Joel 2:12 - DIOSPA QHELQACHISQ

¹² Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Qheshwa Biblia DC

¹² Kunanqa Señor nin: Noqaman tukuy sonqo kutirimuychej. Ayunota ruwaychej, qhaparikuychej, waqaychejtaj!

DIOSPA QHELQACHISQAN DEUTEROCANONICAL

¹² Chayrayku Tata Dios nin: Noqaman tukuy sonqo kutirikamuwaychej ayunaspa, waqaspa, llakikuspa ima.

Joel 2:12 ပူးပေါင်းရင်းမြစ်များ

2 Samuel 24:10

Chantá Davidqa israelitakunata yupachispa, juchallisqanta reparakorqa, Tata Diosmantaj juchanta rimarerqa: May jatunta juchallikuni chay imakunata ruwaspa. Chayrayku Tata Dios, mañarikuyki juchayta pampachanaykita. Noqaqa wampu jina chaytaqa ruwarqani, nispa.

2 Crónicas 30:6

Ajinata willajkunaqa tukuy Israel suyuman, Judá suyumanpis rerqanku, kuraj kamachej, jinataj yanapajninkunaj carta ruwasqankuta apaspa. Kuraj kamachejpa kamachisqan ajina karqa: Israelitakuna, noqallanchej Asiriaj kuraj kamachejninpa runa apasqanmanta qhepakojkuna kanchej. Chayrayku kunan noqanchej Abrahampa, Isaacpa, Israelpa Tata Diosninman kutiripunachej, paytaj noqanchejman kutirimuwasunchej.

2 Crónicas 6:27

qan janaj pachamantapacha uyariy, tukuy israelitakunaj juchankuta pampachay, cheqan ñantataj puriyta yachachiy. Jinallataj chayaqeta jina qosqayki jallp'amanpis parachimuy.

Ester (hebreo) 4:16

Qantajrí, Susa llajtapi tukuy judiokunata tantaspa, kinsa p'unchayta, kinsa tutatawan ayunaychej. Noqapis kamachiykunawan kikillantataj ruwasqayku. Chaymantaraj kuraj kamachejpa ñawpaqenman, kamachisqata p'akispa risaj. Wañunay kanqa chaypis, jina wañusaj, nispa.

Éxodo 33:5

imaraykuchus Tata Diosqa Moisesta nisqa: Israelitakunata niy: Qankunaqa uyarikunapaj joq'ara kankichej. Uj chhikantachus qankunawan riyman chayqa, usqhayllata qankunata tukurparichiykichejman. Kunanpacha jaluchuykichejta orqhokuychej. Ajinapi noqa yachasaj qankunawan imatachus ruwanayta, nispa.

Isaías 22:12

Chay p'unchaypi Tukuy Atiyniyoj Tata Dios wajyasorqachej mayta llakikuspa waqanaykichejpaj, llakikusqaykichejta rikuchispa umaykichejta ruthukunaykichejpaj, qhashqa p'achata churakunaykichejpaj ima, chay millay ruwasqaykichejmanta.

Isaías 58:4

Qankuna ayunashaspaqa, phiñanakunkichej, churanakunkichej ima, manakajllamanta sajmanakunkichej. Chay jinata ayunashaspa, yuyankichejchu noqawan janaj pachapi uyarichikunaykichejta?

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 36:7

Uyarispa, ichapis Tata Diosmanta mañakunkuman, millay ruwasqankumantataj kutirikunkuman, imaraykuchus Tata Diospa k'araj phiñakuynenqa manchachikunapaj jinamin, nispa.

Jeremías 4:1

Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Daniel (hebreo) 9:3

Chayta yachaspa, noqa Tukuyta Kamachej Diosmanta mañakorqani, ayunarqani ima. Qhashqa p'achata churakuspataj, ushpha patapi tiyakorqani.

Oseas 12:6

6 (7) Ajinaqa, Israel, Diosniykiman kutirikamuy. Cheqa kajta munakuy, cheqan kajtataj ruway, paypi atinikuspataj, suyakuypuni.

Oseas 12:7

7 (8) Tata Dios nin: Canaanqa mana cabalta pesaj balanzata apaykachan, imaraykuchus runakunata q'otiyaspa misk'irichikun.

Oseas 14:1

Israel, Tata Diosniykiman kutirikuy juchallispa urmasqaykimanta.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Zacarías 7:3

Jinapi, Tukuy Atiyniyoj Tata Diospa Templonpi kaj sut'inchajkunata, jinataj sacerdotekunata tapoj rispa, nerqanku: Sapa wata phishqa kaj killapi noqayku qhashqa p'achawan p'achallikuspa, ayunallasqaykupunichu, imaynatachus kunankama ayunayta yachayku, jinata? nispa.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.

Malaquías 1:9

Sacerdotekuna, Diosmanta mañakuychej khuyasunaykichejta. Chaywanpis, sichus chay jina ofrendata payman jaywankichej chayqa, ama yuyaychejchu Dios uyarinasuykichejta. Noqamin Tukuy Atiyniyoj Tata Dios chayta nini.

Hechos 26:20

Ajinaqa Damascopiraj Jesusmanta willayta qallarerqani, chaymantá Jerusalenpi, qhepantataj tukuy Judeapi. Mana judío kajkunamanpis noqa Jesusmanta willallarqanitaj. Tukuyninkuman nerqani Diosman kutirikunankuta, jinataj allin kajta ruwaspa, Diosman kutirikusqankumanta yachayta qonankupaj.

Jueces 2:4

Tata Diospa angelnin parlayta tukojtinkama, tukuynin israelitakuna sinch'imanta waqayta qallarerqanku.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.