Joel 2:26 - DIOSPA QHELQACHISQ

²⁶ Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

Qheshwa Biblia DC

²⁶ Sumajta sajsakunaykichejkama mikhunkichej. Tukuy Atiyniyoj Señor Diosniykichejtataj yupaychankichej. Pay jatun t'ukuna imasta ruwan qankunarayku. Llajtayqa mana jayk'ajpis p'enqachisqachu kanqa.

DIOSPA QHELQACHISQAN DEUTEROCANONICAL

²⁶ Chantá qankuna sumajta sajsakunaykichejkama mikhunkichej, Tata Diosniykichejtataj yupaychawankichej. Noqamin chay t'ukunata qankunarayku ruwasaj. Chayrayku qankuna aylluy manaña jayk'ajpis p'enqachisqachu kankichej.

Joel 2:26 ပူးပေါင်းရင်းမြစ်များ

Génesis 33:11

Waqeta aparimususqayta jap'ikullaway. Tata Dios yanapawasqanrayku tukuy imayoj kani, manataj imapis pisiwanchu, nispa. Chay jinatapuni Jacob nisqanrayku, Esaú jap'ikorqa.

Nehemías 9:25

Paykunataj sumaj perqawan muyuchisqa llajtakunata, waj jina poqoyniyoj sach'akunatapis, tukuy allin imawan junt'asqa wasikunata ima jap'ikaporqanku. Jinallataj yaku jap'ina qochakunata, uva huertakunata, olivo sach'akunata, waj jina poqoyniyoj sach'akunatapis jap'ikapullarqankutaj. Sumaj mikhunata mikhorqanku sajsakunankukama, jinaspataj wirayarqanku, chay jatun khuyakuyniykipitaj kusikorqanku.

Salmos 103:5

Tata Diosmin tukuy allin kajwan atipachiwan, ankata jinataj kallpachawan.

Salmos 116:7

Kunanqa watej sonqoy samarikonqa, imaraykuchus Tata Dios noqawan k'acha karqa.

Salmos 13:6

(6b) Allin kajta ruwapuwasqanrayku noqaqa Tata Diosman takisaj.

Salmos 22:26

26 (27) Wajcha runakuna sajsakunankukama mikhonqanku. Tata Diosta mask'ajkuna payta yupaychanqanku, unaytataj kawsanqanku.

Salmos 37:19

Mana allin wata chayamojtin, mana p'enqachisqachu kanqanku. Imamanta pisichikuna tiempo chayamojtinpis, ashkha mikhunayoj kanqanku.

Salmos 67:5

5 (6) Diosníy, runakunaqa jatunchasuchunku, tukuy suyumanta kajkunataj jatunchasuchunku.

Salmos 72:18

Tata Diosqa, Israelpa Tukuy Atiyniyoj Diosnin yupaychasqa kachun, imaraykuchus payllamin t'ukuna imakunata ruwan.

Proverbios 13:25

Cheqan runaqa sajsakunankama mikhun, millayta ruwaj runapajrí yarqhachikuylla tiyan.

TAKIYKUNA 5:1

Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

Isaías 25:1

Tata Dios, qanmin Diosniy kanki. Sutiykita pataman oqharispa jatunchasqayki, yupaychasqaykitaj, imaraykuchus qanmin t'ukuna imakunata ruwarqanki. Chaykunata unaymantapacha wakicherqanki, kunantaj chayta junt'arqanki.

Isaías 29:22

Chayrayku pichus Abrahamta qhespichej Tata Diosqa Jacobpa mirayninta nin: Kunanmanta ñawpajman Jacobqa manaña p'enqachisqachu kanqa, manataj uyanpis mancharikuywan q'elluyanqachu.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 49:23

Kuraj kamachejkuna uywaqeykikuna kanqanku, qoyakunapis ñuñuchisojkuna kanqanku. Paykunaqa pampakama ñawpaqeykipi k'umuykukonqanku. Chakiykipi jallp'a kajtapis qallunkuwan llajwanqanku. Ajinapi qan yachanki noqa Tata Dios kasqayta. Pikunachus noqapi atinikojkunaqa mana jayk'ajpis p'enqachisqachu kanqanku.

Isaías 54:4

Ama manchachikuychu ari. Qanqa manaña p'enqachisqachu kanki. Ama p'enqakuychu, imaraykuchus manaña k'umuykachachisqachu kanki. Qanqa sipas kashaspa, p'enqakoj kasqaykita qonqayman churanki, manallataj yuyarikunkichu warmisapa kashaspa k'umuykachasqaykimantapis.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Levítico 25:19

Jallp'aqa sumajta poqopusonqachej, qankunataj sajsakunaykichejkama mikhunkichej. Chaypitaj ni imamanta manchachikuspa, tiyakunkichej.

Levítico 26:26

Maypachachus mikhunaykichejta qhechusqaykichej chaypachaqa, chunka warmikuna uj hornollapi t'antata chayachenqanku. Qankunamantaj pisimanta pisi t'antata qosonqachej, manataj sajsakunkichejchu.

Levítico 26:5

Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

Miqueas 6:14

Ajinamanta mikhuspapis mana sajsakunkichu, manachayqa mikhunamanta jina ch'ayñarayanki. Mikhuna tantasqaykitapis mana waqaychayta atinkichu. Imatachus jallch'anki, chaytapis contraykipi jamojkunaman jaywasaj.

Sofonías 3:11

Munasqa ayllúy, chay p'unchaypi manaña p'enqakunkichejchu contraypi oqharikuspa millayta ruwasqaykichejmanta. Chaypacha noqaqa jatunchakojkunata, umata oqharejkunata ima qankuna chawpimanta wijch'usaj. Manataj jayk'ajpis ujtawan noqapaj t'aqasqa orqoypi wapuykachanqankuchu.

Zacarías 9:15

Tukuy Atiyniyoj Tata Diosqa paypata kajkunata waqaychanqa. Paykunataj warak'ajkunaj ruminkuta saronqanku, awqankutataj phirenqanku. Ujyanqanku machanankukama, vasonkuta yawarwan junt'achenqanku, imaynatachus altarman ch'ajchunapaj yawarta vasoman junt'achinku, ajinata.

Zacarías 9:17

Suyunkoqa may sumaj, may munaymin kanqa. May chhika trigowan, vinowan kasqanrayku, waynakuna, sipaskuna ima kallpasapa wiñanqanku.

Romanos 10:11

Diospa Qhelqachisqanpi nillantaj: Tukuy pichus paypi atinikojqa mana ch'awkiyasqachu kanqa, nispa.

Romanos 5:5

Diospi suyakuspataj, mana q'otiyasqachu kasunchej, imaraykuchus Dios Santo Espiritunejta munakuyninta sonqonchejman junt'achin, pitachus pay qowarqanchej, chaynejta.

Romanos 9:33

Diospa Qhelqachisqanpi nin: Noqaqa Sionpi uj rumita churani, chaypi misk'aspa urmanankupaj. Chaywanpis tukuy pichus paypi atinikojqa mana ch'awkiyasqachu kanqa, nispa.

Deuteronomio 11:15

Jinallataj Tata Diosqa uywaykichejpaj ashkha q'achuta wiñachenqa. Qankunapajpis mikhuna may chhika kallanqataj.

Deuteronomio 12:12

Tata Diosniykichejpa ñawpaqenpi raymita ruwaspa, wawaykichejkunawan, chantá kamachiykichejkunawan ima mayta kusikunkichej. Jinallataj qankunawan tiyakoj levitakunawanpis kusikullankichejtaj, imaraykuchus paykunaqa mana qankuna jina jallp'ata jap'inkuchu.

Deuteronomio 12:18

Chaykunataqa Tata Diosniykichejpa ñawpaqenpi, may cheqatachus pay ajllakonqa, chaypi mikhuyta atinkichej wawaykichejwan, kamachiykichejwan khuska, jinallataj qankunawan tiyakoj levitakunawanpis. Ajinata llank'aspa, tukuy imata tarisqaykichejmanta mayta kusikunkichej.

Deuteronomio 12:7

Chayllapitaj Tata Diosniykichejpa ñawpaqenpi tukuy aylluykichejwan khuska mikhunkichej. Ajinata ruwankichej llank'aspa, imatachus tarisqaykichejmanta kusikuspa, imajtinchus Tata Diosniykichejmin yanapasunkichej.

Deuteronomio 8:10

Chaypi mikhuspa sajsakunaykichejkama, chay jina sumaj jallp'ata qosusqaykichejmanta Tata Diosniykichejta yupaychankichej.

1 Timoteo 6:17

Timoteo, kay pachapi qhapajkunata kamachiy ama umata oqharinankuta, amataj tiyapuyninkupi atinikunankuta, imaraykuchus qhapajyayqa tukukapojlla. Manachayqa kawsaj Diospi atinikuchunku, pichus mana mich'akuspa tukuy imata qowanchej chaykunawan kusisqa kawsananchejpaj, chaymanta.

1 Juan 2:28

Kunanqa, wawaykuna, Cristowan allinpipuni kawsakuychej, pay ujtawan kutimojtin, mana manchachikuspa, nitaj p'enqakuspa, paypa ñawpaqenpi rikhurinanchejpaj.