Jeremías 9:8 - DIOSPA QHELQACHISQ

⁸ 8 (7) Qallunkoqa wañuchej flecha jina, siminkupis q'otiyanallamanta parlan. Runa masinkuman may misk'ita parlarinku, sonqonkupitajrí misk'anata churaspa, urmachinallapi yuyanku.

Qheshwa Biblia DC

⁸ Qallusninkoqa wañuchej wach'inas jina, mana kajta parlaspa purinku. Kausaqesninkuta may misk'ita napaykurinku, wasankumantataj tojllasta wakichishanku.

DIOSPA QHELQACHISQAN DEUTEROCANONICAL

⁸ 8 (7) Qallunkoqa wañuchej flecha jina, siminkupis q'otiyanallamanta parlan. Runa masinkuman may misk'ita parlarinku, sonqonkupitajrí misk'anata churaspa, urmachinallapi yuyanku.

Jeremías 9:8 ပူးပေါင်းရင်းမြစ်များ

2 Samuel 3:27

Hebronman Abner chayamojtinkama, Joabqa llajta punkumanta wajnejman pusarqorqa sapallankupi parlanankupaj. Chaypitajrí Joabqa Abnerta wijsanpi t'ojsispa, wañurparicherqa, wawqen Asaelta wañuchisqanmanta vengakuspa.

Salmos 12:2

2 (3) Aswanpis paykunapura llullanakunku, llunk'upayanakuspa parlanku, puraj uyataj kanku.

Salmos 12:3

3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

Salmos 120:3

Q'otiyajkuna, qankunataqa mana allinchu risonqachej. Diosmin jasut'isonqachej.

Salmos 28:3

Ama millayta purejkunatawan khuskataqa qhatatiwaychu, nitaj millayta ruwajkunatawanpis. Paykuna manchay k'acha runaman rijch'akunku, sonqonkupitajrí mana allin yuyana junt'a kashan.

Salmos 35:20

Paykuna mana ujkunawan allinpi kawsakuyta mask'ankuchu, manachayqa wasanchanankupaj wakichikunku allin ruwajkunaj contrankupi.

Salmos 55:21

21 (22) Parlasqankoqa mantequilla jina llamp'u, sonqonku ukhupirí maqanakuyllapi yuyashanku. Nisqankoqa aceitemantapis aswan llamp'u. Chaywanpis chay nisqankoqa filochasqa espada jina.

Salmos 57:4

4 (5) Runa mikhu leonkuna muyuykuwanku. Kirunkoqa lanza jina, flecha jinataj, qallunkutaj filochasqa espada jina.

Salmos 62:5

5 (6) Almayqa Diosllapi sonqo tiyasqa kawsayta tarin, noqataj paylla yanapanawanta suyakuni.

Salmos 64:8

8 (9) Kikin parlasqallankupitaj urmanqanku, paykunata rikojkunataj paykunamanta alqochakonqanku.

Proverbios 25:18

Pichus runa masinpa contranta llullakuspa parlajqa garrotemanta, espadamanta, chayrí filo puntayoj flechamantapis astawanraj nanachin.

Jeremías 5:26

Aylluy ukhupi millay runakuna tiyan. Chay runakuna p'isqota jap'ejkuna jina wateqanku, runa masinkuta jap'inankupajtaj tojllata churanku.

Jeremías 5:9

Manachu chay tukuymanta paykunata jasut'iymanri? Manachu chay jinata ruwaj suyuwan pagachikuymanri?

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 9:4

4 (3) Kawsaqeykichejmanta qhawakuychej, amataj kikin wawqeykichejpipis atinikuychejchu, imaraykuchus wawqepurapis ch'awkiyanakunku. Kawsaqentinpurapis llullakuspa tumpanakunku.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.