nispa.

Hechos 21:9

Felipetaj tawa sipas ususiyoj karqa, paykunataj Diospa simi nisqanta sut'inchajkuna karqanku.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

1 Samuel 19:20

Chaypacha Saulqa Davidta jap'imunankupaj soldadokunata kacharqa. Saulpa kachasqankunatajrí Ramá llajtaman chayaspa, Samuelta, uj mashkha sut'inchajkunawan Diosmanta sut'inchashajta rikorqanku. Chay sut'inchajkunataqa Samuel pusaykachasharqa. Jinallaman Diospa Espiritonqa Saulpa kachasqankunamanpis jamorqa. Chantá paykunapis Diosmanta sut'inchajkuna jina sut'inchashallarqankutaj.

1 Samuel 19:21

Saúl chayta yachaspa, waj soldadokunatañataj kacharqa. Paykunapis Diosmanta sut'inchajkuna jinallataj sut'incharqanku. Kinsa kaj kutipi Saulqa wajkunatañataj kachallarqataj. Paykunapis Diosmanta sut'inchajkuna jinallataj sut'incharqanku.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.