Joel 2:16 - DIOSPA QHELQACHISQ

¹⁶ Diospa ayllunta tantaykuspa, paykunata llimphuchaychej, Diospa ñawpaqenpi llimphupaj qhawasqa kanankupaj. Machu runakunata, wawakunata, ñuñushaj wawakunata ima tantaychej. Kunallanraj casarakojkunapis puñunanku wasimanta llojsimuchunku.

Qheshwa Biblia DC

¹⁶ Diospa runasninta tantaykuychej, paykunata llimphuchaychejtaj. Unay watayoj runasta, wawasta, ñuñukushaj wawasta ima tantachiychej. Kunallan casarakojkunapis llojsimuchunku casarakuna wasimanta!

DIOSPA QHELQACHISQAN DEUTEROCANONICAL

¹⁶ Diospa ayllunta tantaykuspa, paykunata llimphuchaychej, Diospa ñawpaqenpi llimphupaj qhawasqa kanankupaj. Machu runakunata, wawakunata, ñuñushaj wawakunata ima tantaychej. Kunallanraj casarakojkunapis puñunanku wasimanta llojsimuchunku.

Joel 2:16 ပူးပေါင်းရင်းမြစ်များ

2 Crónicas 20:13

Judamanta kajkunaqa tukuyninku warminkuna, wawankuna, jinataj aswan juch'uy wawankunapiwan ima Tata Diospa ñawpaqenpi sayasharqanku.

2 Crónicas 29:5

Nerqataj: Levitakuna, uyariwaychej: Kunan llimphuchakuychej, Diospa ñawpaqenpi llimphupaj qhawasqa kanaykichejpaj. Ñawpa tatanchejpa Tata Diosninpa Templontapis llimphuchallaychejtaj, Tata Diospaj T'aqasqa Cheqamantataj tukuy ch'ichi millay kajta orqhomuychej.

2 Crónicas 30:17

Runakuna ukhumanta ashkharaj mana llimphuchakusqankuchu. Chayrayku levitakuna mana llimphuchasqa runakunarayku uywankukunata ñak'aporqanku, jinamanta Tata Diospaj t'aqasqa kanankupaj.

2 Crónicas 30:19

Paykunaqa mana llimphuchakorqankuchu, manataj junt'arqankuchu kamachisqaykiman jina. Chaywanpis tukuy sonqo qan Tata Diosta yupaychaj jamunku, imaraykuchus qan ñawpa tatankoj Diosnin kasqaykita yachanku, nispa.

2 Crónicas 35:6

Chaypitaj Pascuapi ñak'ana corderokunata ñak'aychej, llimphuchakuychejtaj Diospa ñawpaqenpi llimphupaj qhawasqa kanaykichejpaj. Jinallataj israelita masiykichejkunatapis wakichiychej, Moisesnejta Tata Diospa kamachisqanta junt'anankupaj.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

Salmos 19:5

5 (6)Inteqa imaynatachus kunallanraj casarakoj qhari wasinmanta llojsimun, ajinata llojsimun, llallinakupi t'ijoj jinataj kusirikuspa, ñanninta purin.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Éxodo 19:15

Chantá nillarqataj: Minchhapaj sumaj wakichisqa kanaykichej tiyan. Chayrayku ama warmiykichejwanpis puñunkichejchu, nispa.

Éxodo 19:22

Noqaman qayllaykamuwaj sacerdotekunapis llimphupaj qhawasqa kanankupaj llimphuchakuchunku, ama paykunata wañuchinaypaj, nispa.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

San Mateo 21:16

Chayrayku Jesusta nerqanku: Uyarishankichu kaykuna imatachus nishasqankuta? nispa. Jesustaj kuticherqa: Arí, uyarishani. Qankunarí, manachu jayk'ajpis Diospa Qhelqachisqanpi kay jinata ñawirerqankichej? Chaypi nin: Qanqa juch'uy wawakunata, ñuñojkunatawan ima sumajta yupaychasunankuta yachacherqanki, nispa.

San Mateo 9:15

Jesustaj uj rijch'anachinawan paykunaman kuticherqa: Qankuna yuyankichejchu casamientoman wajyarisqa kajkuna llakisqa kaspa ayunanankuta, casarakoj runa paykunawan kashajtin? Manapuni icharí? Uj p'unchay chayamonqa, chaypachataj casarakoj paykunamanta qhechusqa kanqa. Chaypachamá ayunanqanku, nispa.

1 Corintios 7:5

Chayrayku qhari warmeqa puñuykukunaykichejta ama jark'anakuychejchu. Qhari warmi parlarikuspa, ichapis mana unaypajchu puñuykukuyta saqewajchej, Dioswan parlarikuspa kanaykichejpaj. Chaymanta qhari warmi jina watej puñukapunallaykichejtaj tiyan, ama Kuraj Supay juchallichisunaykichejpaj mana kakuyta atisqaykichejrayku.

Josué 7:13

Sayariy, israelitakunata tantachispataj, llimphuchachimuy, Diospa ñawpaqenpi llimphupaj qhawasqa kanaykichejpaj. Chantá niy, q'aya ñawpaqeyman chimpamunankupaj wakichikunankuta, imaraykuchus noqa Tata Dios, Israelpa Diosnin ajinata nini: Qankunaqa imakunatachus phirinaykichej karqa, chaykunata mana phirerqankichejchu. Manachus tukuyninta phirinkichej chayqa, manapuni awqaykichejta atipayta atinkichejchu.

Josué 8:35

Josueqa Moisespa kamachisqanta Israel suyumanta qharikunaman, warmikunaman, wawakunaman, chantá waj llajtayojkunaman ima tukuyninta ñawirerqa.

1 Samuel 16:5

Samueltaj kuticherqa: Arí. Tata Diosman uywa ñak'asqata q'olachispa jaywaj jamushani. Wakichikuychej Diospa ñawpaqenpi llimphupaj qhawasqa kanaykichejpaj. Chantá noqawan khuska jamuychej Tata Diosman q'olachinata jaywaj, nispa. Chaymanta Samuelqa Yeseta, churinkunatawan llimphupaj qhawasqa kanankupaj ruwaytawan, Tata Diospaj q'olachinaman paykunatapis wajyallarqataj.