Jeremías 9:21 - DIOSPA QHELQACHISQ

²¹ 21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Qheshwa Biblia DC

²¹ Wañoyqa wasisninchejman yaykuykamun, palaciosninchejpi, callespi wawasta wañuchinampaj, waynastataj plazaspi.

DIOSPA QHELQACHISQAN DEUTEROCANONICAL

²¹ 21 (20) Wañoyqa wasinchejkunaman yaykuykamun, kamachina wasimanpis. Callekunapi wawakunata wañuchin, plazakunapitaj waynakunata.

Jeremías 9:21 ပူးပေါင်းရင်းမြစ်များ

2 Crónicas 36:17

Chayrayku Tata Diosqa Caldea suyuta kuraj kamachejtañataj paykunaj contrankupi kachaykorqa. Babiloniamanta soldadokunaqa Diospa Templonpa pationpi waynakunata espadawan wañucherqanku, manataj khuyarqankuchu waynakunata, sipaskunata, machu runakunata, nitaj allin achachikunatapis. Tata Diosqa tukuyninkuta Babiloniaj kuraj kamachejninpa makinman jaywaykorqa.

Isaías 40:30

Waynakunaqa llawch'iyanku, sayk'upunkutaj. Aswan sinch'i kallpayojkunapis sayk'upuspa, urmapunku.

Jeremías 15:7

Noqa llajtakunaj punkunpi qanta jorkawan jina wayrachispa wijch'usqayki. Mana wawayojta, phirisqatataj saqesqayki, imaraykuchus millay ruwasqaykita mana saqeyta munarqankichu.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 44:7

Kunanqa Israelpa Tukuy Atiyniyoj Tata Diosnin nisunkichej: Imaraykutaj jatun llakiyta qankunallataj mask'akunkichejri? Imaraykutaj Judá suyumanta qharikuna, warmikuna, wawakuna, ñuñoj wawakuna ima ni uj puchuyoj chinkanankuta munankichejri?

Jeremías 50:30

Chayraykumin wayna runankuna llajta ukhupi wañusqa urmaranqanku. Maqanakoj tukuy soldadonkunapis chay p'unchaypi wañuchisqa kanqanku. Noqa Tata Diosmin chayta nini.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Jeremías 6:21

Chayrayku Tata Dios nin: Noqa kay aylluyta misk'achinaypaj tojllata churasaj. Tukuy tatakuna, wawakuna, qayllankupi kajkuna ima, jinallataj kawsaqenkupis, tukuyninku wañonqanku, nispa.

Jeremías 7:33

Chay runakunaj ayankuta suwintukuna, k'ita animalkuna ima mikhonqanku, nitaj pipis chaykunata mancharichej kanqachu.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Joel 2:9

Llajtaman yaykuykunku, perqa patata, wasi patantapis wasaykunku. Suwakuna jina ventananta yaykuykunku.

Amós 5:2

Manaraj qharita rejsej sipas jina Israelqa urman, manaña ujtawan sayariyta atinanpaj jina. Kikin jallp'api wijch'usqa qhepakun, manataj pipis kanchu aysarej.

Amós 6:9

Chaypacha, chunka qharikunachus uj wasipi qhepakonqanku chayqa, chunkantin wañonqanku.

Sofonías 1:17

Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.