Jeremías 9:23 - DIOSPA QHELQACHISQ

²³ 23 (22) Tata Dios nillantaj: Yachayniyoj runa yachayniyoj kasqanmanta ama runaykachachunchu, nitaj atiyniyojpis atiyninmanta, nillataj qhapajpis kapuyninmanta umata oqharichunchu.

Qheshwa Biblia DC

²³ Señorqa nin: Yachayniyoj runaqa ama chay yachayninmanta runaykachachunchu, nitaj atiyniyojpis, nitaj qhapajpis.

DIOSPA QHELQACHISQAN DEUTEROCANONICAL

²³ 23 (22) Tata Dios nillantaj: Yachayniyoj runa yachayniyoj kasqanmanta ama runaykachachunchu, nitaj atiyniyojpis atiyninmanta, nillataj qhapajpis kapuyninmanta umata oqharichunchu.

Jeremías 9:23 ပူးပေါင်းရင်းမြစ်များ

Job 32:13

Qankuna may yachayniyoj kasqaykichejta ama yuyakunaykichejpaj, Jobmanqa Dioslla kutichiyta atin, mana runachu.

Job 41:15

15 (7) Wasanpis escudowan qhatasqa jina, sumaj suk'asqa rumi jina churasqa.

Salmos 33:5

Tata Dios cheqan kajta, justiciatawan munakun. Munakuynintaj tukuy kay pachapi junt'a kashan.

Salmos 34:3

3 (4) Noqawan khuska, uj kunkallataj, Tata Diospa jatun sutinta yupaychanachej.

Salmos 44:9

9 (10) Kunanrí qan qhesachawayku, p'enqaypitaj rikhurichiwayku. Manañataj soldadoykunawanpis maqanakoj llojsinkichu.

Salmos 62:10

10 (11) Ama kallpayoj kasqaykichejpi atinikuspa, suwasqa kajwan may kasqaykichejta yuyakuychejchu, nitaj suwasqaykichejman sonqoykichejta churaychejchu, imajtinchus chayqa qhasillamin. Qhapajyaspapis, ama qolqeykichejpi atinikuychejchu.

Proverbios 11:4

Juicio p'unchaypi qhapaj kanaqa mana payta yanapanqachu. Cheqan kawsayniyoj runarí wañuymanta kacharichisqa kanqa.

Proverbios 21:30

Pipis Diospa contranpi sayaykojtin, ni yachayniyoj kaynin, ni yuyayniyoj kaynin, nitaj ima yuyaychakuypis payta yanapanqachu Tata Diosta atipananpaj.

Proverbios 3:5

Tukuy sonqoykiwan Tata Diospi atinikuy, amataj qanpa yachaynillaykipeqa atinikuychu.

Eclesiastés 2:19

Pitaj yachan qhepayta jamoj yachayniyojchus, chayrí wampuchus kanantari? Imatachus noqa kay pachapi mayta sayk'uspa, may yachayniywan ruwaspa tarisqayta, pay jap'enqa. Chaypis qhasi manakajlla kasqanta repararqani.

Eclesiastés 9:11

Chay jawa ujtawan qhawaspa, kaytapis rikullarqanitaj: Kay pachapi mana usqhayta t'ijojkunachu sapa kuti atipanku, maqanakupitaj mana kallpayojkunachu. Yachajniyojkunapis wakin kuti mana mikhunayoj rikhurinku, nitaj allin yuyayniyojkunapis qhapajchu kanku, nitaj yachajkunapis sapa kuti jatunpaj qhawasqachu kanku. Manachayqa tiempo chayamojtin, wakinpaj allin tiempo chayamun, wakinpajtaj mana.

Isaías 10:8

Pay jatunchakuspa, ajinata nin: Tukuy yanapawajkuna kuraj kamachejkuna kanqanku.

Isaías 20:5

Filisteokunaqa Etiopía yanapananta suyakorqanku, jinallataj Egiptopipis atinikorqanku. Chaywanpis p'enqakuspa pawichikonqanku.

Isaías 47:10

Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

Isaías 5:21

Imallachus kanqa qankunawan yachaysapaman tukojkuna, may yuyayniyoj kasqaykichejta yuyakojkuna.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 48:14

Mayta jatunchakuspa, Moabqa nej: May wapu kayku, maqanakupaj sumaj wapu soldadokuna, nispa.

Jeremías 48:7

Moab, qanqa kallpallaykipi atinikorqanki, jinataj qhapaj kasqaykipi. Chaywanpis qanta jap'isonqanku. Quemos diosniykeqa waj suyuman apasqa kanqa sacerdotenkunawan, kurajninkunawan ima.

Jeremías 49:4

Imaraykutaj chay sumaj poqoj jallp'aykimanta runaykachankiri? Noqamanta karunchakoj suyu, kapuyniykipi atinikuspa, ninki: Pitaj contrayta maqanakoj jamunmanri? nispa.

Ezequiel 29:9

Egipto suyoqa ch'inyachisqa kanqa, ch'inman tukuchisqataj. Chaywan paykuna yachanqanku noqa Tata Dios kasqayta. Ajinata ruwasqayki, imaraykuchus qan nisqanki: Nilo mayoqa noqajta, noqa ruwarqani, nispa.

Ezequiel 7:19

Qolqenkutapis qorinkutapis ñanman q'opata jina wijch'onqanku. Tata Diospa k'araj phiñakuynin p'unchaypi ni qorinku, nitaj qolqenkupis paykunata qhespichiyta atenqachu. Qolqenkoqa mana paykunata sajsachiyta atenqachu, nitaj wijsankutapis junt'achiyta, imaraykuchus qolqemanta wañurisqa kayninkoqa paykunata millay kawsayman aparqa.

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Marcos 10:24

Jesuspa yachachisqankuna chay nisqanmanta t'ukorqanku. Chaywanpis Jesús watejmanta paykunata nerqa: Wawaykuna, manamin atikoj jinallachu Diospa kamachiyninman yaykunaqa.

Romanos 1:22

Paykuna yachayniyoj kasqankuta nishaspapis, mana yuyayniyojman tukuporqanku.

1 Corintios 1:31

Chayrayku Diospa Qhelqachisqanpi nin: Pillapis jatunchakuyta munajqa Tukuyta Kamachej Jesucristomanta jatunchakun, nispa.

Deuteronomio 8:17

Ama sonqoykichejpi yuyankichejchu: Sinch'ita llank'asqaykurayku tukuy imata tarispa qhapajyayku, nispa.

Filipenses 3:10

Noqaqa Cristota astawan rejsiyta munani, chaywantaj niyta munani kawsarichej atiynin noqapi rikukunanta. Jinallataj paywan khuska ñak'ariyta munani. Wañunay kajtinpis, pay jinallataj wañuyta munani.

Filipenses 3:8

Cheqapuni ñawpajta imachus kasqayta qhasi manakajpaj qhawani, Tukuyta Kamachej Jesucristowan kawsakuna tukuy imamanta nisqaqa aswan sumaj kasqanrayku. Cristota munakusqayrayku noqa chay tukuy imata qhesachani, jinataj Cristota kasunayrayku q'opata jina qhawani, paywan ujchasqa kanaypaj.

1 Timoteo 6:10

Qolqeta munakoyqa tukuy imaymana mana allin kajpa saphin. Jinataj qolqeyoj kayta anchata munasqankurayku, wakinkuna Jesucristopi atinikunamanta t'aqakorqanku, chantá tukuy imaymana llakiykunawan ñak'arerqanku.

1 Samuel 17:42

Filisteo Goliattajrí, David waynallaraj chantá alajitu kasqanta rikuspa, manakajpaj qhawarqa.