Joel 2:27 - DIOSPA QHELQACHISQ

²⁷ Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.

Qheshwa Biblia DC

²⁷ Qankunataj, Israelmanta runakuna, yachaychej, noqa Tukuy Atiyniyoj Señor kashasqayta qankunawan. Noqa Diosniykichej kasqayta, manataj aswan waj Dios kasqanta. Mana jayk'ajpis llajtayqa ujtawan penqaypi rikhurenqañachu!

DIOSPA QHELQACHISQAN DEUTEROCANONICAL

²⁷ Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.

Joel 2:27 ပူးပေါင်းရင်းမြစ်များ

Salmos 46:5

Diosninchej chay llajta chawpipi kashan. Paymin chay llajtata sayachenqa, tutamantataj yanapanqa.

Salmos 68:18

18 (19) Diosníy, presochasqakunata apaspa pataman wicharerqanki. Runakuna, jinataj contraykipi oqharikojkunapis tukuy imata waqerqasunku. Kunantaj, Tata Diosníy, paykuna ukhupi tiyakunki.

Proverbios 1:23

K'amisqayta uyariwaychej, noqataj yachaywan junt'achisqaykichej, imatachus yachasqaytataj rejsichisqaykichej.

Isaías 12:6

Sionpi tiyakojkuna, kusiywan sinch'ita takiychej, imaraykuchus Israelpa May Llimphu Kaj Diosnenqa chawpiykichejpi tukuy jatun kayninwan kashan, nispa.

Isaías 44:3

Noqaqa ch'aki pampapi yakuta puririchisaj, ch'aki jallp'apipis yaku mayukuna kanqa. Mirayniykimanpis Espirituyta kachamullasajtaj, wawaykikunatataj saminchasaj.

Isaías 44:8

Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Isaías 45:5

Noqamin Tata Dios kani. Noqamanta jawaqa mana waj dios kanchu. Qan mana rejsishawajtiykipis, noqa qanta maqanakunaykipaj sumajta wakichiyki.

Isaías 45:6

Ajinamanta inti llojsimuynejmanta inti yaykuynejkama tukuy yachanqanku noqamanta jawa mana waj dios kasqanta. Noqamin Tata Dios kani, manataj waj dios kanchu.

Isaías 46:9

Yuyarikuychej ari ñawpamantapacha imachus kasqanta. Noqalla Dios kani. Noqamanta jawaqa mana waj dios kanchu, nillataj ujllapis noqaman rijch'akojqa kanchu.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Ezequiel 37:6

Ankuta churaykusqaykichej, aychawantaj junt'achisqaykichej. Chantá aycha qarata churasqaykichej, jinaspataj kawsay samayta qosqaykichej, chaywan watej kawsanaykichejpaj. Chaypachataj qankuna yachankichej noqa Tata Dios kasqayta, nispa.

Ezequiel 39:22

Chay p'unchaymantapacha ñawpajmantaj Israel aylloqa yachanqanku noqa Tata Dios kasqayta.

Ezequiel 39:28

Pikunatachus waj suyukunaman apacherqani, chaykunata watej suyunkupi tantaykusaj, ni mayqenninkutapis saqerparispa. Chaypacha noqa Tata Dios kasqayta yachanqanku.

Ezequiel 39:29

Manaña ujtawanpis israelitakunamanta uyayta pakasajchu, imaraykuchus Espirituywan paykunata junt'achisaj. Noqa Tukuyta Kamachej Tata Dios chayta nini.

Joel 2:26

Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

Joel 3:17

17 (4.17) Chaypacha qankuna yachankichej, noqa Tata Diosniykichej t'aqakusqay Sión orqopi tiyakusqayta. Jerusalenqa noqapaj t'aqakusqay llajta kanqa, manañataj jayk'ajpis waj llajtayojkuna jap'enqankuchu.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Sofonías 3:17

Tata Diosniykeqa qanwan kashan. Payqa may atiyniyojmin, qhespichisonqataj. Tata Diosqa qanwan kusisqapuni kanqa. Munakuyninwan mosoj kawsayta qosonqa, qanmanta kusikuspataj, raymipi jina takirikonqa, nispa.

Zacarías 2:9

9 (13) Chayrayku noqa kikiy contrankuta maqanakusaj, jinataj wata runallankutaj paykunata ch'uskiranqanku. Ajinamanta yachankichej Tukuy Atiyniyoj Tata Dios noqata kachamuwasqanta.

Números 11:29

Moisestajrí kuticherqa: Ama qan chaymanta llakikuychu. Allin kanman Tata Diosqa tukuy israelitakunaman espiritunta qonan, jinamanta Tata Diosmanta sut'inchanankupaj, nispa.

Números 23:21

Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Deuteronomio 23:14

14 (15) Tata Diosniykichejqa qankunaj chawpiykichejpi purishan, yanapanasuykichejpaj, awqaykichejtapis atipachisunaykichejpaj. Chayrayku jaraykichejqa Diospaj t'aqasqa kasqanrayku, llimphu kanan tiyan. Manachayqa qankuna ukhupi ch'ichita rikuspa, Diosqa qankunamanta karunchakonqa.

1 Pedro 2:6

Chayrayku Diospa Qhelqachisqanpi nillantaj: Noqaqa may valorniyoj ajllasqa esquina rumita Sionpi churani. Pichus chaymanta jap'ikojqa mana p'enqachisqachu kanqa, nispa.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.