Joel 1:12 - DIOSPA QHELQACHISQ

¹² Uva sach'akuna qawirasqa kashanku, higo sach'akunataj manaña kanchu. Jinallataj tukuy granada sach'a, palma sach'a, manzana sach'a ima ch'akirapunku. Montepi tukuy sach'akunapis ch'akirapullankutaj. Chayrayku tukuy runaj kusikuyninkupis chinkapullantaj.

Qheshwa Biblia DC

¹² Uvas sach'asqa ch'akirasqaña. Higos sach'astaj manaña kanchu. Chay granado sach'as, palmera sach'as, manzana sach'as, ajinallataj orqopi kaj tukuy sach'aspis ch'akirasqallataj tarikunku. Chaynejta tukuy runaj kusikuynin chinkapun!

DIOSPA QHELQACHISQAN DEUTEROCANONICAL

¹² Uva sach'akuna qawirasqa kashanku, higo sach'akunataj manaña kanchu. Jinallataj tukuy granada sach'a, palma sach'a, manzana sach'a ima ch'akirapunku. Montepi tukuy sach'akunapis ch'akirapullankutaj. Chayrayku tukuy runaj kusikuyninkupis chinkapullantaj.

Joel 1:12 ပူးပေါင်းရင်းမြစ်များ

Salmos 4:7

7 (8) Qanmin jatun kusiyta qowarqanki, pikunachus ashkha trigoyoj, ashkha vinoyoj ima kaspa kusikunku, chaykunamantapis astawanraj.

Salmos 92:12

12 (13) Cheqanta ruwajkuna palma sach'a jina t'ikarenqanku, Libanopi cedro sach'a jinataj wiñanqanku.

TAKIYKUNA 2:3

Munasqayqa waynakunaj chawpinkupi, manzana sach'a jina sach'akunaj chawpinkupi kashan. Chay sach'aj llanthunpi noqaqa ima munayta tiyarikuni. Poqoynintataj manchay misk'ita mikhurikuni.

TAKIYKUNA 4:13

Granada sach'ayoj huerta jina kanki, sumaj misk'i poqoyniyoj. Chaypeqa nardo t'ika tiyan,

Isaías 16:10

Llank'ana jallp'akunapi kusiy takiy tukukapun, uva huertakunapipis manaña takiykuna uyarikunchu. Manaña vino ruwanapaj uvatapis ch'irwankuchu, imaraykuchus kusiywan ch'ajwasqankuta ch'inyachini.

Isaías 24:11

Runakunaqa tukuy callekunapi mana vino kasqanmanta waqashanku. Tukuy kusiyninkutaj llakiyman tukun. Kusikoyqa kay pachamanta qhechusqa.

Isaías 24:7

Vinoqa pisiyan, uva sach'akunatapis onqoyta jap'irparin, tukuy kusisqa kawsajkunataj mayta llakikushanku.

Isaías 9:3

3 (2) Qanqa kay Israel suyupi tiyakojkunata miraykuchinki, kusiywantaj junt'achinki. Ñawpaqeykipi tukuy kusikonqanku, imaynatachus runakuna poqoyta oqharispa kusikunku, ajinata. Maytapuni kusikonqanku, imaynatachus soldadokuna maqanakupi qhechusqankuta rak'inakuspa kusikunku, ajinallatataj.

Jeremías 48:3

Joronayinmanta runaj qhaparisqan uyarikun: Urmachisqa, phirisqataj kashan, nispa.

Jeremías 48:33

Moabpa sumachaj jallp'an chawpipi manaña runakunaj kusiywan takisqanku uyarikunñachu. Vino jallch'anapi vinopis tukukapunña. Manaña pipis uvata sarojqa kanchu, nillataj kusiy takiykunapis kanchu.

Joel 1:10

Chajraqa q'arapachalla, jallp'ataj sonqo nanaylla. Trigoqa mana poqonchu, uva sach'apis ch'akirapun, olivo sach'apis qawirapushan.

Joel 1:16

Qhawashajtillanchej, mikhunanchejta qhechurawarqanchej. Diosninchejpa Templonpi kusikuy manaña kanchu.

Jonás 4:7

Q'ayantin paqarintajrí Tata Dios chay mathi yurata khuruwan k'utuykucherqa, jinataj mathi yuraqa ch'akiporqa.

Hageo 2:19

Qankuna kay p'unchaymanta allinta unanchariychej. Kunanmanta ñawpajman pirwaykichejpi trigo manaña pisiyanqachu. Mana uvapis, nitaj higopis, ni granadapis, ni olivopis poqoshanrajchu. Chaywanpis kunanmantapacha noqa saminchasqaykichej. Noqa Tata Diosmin chayta nini.

Malaquías 3:11

Chaypacha mana saqesajchu ni ima khuru chajraykichejta tukuykunanta, jinallataj uva sach'aykichejpis manchay poqoyniyoj kanqa. Noqa Tukuy Atiyniyoj Tata Dios ajinata nini.

Números 13:23

Jinallataj Hebronmanta rispa, Escol vallekama chayarqanku, chaypitaj uva sach'aj uj yuranta chhullchuyojta k'utorqanku. Chaytataj k'aspiman warkhuykuspa, iskay ukhu wantuspa aparqanku. Jinallataj granadata, higotawan pallaspa, apallarqankutaj.