Jeremías 9:2 - DIOSPA QHELQACHISQ

² 2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Qheshwa Biblia DC

² Imaynapichus noqajta ch'in pampapi uj cheqampi tiyarikunaypaj kapuwanman, jinamanta aylluymanta karuncharikunaypaj. Paykuna tukuyninku wasanchajkuna kanku, llullirioswan ch'ataykojkuna kanku.

DIOSPA QHELQACHISQAN DEUTEROCANONICAL

² 2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Jeremías 9:2 ပူးပေါင်းရင်းမြစ်များ

Isaías 59:3

Qankunaj makiykichejqa yawarlla, ruk'anaykichejpis millayta ruwanawan ch'ichichasqa kashan. Simiykichejqa llullata parlan, qalluykichejtaj millay kajllata rimarin.

Jeremías 12:1

Tata Dios, qanwan churanakuyta mana atiymanchu, imajtinchus qanqa cheqanta ruwaj kanki. Chaywanpis kayta tapurisuyta munayman: Imaraykutaj millay ruwajkunata tukuy imapi allin rinri? Imaraykutaj wasanchajkunapis mana imamanta llakikuspa kawsakunkuri?

Jeremías 12:6

Kikin wawqeykillamantataj wasanchasunku, qhepaykimantataj phiñasqa rimakusunku. Ama paykunapi atinikuychu, misk'ita parlashasojtinkupis, nispa.

Jeremías 13:22

Sitajchus tapukunkichej: Imaraykutaj kay llakiy qhatiriwan? nispa chayqa, allinta yachaychej jatunta juchallikusqaykichejrayku chay chayamusqanta. Chayraykumin chay awqakuna p'achaykichejta q'ollurispa, qankunamanta alqochakusonqanku.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 4:22

Tata Dios nin: Israel aylloyqa ancha wampu kanku, mana rejsikapuwanchu. Mana yuyayniyoj wawakuna kanku, mana allintachu unanchakunku. Juchallinankupajqa churasqa kanku, allin kajtatajrí mana ruwayta yachankuchu, nispa.

Jeremías 5:1

Tata Dios nin: Jerusalén llajtaj callenkunata purimuspa, allinta qhawaychej, plazakunapitaj mask'aychej. Ichapis pillatapis cheqanta ruwajta tariwajchej, tukuy ruwasqanpi mana llullakojta ima. Sichus ujllatapis tariwajchej chayqa, Jerusalenpi tiyakojkunaj juchankuta pampachasaj.

Jeremías 5:11

Israelitakuna wasanchawanku. Ajinata Tata Dios nin.

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Oseas 4:2

Aswanpis manakajta tilunkichej, llullakunkichejtaj. Runata wañuchinkichej, jinataj suwankichejtaj. Sapa kuti khuchichakunkichej, kallpaman atinikuspataj, ujkunata ñak'arichinkichej, kutin kutinta runata wañuchinkichej.

Oseas 5:7

Tata Diosta wasancharqanku, wawankukunapis waj tatayoj kanku. Chayrayku, kunanqa uj killallapi jallp'ankupis, paykunapis chinkachisqa kanqanku.

Oseas 6:7

Chaywanpis aylloyqa Adán jinallataj trato ruwasqayta p'akinku, wasanchawankutaj.

Oseas 7:4

Tukuyninku khuchichakuspa purinku. Paykuna q'oñirispa, pariyachisqa horno jina kanku, mayqenchus k'ajarillanpuni masa poqonankama, ajina.

Miqueas 6:12

Kay llajtamanta qhapajkunaqa tukuyninku runa masinkuta ch'uskejkuna kanku, ch'awkiyajkuna, q'otiyajkuna ima.

Sofonías 3:4

Diosmanta sut'inchajninkukunaqa jaramalla kanku, mana atinikunapaj jina. Sacerdotenkunapis Diospaj t'aqasqa imakunata pisipaj qhawanku, Tata Diospa kamachisqantataj p'akinku.

Malaquías 2:11

Judamanta kaj qharikunaqa lantikunata yupaychaj warmikunawan casaraspa, Diosta wasanchanku. Jerusalenpi millay ch'ichi imakunata ruwanku, Israelpipis kikillantaj. Tata Diospa munakusqan Templotapis ch'ichichallankutaj.

Malaquías 2:14

Jinataj tapunkichejraj: Imaraykutaj Tata Dios jaywasqayta mana jap'ikunkichu? nispa. Dios jaywasqaykita mana jap'ikunchu, imaraykuchus pay rikun piwanchus wayna kashaspa casarakorqanki, chay warmiwan trato ruwasqaykita imaynatachus p'akisqaykita. Payqa warmiyki karqa, qantaj nerqanki mana jayk'ajpis payta saqerparinaykita.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.