Jeremías 9:16 - DIOSPA QHELQACHISQ

¹⁶ 16 (15) Paykunata ñawpa tatankoj, nitaj paykunaj mana rejsisqanku suyukunaman ch'eqerachisaj. Chaypitaj paykunata espadawan qhatiykachachisaj, ni uj puchuyoj tukuchisqa kanankukama, nispa.

Qheshwa Biblia DC

¹⁶ Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.

DIOSPA QHELQACHISQAN DEUTEROCANONICAL

¹⁶ 16 (15) Paykunata ñawpa tatankoj, nitaj paykunaj mana rejsisqanku suyukunaman ch'eqerachisaj. Chaypitaj paykunata espadawan qhatiykachachisaj, ni uj puchuyoj tukuchisqa kanankukama, nispa.

Jeremías 9:16 ပူးပေါင်းရင်းမြစ်များ

Nehemías 1:8

Chaywanpis yuyarikuy imaynatachus kamachiyki Moisesnejta k'amirpariwasqaykuta. Qan nerqanki: Sichus noqata wasanchawankichej chayqa, noqa tukuynejman ch'eqerachisqaykichej.

Salmos 106:27

mirayninkutapis waj suyukunaman presota apachispa, paykunatapis ch'eqerachinanpaj.

Eclesiastés 12:5

Diosmanta yuyarikuy wichayman rinapis manaraj mancharikuna kashajtin, ñanta purinapis manaraj manchay manchachikuna kashajtin. Chaypacha chujchayki almendro t'ika jina yurajyanqa. Kallpaykipis pisiyajtin, wañuy patapi kashaj phinki phinki jina ñak'ayllataña purinki. Jinallataj warmi munayniykipis chinkaponqa. Diosmanta yuyarikuy manaraj runaj wiñaypaj tiyananman ripushajtiyki. Chaypacha p'ampakuman rejkuna qanmanta waqanqanku.

Jeremías 13:24

Chayraykumin qankunata ch'eqerachisqaykichej, imaynatachus ch'innejmanta wayra pajata apakapun, ajinata.

Jeremías 24:10

Paykunaman maqanakuta, yarqhayta, onqoytapis apachimusaj, kay suyumanta tukuy chinkanankukama, mayqen suyutachus paykunaman, chantá ñawpa tatankumanpis qorqani, kaymanta, nispa.

Jeremías 25:27

Chantá Tata Dios nillawarqataj: Noqa, Israelpa Diosnin, Tukuy Atiyniyoj Tata Dios paykunata kamachini machaykunankukama, lanzarparinankukama, pampaman urmaspataj manaña jatarikuyta atinankukama ujyanankuta, contrankupi maqanakuta kachaykamusqayrayku.

Jeremías 29:17

Paykunaman maqanakuyta, yarqhayta, onqoyta ima kachaykusaj. Paykunata q'etayasqa higo jina mana mikhunapaj jina kanankuta ruwasaj.

Jeremías 44:27

Noqataj paykunata waqaychanaytaqa, ñak'ariykunata paykunaman kachaykusaj, manataj allin kajtachu. Judamanta Egiptopi tukuy tiyakushajkuna maqanakupi wañonqanku, chayrí yarqhaywan tukuchisqa kanqanku.

Jeremías 7:29

Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

Jeremías 8:19

Aylluypa waqasqanqa karu llajtamanta uyarikun: Tata Diosqa manañachu Sionpa kuraj kamachejnin? Manañachu kuraj kamachejnin chaypi kashanri? nispa. Tata Diostajrí kutichin: Imaraykutaj qhasi manakaj lantikunata yupaychaspa phiñachiwarqankichejri? nispa.

Ezequiel 11:17

Noqaj sutiypi paykunaman nillaytaj: Kay jinata Tata Dios nin: Noqa Tukuyta Kamachej Tata Diosmin paykunata tantaykamusaj waj suyukunamanta, karu llajtakunamanta ima, maykunamanchá paykunata ch'eqeracherqani, chaykunamanta. Israelitakuna, qankunata tantaykamuspa, suyuykichejta kutichipusqaykichej.

Ezequiel 12:15

Maypachachus waj suyuman, waj llajtakunaman ima apachejtiyraj, paykuna yachanqanku noqa Tata Dios kasqayta.

Ezequiel 14:17

Ichapis chay suyuman maqanakuyta kachaykuyman, jinataj kamachiyman runakuna, jinallataj uywakunapis wañurachisqa kanankuta.

Ezequiel 20:23

Chaywanpis ch'innejpi tiluspa nillarqanitaj: Qankunata tukuy kay pachapi kaj suyukunaman ch'eqerachisqaykichej, nispa.

Ezequiel 27:2

Runaj churin, Tiro llajtapaj yarawita kay jinata takipuy:

Ezequiel 5:12

Qankunamanta kinsaman t'aqasqamanta ujnin t'aqaqa onqoywan chantá yarqhaywan ima callekunapi wañuranqanku. Ujnin t'aqataj muyuyniykichejpi awqaykichej espadawan wañurachenqanku, ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 5:2

Maypichus Jerusalén llajtaman rijch'akojta dibujarqanki, chay llajtata jap'inapaj muyuykuna junt'akojtin, kinsaman t'aqasqa chujchaykimanta ujnin t'aqata llajta chawpipi ruphachinki. Chantá chay kinsaman t'aqamanta ujnin t'aqa chujchaykita llajtaj muyuyninpi espadawan k'uturanki. Uj kaj t'aqa chujchaykitataj wayrawan apachinki, imaraykuchus noqaqa judiokunaj qhepankuta espada oqharisqa risaj.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Amós 5:16

Ajinatamin nin Tukuy Atiyniyoj Tata Dios: Tukuy plazakunapi waqay kanqa, tukuy callekunapitaj nanaywan qhapariy kanqa. Campo runakunata wajyanqanku paykunawan khuska waqanankupaj, pagomanta waqajkunatataj waqanankupaj mink'allanqankutaj.

Miqueas 2:4

Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Zacarías 7:14

Chayrayku muyoj wayra jina paykunata ch'eqeracherqani mana rejsisqa karu suyukunaman, chay qhepatataj llajtanku ni pejpa tiyakunan ch'inman tukorqa. Paykunamin chay jina k'acha suyuta ch'inman tukucherqanku, nispa.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.

Deuteronomio 28:36

Tata Diosqa qanta, chantá kamachisunanpaj churakusqayki kuraj kamachejtawan ima, waj suyuman apachisonqachej. Chay suyutaqa ni qan, nitaj tataykikunapis rejserqankuchu. Chaypitaj k'ullumanta, chantá rumimanta ima ruwasqa waj dioskunata yupaychanki.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.

Deuteronomio 32:26

Noqa tiluspa nerqani, tukuynejman paykunata ch'eqerachinayta, kay jallp'a patamantataj sutinkuta chinkachinayta.

Deuteronomio 4:27

Tata Diosqa waj suyukunaman ch'eqerachisonqachej, chay jallp'apitaj pisillaña qhepakunkichej.

Santiago 1:1

Noqa Santiago Diospa wata runan kani, Tukuyta Kamachej Jesucristojtawan. Qankuna Israelpa chunka iskayniyoj ayllunmanta waj suyukunapi ch'eqerasqa kajkunata napaykamuykichej.