Joel 2:17 - DIOSPA QHELQACHISQ

¹⁷ Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Qheshwa Biblia DC

¹⁷ Sacerdotes, Señorta sirvejkunapis waqachunku. Templo punkuman altar qayllanejpi nichunku: Kay llajtapi kaj tukuy runaspa juchasninta pampachay, Señor. Ama saqeychu, qampata kajkunamanta pipis burlata ruwakunanta. Ama saqeychu waj llajtayoj runas llajtaykipi kamachinankuta. Amataj saqeychu Diospi mana creejkuna ninankuta: Maypitaj kashan paykunaj Diosninrí?

DIOSPA QHELQACHISQAN DEUTEROCANONICAL

¹⁷ Templopi altar qayllapi Tata Diospaj ruwanayoj sacerdotekunapis waqaspa kay jinata mañachunku: Tata Diosniyku, kay tukuy runaj juchankuta pampachay ari. Ama saqeychu qanpata kajkunamanta pipis alqochakunanta. Amallataj saqeychu waj suyumanta runakuna suyuykita kamachinankuta. Amallataj saqeychu qanta mana manchachikojkuna ninankuta: Maypitaj kashan israelitakunaj Diosninkuri? nispa.

Joel 2:17 ပူးပေါင်းရင်းမြစ်များ

1 Reyes 6:3

Diospa Templonpa ñawpaqenpi corredorqa anchonman jisq'on metroyoj karqa, Temploj anchon kikillantaj. Chay Temploj ñawpaqenqa anchonman tawa metro khuskanniyoj karqa.

1 Reyes 9:7

noqaqa kay jallp'ata qorqaykichej, chaymanta qharqosqaykichej. Kay Templota noqapaj t'aqakusqaytapis qhesachallasajtaj. Israel suyutaj, tukuy suyoj asipayasqan kanqa.

2 Crónicas 7:20

tiyakunaykichejpaj qorqaykichej, chay jallp'amanta wijch'usqaykichej. Noqapaj t'aqakusqay Templotapis chinkarparichisaj. Qankunataj tukuy runaj asikunanku kankichej.

2 Crónicas 8:12

Chantá Salomonqa Temploj ñawpaqenpi, altar patapi uywakunata ñak'aspa Tata Diosman jaywaspa q'olacherqa.

Nehemías 9:36

Kunantaj qhawariy: Ñawpa tataykukunaman jallp'ata qorqanki, chay jallp'aj poqosqanmanta kawsanankupaj. Noqaykurí chay kikin jallp'allapitaj wata runa kashayku.

Salmos 115:2

Imajtintaj Diosta mana qhatejkuna tapuwaykuman kasqa: Maypitaj Diosniykichej kashanri? nispa.

Salmos 42:10

10 (11) Tulluypis thajawanña awqaykuna sonqoyta nanachiwasqankurayku. Paykuna sapa kuti tapullawankupuni: Maytaj Diosniykiri? nispa.

Salmos 42:11

11 (11) Imaraykutaj q'enaqakuyman kasqari? Imaraykutaj phutikuyman kasqari? Diospi atinikuspa suyakuni, paytataj yupaychasajraj. Paymin qhespichiwaj Diosneyqa.

Salmos 42:3

3 (4) Mikhunayqa tuta p'unchay waqaynillay, runakunataj sapa kuti tapushawanku: Maytaj Diosniykiri? nispa.

Salmos 42:4

4 (5) Kaymanta yuyarikuspa, llakikuywan waqarikuni. Yuyarikuni imaynatachus ashkha runawan rispa, paykunata Diospa Templonkama pusasqayta kusiymanta qhaparispa, yupaychaspa ima. Chaypachamá jatun raymipi kusikuy karqa.

Salmos 74:10

Diosníy, mayk'ajkamataj awqakuna turiyawasqaykuri? Mayk'ajkamataj mana allinta qanmanta parlanqankuri?

Salmos 79:10

Imaraykutaj qanta mana qhatisojkuna noqaykumanta ninkuman kasqa: Maypitaj Diosninku kashan? nisparí? Kamachiykikunata wañuchisqankumanta pagachikusqaykita tukuy yachachunku.

Salmos 79:4

Noqayku muyuyniykupi tiyakojkunaj alqochakunan kayku, paykunataj noqaykumanta alqorakuwayku.

Salmos 89:41

41 (42) Chayrayku tukuy chaynejta purejkuna paymanta suwaranku, muyuyninpi kajkunataj asipayanku.

Salmos 89:51

51 (52) Tata Dios, chay jinata awqaykikuna sonqoykuta nanachiwayku, ajinata mayllapipis ajllakusqayki kamachejta nanachinku.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Isaías 37:20

Kunanrí Tata Diosniyku, asiriokunaj makinmanta kacharichiwayku ari, ajinamanta kay pachapi kaj chhika suyukuna yachanankupaj qan k'atalla Tata Dios atiyniyoj Dios kasqaykita, nispa.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Ezequiel 8:16

Chantá runaman rijch'akojqa Tata Diospa Templon ukhu pationman apaykuwarqa. Chaypitaj Temploman yaykuna punkumanta altarman rinapi, iskay chunka phishqayoj runakuna Tata Diospa Templonta wasanchakuspa, inti llojsimuy ladoman qhawarisqa pampaman k'umuykuspa intita yupaychasharqanku.

Oseas 14:2

Tata Diosman kutirikuychej, kay jinata mañakuspataj, qayllaykuychej: Pampachapuwayku tukuy juchaykuta, simiykuwan yupaychasqaykutataj jap'ikuy.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:9

Chay kikinta sacerdotekunapis waqaykunku, imaraykuchus Templopi ch'aki mikhuy jaywana manaña kanchu, nitaj vinopis kanchu Tata Diosman jaywanapaj.

Amós 7:2

Chantá chay phinki phinkikuna chajrata tukuykushajtinña, nerqani: Tukuyta Kamachej Tata Dios, juchaykuta pampachawayku. Imawantaj kawsasqayku juch'uy suyulla kashaspari? nispa.

Amós 7:5

Chantá nerqani: Ama ari chayta ruwaychu, Tukuyta Kamachej Tata Dios. Imawantaj kawsasqayku juch'uy suyulla kashaspari? nispa.

Miqueas 7:10

Chantá awqay chayta rikuspa, p'enqakuymanta wañonqa. Pay kusipayawaspa niwaj: Maypitaj Tata Dios, chay Diosniykiri? nispa. Chaywanpis ñanpi t'uruta jina sarusqata awqayta rikuspa, noqañataj kusikusaj.

Malaquías 1:9

Sacerdotekuna, Diosmanta mañakuychej khuyasunaykichejta. Chaywanpis, sichus chay jina ofrendata payman jaywankichej chayqa, ama yuyaychejchu Dios uyarinasuykichejta. Noqamin Tukuy Atiyniyoj Tata Dios chayta nini.

Números 25:6

Chaypachapuni uj israelita, Moisespa rikunanta, chantá tukuy israelitakunaj rikunankuta, Madián llajtayoj uj warmita jaraman pusaykorqa. Moiseswan, israelitakunawan imataj Dioswan Tinkukuna Toldo punkupi waqasharqanku.

San Mateo 23:35

Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

San Mateo 27:43

Pay nillasqataj Diospi atinikusqanta. Kunantaj Dios kacharichichun ari, sichus payta munakun chayqa, imaraykuchus pay nerqa: Diospa Churin kani, nispa.

Deuteronomio 28:37

Chantá maymanchá Tata Dios apachisonqa, chay suyupi tiyakojkuna t'ukuspa, qhawasonqanku. Qanmanta alqorakusonqanku, chantá qanta imachus qhatirisusqanqa asikunankupaj kanqa.

Deuteronomio 32:27

Noqarí awqankukuna asikuspa kanankuta mana munarqanichu, nillataj wapuykachaspa ninankuta: Mana Tata Dioschu chayta ruwarqa, noqanchejmin atiyninchejwan ruwarqanchej, nispa.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.