Job 5:9 - DIOSPA QHELQACHISQ

⁹ Payqa jatuchaj imakunata, musphay t'ukunatawan ruwan, chaykunatataj mana pipis yupayta atinmanchu.

Qheshwa Biblia DC

⁹ Payqa ashkha imasta, musphay t'ukunastawan ruwan, chaykunatataj mana pipis unanchayta atinmanchu!

DIOSPA QHELQACHISQAN DEUTEROCANONICAL

⁹ Payqa jatuchaj imakunata, musphay t'ukunatawan ruwan, chaykunatataj mana pipis yupayta atinmanchu.

Job 5:9 ပူးပေါင်းရင်းမြစ်များ

Job 10:16

Sichus umayta oqharini chayqa, qanqa león jina qhatiykachawanki, chinkachinawaykiraykutaj t'ukunata ruwanki.

Job 13:1

Chantá Job nillarqapuni: Kay tukuy imata kikin ñawiywan rikorqani, nisqaykichejtataj kikin ninriywan uyarerqani.

Job 37:14

Job, pacienciawan kayta uyariway, Dios t'ukunapaj ruwasqanta allinta qhaway.

Job 37:16

Qanqa jaqay patapi phuyukuna imaynatachus purisqanta yachankichu? Chayqa Dios imayna yachayniyojchus kasqanta yachachiwanchej.

Job 37:5

Dios jatunmanta parlajtenqa, t'ukuna imakuna rikukun. Manchayta t'ukunapaj jina ruwasqanqa mana unanchay atina kanku.

Job 42:3

Pitaj noqa kasqani atiyniykimanta iskayrayanaypajri? Pitaj noqa kasqani iskayrayaspa mana yachayniyoj kasqayta rejsichikunaypajri? Noqaqa mana yachasqay imakunamanta parlasharqani, mana unanchay atina t'ukuna imakunamanta.

Job 9:10

Payqa may jinata t'ukunapaj jina imatapis ruwan, imatachus ruwasqantaqa mana pipis yachayta atinmanchu.

Salmos 139:18

Noqa yupayta munayman chaypis, t'iyumanta aswan ashkhapuni kanman. Chayta yupaspa tukuyman chaypis, qanllawanpuni kayman.

Salmos 145:3

Tata Diosqa jatunmin, mayta yupaychanapaj jina, jatun kaynintaj mana yachay atina.

Salmos 40:5

5 (6) Tata Dios, Diosníy, t'ukuna imakunata ruwasqaykeqa manchay ashkha, allinniykupaj ruwasqaykitaj mana yupay atina. Ni imapis qanwanqa ninakunchu. Sichus t'ukuna ruwasqaykimanta willaspa parlayman chayqa, mana tukuchiyta atiymanchu.

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Salmos 72:18

Tata Diosqa, Israelpa Tukuy Atiyniyoj Diosnin yupaychasqa kachun, imaraykuchus payllamin t'ukuna imakunata ruwan.

Salmos 86:10

Ajinata ruwanqanku, imaraykuchus qanllamin atiyniyoj Dios kanki, manchayta t'ukuna imakunatataj ruwanki.

Eclesiastés 3:11

Diosqa tukuy imata ruwarqa maychus tiemponpi k'achitu kananpaj. Payllataj runaj sonqonman wiñay kasqanpi yuyanata churarqa. Chaywanpis runaqa imatachus Dios qallariymantapacha ruwasqanta kunankama, manapuni yachayta atinchu.

Isaías 40:28

Manachu jayk'aj yacharqankichej? Manallatajchu uyarerqankichej? Tata Diosqa wiñay wiñaypaj kawsaj Diosmin. Jinallataj tukuy kay pachatapis paymin ruwarqa. Payqa mana llawch'iyanchu, nitaj sayk'unchu. Paypa yuyasqantaqa mana pipis yachayta atinmanchu.

Romanos 11:33

Diospa yachaynin, yuyayniyoj kasqanpis may jina t'ukunamin, mana tupuy atina. Jinallataj imatachus nisqan, ruwasqanpis noqanchejpaj mana yachay atinamin.