Job 14:3 - DIOSPA QHELQACHISQ

³ Runa chay jina kashajtinchu qhawarinki? Chay jina runatachu juicioman wajyanki?

Qheshwa Biblia DC

³ Chay rijch'aj runatachu qhawarinki, qantaj paypa contranta uj demandata wakichinkichu?

DIOSPA QHELQACHISQAN DEUTEROCANONICAL

³ Runa chay jina kashajtinchu qhawarinki? Chay jina runatachu juicioman wajyanki?

Job 14:3 ပူးပေါင်းရင်းမြစ်များ

Job 13:25

Noqaqa wayraj apaykachasqan laqhe jinalla kani. Imaraykutaj chinkachiyta munawankiri? Noqaqa ch'aki ichhu jinalla kani. Imaraykutaj qhatiykachawankiri?

Job 13:27

Chakiyta cadenawan watawanki. Ñawillaykipitaj purichiwanki, maymanchus risqaytapis qhawallankitaj.

Job 22:4

Sichus pay cheqan ñanman churasuyta munaspa k'amisunki, juzgasunanpajtaj wajyasunki chayqa, chayta ruwan mana payta tukuy imapi kasusqaykiraykuchu.

Job 9:32

Dioswanqa mana uj runawan jina uyanchanakuymanchu, nitaj niyta atiymanchu: Jaku, justicia ruwana wasiman rinachej, nispa.

Salmos 143:2

Kay kamachiykita ama juzganawaykipaj wajyawaychu, imaraykuchus ñawpaqeykipeqa mana pipis mana juchayojqa kanmanchu.

Salmos 144:3

Tata Dios, imataj runa kasqa paymanta qhawarinaykipajri? Imataj runa kasqa cuentaman churanaykipajri?

Salmos 8:4

4 (5) Imataj runa kasqa paymanta yuyarikunaykipajri? Imataj runa kasqa payta cuentaman churanaykipajri?

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.