Jeremías 9:7 - DIOSPA QHELQACHISQ

⁷ 7 (6) Chayrayku noqa Tukuy Atiyniyoj Tata Dios nillanipuni: Imatañataj kay aylluywan astawan ruwayta atiymanri? Noqaqa qorita jina ninapi unuyachispa, paykunata ch'uwachasaj.

Qheshwa Biblia DC

⁷ Chayrayku noqa Tukuy Atiyniyoj Señor nini: Ninamanchá churasqa kanman allin ch'uwachasqa kanampaj ari. Imatañataj wajta kay aylluywan ruwaymanrí?

DIOSPA QHELQACHISQAN DEUTEROCANONICAL

⁷ 7 (6) Chayrayku noqa Tukuy Atiyniyoj Tata Dios nillanipuni: Imatañataj kay aylluywan astawan ruwayta atiymanri? Noqaqa qorita jina ninapi unuyachispa, paykunata ch'uwachasaj.

Jeremías 9:7 ပူးပေါင်းရင်းမြစ်များ

2 Samuel 13:26

Chantá Absalonqa nerqa: Mana riyta atejtiykeqa, wawqey Amnonllapis jamurinawanta niy ari, nispa. Kuraj kamachejtaj nerqa: Imaraykutaj Amnón rinanta munankiri? nispa.

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

Salmos 120:4

Payqa arconwan sumaj filochasqa flechata kachaykusonqachej, retamaj k'ajarishaj ninawantaj ruphaykuchisonqachej.

Salmos 55:22

22 (23) Qanqa phutikuyniykita Tata Diosman saqey, paytaj sinch'ita sayachisonqa. Payqa kasukoj runata ni jayk'aj urmananta saqenqachu.

Salmos 62:5

5 (6) Almayqa Diosllapi sonqo tiyasqa kawsayta tarin, noqataj paylla yanapanawanta suyakuni.

Isaías 1:25

Makiyta watej qanpa contraykipi oqharisaj. Qolqe metalta jina ch'uwayachispa, tukuy ch'ichiykita orqhosaj, jinamantataj llimphuchasqayki.

Isaías 48:10

Noqa llimphucharqaykichej mana qolqe metalta jinachu. Manachayqa ñak'ariy hornopi ch'uyancharqaykichej.

Isaías 59:3

Qankunaj makiykichejqa yawarlla, ruk'anaykichejpis millayta ruwanawan ch'ichichasqa kashan. Simiykichejqa llullata parlan, qalluykichejtaj millay kajllata rimarin.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Jeremías 5:1

Tata Dios nin: Jerusalén llajtaj callenkunata purimuspa, allinta qhawaychej, plazakunapitaj mask'aychej. Ichapis pillatapis cheqanta ruwajta tariwajchej, tukuy ruwasqanpi mana llullakojta ima. Sichus ujllatapis tariwajchej chayqa, Jerusalenpi tiyakojkunaj juchankuta pampachasaj.

Jeremías 6:27

Tata Dios nillawarqataj: Jeremías, qanta churayki aylluypa kawsayninta waturinaykipaj, imaynachus purisqankuta allinta qhawarinaykipaj.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Zacarías 13:9

Chay qhepakojkunarí ninawan ch'uwanchasqa kanqanku. Imaynatachus runa qolqe metalta ninapi ch'uwanchan, chayrí qorita ch'uwanchan, ajinata noqapis paykunata llimphuchasaj. Chaypacha paykunaqa sutiyta oqharenqanku Diosninkupaj rejsikapuwasqankurayku, noqataj mañakuwasqankuta uyarisaj. Chantá paykunata nisaj: Qankuna aylluy kankichej, nispa. Paykunataj kutichiwanqanku: Tata Diosqa Diosninchej, nispa. Noqa Tata Diosmin chayta nini.

Malaquías 3:3

Tata Dios tiyarikuspa, Leví jatun aylluta ch'uwachanqa, imaynatachus yachajkuna ninapi qolqe metalta, qorita ima ch'uwachanku, jinata. Chaymantataj paykunaqa Tata Diospa munasqanman jina ofrendata apamonqanku.

1 Pedro 1:7

Chay ñak'ariykunaqa Diospi atinikusqaykichej cheqachus manachus kasqanta sut'inchanqa. Chaypacha Diospi atinikusqaykichej cheqapuni kajtin, qankuna Jesucristoj kutimunan p'unchayta jatunchasqa, chantá allinpaj qhawasqa kankichej. Diospi atinikusqaykichejqa qorimanta nisqaqa aswan valorniyoj, imaraykuchus qoreqa ninawan ch'uwachasqa kaspapis, tukukuyniyoj. Diospi atinikusqaykichejrí mana.

1 Pedro 4:12

Munasqa wawqe panaykuna, sinch'i ñak'arichisqa kashaspapis ama chaymanta t'ukuychejchu, imajtinchus chayqa kananpi kashan.