Joel 2:11 - DIOSPA QHELQACHISQ

¹¹ Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Qheshwa Biblia DC

¹¹ Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

DIOSPA QHELQACHISQAN DEUTEROCANONICAL

¹¹ Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Joel 2:11 ပူးပေါင်းရင်းမြစ်များ

Salmos 18:14

14 (15) Payqa lliuj lliujninkunata flechata jina kachaykorqa, awqaykunatataj tukuynejman ch'eqeracherqa.

Salmos 46:6

6 (7) Tukuy runakuna manchachikuspa qhaparinku, kuraj kamachejkunaj kamachisqanku suyukunapis kharkatitinku. Dios parlarejtinkama, jallp'apis kharkatitillantaj.

Salmos 68:18

18 (19) Diosníy, presochasqakunata apaspa pataman wicharerqanki. Runakuna, jinataj contraykipi oqharikojkunapis tukuy imata waqerqasunku. Kunantaj, Tata Diosníy, paykuna ukhupi tiyakunki.

Isaías 13:4

Orqokunapi ashkha runaj ch'ajwasqan jina uyarikun. May chhika soldadokunaj purisqanpis, suyukunaj purisqanku, ch'ajwasqanku ima uyarikullantaj. Tukuy Atiyniyoj Tata Dios soldadonkunata maqanakupaj tantaykun.

Isaías 42:13

Tata Diosqa kallpasapa runa jina rikhurimonqa. Maqanakupi soldado jina phiñakonqa, manchayta qhaparispataj, awqanta atipanqa.

Isaías 7:18

Chaypacha Tata Dios silbarispa, Egipto karu mayukunamanta, chantá Asiriamanta ima soldadokunata wajyanqa. Chaykunataj ch'uspi jina chayrí abeja jina aywirispa muyuykusonqanku.

Jeremías 25:30

Qantaj Jeremías, sutiypi kay tukuyta sut'inchaspa, paykunata niy: Tata Diosqa patamanta sinch'ita qhaparimonqa, janaj pachapi kamachinan tiyana kashan, chaymantapacha. Ayllunpa contranta ima qhaparimonqa, imaynatachus uvata ch'irwajkuna qhaparimunku, ajinata.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 50:34

Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Ezequiel 22:14

Maypachachus noqa contraykita jatarisaj chaypacha, churanakunawaykipaj kallpayki kanmanchu? Makiykipis kallpayojllapunichu kanqa? Noqa Tata Diosmin chayta nini, imatachus nisqaytataj junt'asajpuni.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Joel 1:6

Ashkha phinki phinkikuna may atiyniyoj soldadokuna jina, suyuyman junt'aykamunku. Paykunaj kirunkoqa leonpa kirun jina, k'amankutaj china leonpata jinallataj.

Joel 2:1

Sión orqopi putututa waqachiychej. Noqaj ajllakusqay orqopitaj sinch'ita qhapariychej. Judá suyupi tiyakojkuna, tukuyniykichej kharkatitiychej, imaraykuchus Tata Diospa p'unchaynin chayamushanña.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Joel 2:25

Tata Dios nin: Noqa qankunaj contraykichejpi chajraykichejta tukuykunankupaj kachamorqaykichej soldadokunata jina may chhika phinki phinkikunata. Chaywanpis imatachus mikhukapusqankuta kutichipusqaykichej.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Joel 3:14

14 (4.14) Justicia Ruwana vallepi manchay ashkha runakuna kashanku. Tata Diospa p'unchaynin chayamushanña.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Amós 1:2

Amós nerqa: Jerusalenpi Tata Dios sinch'ita Sión orqomanta parlajtin, pampapi q'omer pasto ch'akiponqa, jinallataj Carmelo orqopis ch'akiponqa.

Amós 5:18

Ay, jatun llakiy kanqa, pikunachus Tata Diospa p'unchaynin chayamunallantaña munashanku, chaykunapaj. Yachankichejchu imaynachus chay p'unchay qankunapaj kananta? Chay p'unchayqa laqhalla kanqa, manataj sut'ichu.

Amós 5:20

Arí, Tata Diospa p'unchaynin laqhalla kanqa, manataj k'anchay kanqachu. Tuti laqha kanqa, manataj sut'ichu.

Abdías 1:15

Tata Dios tukuy suyukunata jasut'inan p'unchay chayamushanña. Chayrayku imaynatachus wajkunata ruwarqanki, ajinallatataj qantapis ruwasonqanku. Imatachus ruwasqaykiman jina jap'inki.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Malaquías 3:2

Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

Números 24:23

Chaymanta Balaamqa kay jinatañataj sut'incharqa: Ay, pitaj kawsanman kay imakunata Dios ruwashajtinri?

1 Tesalonicenses 4:16

Chaypacha Tukuyta Kamachej Jesús jatunmanta kamachenqa, arcangeltaj qhaparenqa, jinataj uj ángel Diospa trompetanta waqachenqa. Chantá janaj pachamanta kikin Tukuyta Kamachej Jesús urayk'amonqa. Chaymantataj Cristopi atinikoj wañojkuna ñawpajta kawsarimponqanku.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.

Apocalipsis 6:17

imaraykuchus Cordero jasut'inan p'unchay chayamunña, manataj pipis awantayta atenqachu, nispa.