Job 10:9 - DIOSPA QHELQACHISQ

⁹ Yuyarikuy ari t'urumanta ruwawasqaykita. Kunanqa watejchu jallp'allamantaj kutichiwanki?

Qheshwa Biblia DC

⁹ Yuyarikuy ari t'urumanta ruwawasqaykita! Kunanqa ñut'u jallp'allamantajchu tukuchiwanki?

DIOSPA QHELQACHISQAN DEUTEROCANONICAL

⁹ Yuyarikuy ari t'urumanta ruwawasqaykita. Kunanqa watejchu jallp'allamantaj kutichiwanki?

Job 10:9 ပူးပေါင်းရင်းမြစ်များ

Génesis 2:7

Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Job 10:10

Qanqa ukhuyta ruwarqanki, imaynatachus leche cuajajtin, quesota ruwanku, ajinata.

Job 17:14

Ichapis wañuyta niyman: Tatay kanki, nispa. Khurukunatataj niyman: Mamay, wawqeykuna ima kankichej, nispa.

Job 33:6

Diospa ñawpaqenpi qanwan noqawanqa uj rejlla kanchej. Noqapis jallp'amanta ruwasqallataj kani.

Job 34:15

tukuy runakuna ujllapi wañupusunman, ujtawantaj jallp'aman tukupusunman.

Job 4:19

Jina chayqa, imaynatataj Diosqa pisi kallpa runapi atinikonqari? Runaqa t'urumanta ruwasqa wasi jinallamin, thuta jinalla sarurparisqa kanqa.

Job 7:21

Manachu juchayta pampachawankiman? Manachu mana allin ruwasqaytapis pampachallawajtaj? Noqaqa ñapis jallp'aj sonqonman yaykupusajña. Mask'awanki, noqataj manaña kasajchu, nispa.

Job 7:7

Yuyarikuy ari, Diosníy, kawsayneyqa samay jinalla kasqanta, manañásina kusiy kawsayta rikusajchu.

Salmos 103:14

Payqa imamantachus ruwasqa kasqanchejta yachan, jinallataj jallp'allamanta kasqanchejta yuyarikun.

Salmos 104:29

Uyaykitachus pakanki chayrí, mancharikunku. Samayninkuta qhechupojtiykitaj, wañupunku, jallp'allamantaj tukupunku.

Salmos 106:4

Tata Dios, noqamanta yuyarikuway, aylluykipaj allin kajta ruwashaspa. Qhespichej jamuspaqa, noqamanta yuyarikuwaypuni.

Salmos 22:15

15 (16) Simeyqa ch'aki kashan, qalluytaj mallq'ayman k'askaykun. Qantaj jallp'aj sonqonkama chinkaykuchiwanki.

Salmos 25:18

Llakiyniyoj, phutikuyniyoj kashasqayta qhawariway, tukuy juchaytataj pampachay.

Salmos 78:39

Dios yuyarikorqa paykuna runalla kasqankuta, ripoj wayra jinalla kasqankuta ima.

Salmos 89:47

47 (48) Tata Dios, yuyariy pisi kawsayniyojlla kasqayta. Ruwasqayki runaqa mana unaytachu kawsan.

Salmos 90:3

Qanqa runata jallp'aman kutichinki: Wañoj runakuna, jallp'aman kutiychej, nispa.

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Isaías 45:9

May llakiy qhatirenqa, pikunachus Ruwajninkuwan churanakunku, chaykunata. T'urumanta ruwasqa mankaqa ruwajninwan churanakunmanchuri? T'uru mankaqa ruwajninta ninmanchu: Imata ruwashanki? nispa. Chayrí ninmantajchu: Ruwasqaykeqa mana allinchu, nispari?

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Jeremías 18:6

Manachu noqapis qankuna israelitakunawan ruwayta atini, imaynatachus manka llut'a runa t'uruwan ruwarqa, ajinata? Qankuna makiypi kankichej manka ruwajpa makinpi t'uru jina. Ajinata noqa Tata Dios nini.

Romanos 9:21

Chayrí, t'uru mankata ruwajqa manachu atinman chay t'urullamantataj mankata ruwayta jatun p'unchayllapi oqharinapaj, ujtataj sapa p'unchay oqharinapaj?

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.