Joel 1:10 - DIOSPA QHELQACHISQ

¹⁰ Chajraqa q'arapachalla, jallp'ataj sonqo nanaylla. Trigoqa mana poqonchu, uva sach'apis ch'akirapun, olivo sach'apis qawirapushan.

Qheshwa Biblia DC

¹⁰ Chajrasqa mana ima poqoyniyoj, q'arapachalla kashanku, jallp'astaj may llakisqas kashanku Trigoqa pierdekapun. Uvas sach'aspis ch'akirapunku. Olivo sach'astaj ch'akirasqallataj.

DIOSPA QHELQACHISQAN DEUTEROCANONICAL

¹⁰ Chajraqa q'arapachalla, jallp'ataj sonqo nanaylla. Trigoqa mana poqonchu, uva sach'apis ch'akirapun, olivo sach'apis qawirapushan.

Joel 1:10 ပူးပေါင်းရင်းမြစ်များ

Génesis 4:12

Chajrata tarpojtiykipis, jallp'aqa manaña poqopusonqachu. Qantaj kay pachapi mana llajtayoj jina puriskiri kanki, nispa.

Isaías 15:6

Nimrín pujyupi yakupis ch'akipun. Pastopis ch'akirapullantaj. Qhorapis ch'akipun manañataj ima q'omerpis kanñachu.

Isaías 24:11

Runakunaqa tukuy callekunapi mana vino kasqanmanta waqashanku. Tukuy kusiyninkutaj llakiyman tukun. Kusikoyqa kay pachamanta qhechusqa.

Isaías 24:7

Vinoqa pisiyan, uva sach'akunatapis onqoyta jap'irparin, tukuy kusisqa kawsajkunataj mayta llakikushanku.

Jeremías 12:11

Ch'inllata, q'ara pampatataj saqerparinku. Chantá noqa chay suyuta llakiymanta waqashajta rikuni. Tukuynin suyu phirisqa kashan, chaymantaqa mana pipis llakikunchu.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 48:33

Moabpa sumachaj jallp'an chawpipi manaña runakunaj kusiywan takisqanku uyarikunñachu. Vino jallch'anapi vinopis tukukapunña. Manaña pipis uvata sarojqa kanchu, nillataj kusiy takiykunapis kanchu.

Oseas 4:3

Chayrayku kay suyu lutuchasqa jinamin, chaypi kajkunataj kallpa wañusqa kanku. K'ita animalkunapis, p'isqokunapis, chantá mama qochapi challwakunapis chinkarapushanku.

Oseas 9:2

Chayrayku Israel, qan mana trigoyoj nitaj vinoyoj kanki, mosoj vino kajpis pisilla kanqa.

Joel 1:12

Uva sach'akuna qawirasqa kashanku, higo sach'akunataj manaña kanchu. Jinallataj tukuy granada sach'a, palma sach'a, manzana sach'a ima ch'akirapunku. Montepi tukuy sach'akunapis ch'akirapullankutaj. Chayrayku tukuy runaj kusikuyninkupis chinkapullantaj.

Joel 1:5

Machasqakuna, rijch'ariychej. Vinota ujyajkuna, waqayta qallariychej, imaraykuchus upi vinoykichejtapis simiykichejmanta qhechusonqachej.

Joel 2:19

Chantá paykunata nenqa: Noqa sajsanaykichejkama mikhunaykichejpaj qosqaykichej trigota, vinota, aceiteta ima, manataj saqesajchu noqata mana manchachikojkuna qankunamanta alqochakunankuta.

Levítico 26:20

Qhasillata kallpaykichejta tukuchinkichej, imaraykuchus chajraqa mana poqonqachu, nitaj sach'akunapis poqonqankuchu.

Habacuc 3:17

Chaypachamari kusiywan junt'a kasaj kacharichiwajniy Tata Diosrayku. Amapis higo sach'akuna t'ikachunkuchu, nitaj uva sach'apis poqochunchu nitaj olivokunapis, nillataj chajrapis poqochunkuchu. Tropamanta ovejakunapis tukukapuchunku, amañapis wakakuna kachunkuchu. Chay tukuywanpis Tata Diosta yupaychallasajpuni, qhespichiwajniy Diosraykutaj kusikusaj.

Hageo 1:11

Noqa mana parachimunichu jallp'aman, orqokunaman, trigo chajraman, uva huertaman, olivo sach'aman, tukuy chajraman, runakunaman, uywakunaman, tukuy ima ruwasqankumanpis, nispa.

Malaquías 2:3

Chayrayku noqa mirayniykichejta k'amisaj. Chantá noqaman ñak'aspa jaywanapaj apamusqaykichej uywaj phusnunta uyaykichejman qhallisqaykichej, chay wanuwan khuskataj wijch'usqa kankichej.