Jeremías 9:14 - DIOSPA QHELQACHISQ

¹⁴ 14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Qheshwa Biblia DC

¹⁴ Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

DIOSPA QHELQACHISQAN DEUTEROCANONICAL

¹⁴ 14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Jeremías 9:14 ပူးပေါင်းရင်းမြစ်များ

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Job 9:18

Astawan sinch'i llakiykunawan junt'aykuchiwanman, ni samarikojllatapis saqewanmanchu.

Jeremías 11:8

Chaywanpis mana kasuwarqankuchu, nitaj uyariwarqankuchu, manachayqa k'ullukuspa, sonqonkoj millay yuyasqallanta ruwarqanku. Paykunaqa manapuni kamachisqayta junt'ayta munarqankuchu. Chayrayku chay tratopi imatachus nisqay ñak'ariykunata patankuman kachaykamorqani, nispa.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:8

Sacerdotekunaqa mana tapukorqankuchu: Maypitaj Tata Dios kashanri? nispa. Kamachisqayta yachachejkunapis mana rejsikapuwarqankuchu. Kurajkunapis contraypi oqharikorqanku. Sut'inchajkunapis Baalpa sutillanpi parlarqanku, chay qhasi manakaj lantikunaj qhepankuta ripuspa.

Jeremías 23:15

Chayrayku noqa Tukuy Atiyniyoj Tata Dios chay sut'inchajkunaj contrankupi nini: Noqaqa k'allku mikhunata paykunaman mikhuchisaj, venenoyoj yakutataj ujyaykuchisaj, imaraykuchus Jerusalenpi kaj sut'inchajkunaj millay ruwasqankoqa tukuy suyumanña junt'aykun, nispa.

Jeremías 23:27

Chay mosqokusqankuta willanakusqankuwan aylluykuna noqamanta qonqanankuta munanku, imaynatachus ñawpa tatankukunapis qonqarpariwarqanku Baalpa qhepanta ripunankupaj, ajinata.

Jeremías 3:17

Chaypacha Jerusalenta sutichanqanku: “Tata Diospa Kamachinan Tiyana”, nispa, tukuy suyumanta kajkunataj chaypi yupaychanawankupaj tantakonqanku. Manaña ujtawan sonqonkupi k'ullukuspa sajra yuyasqankuwan apachikonqankuchu.

Jeremías 44:17

Manachayqa ruwallasqaykupuni, imatachus ruwanaykuta nerqayku, chayta. Inciensota q'oshñichillasqaykupuni, vinotapis ch'allasqayku Janaj Pachaj Qoyan nisqa diosman, imaynatachus kunankama kuraj kamachejniyku, noqayku, ñawpa tatayku ima ruwarqayku, ajinata. Judá llajtakunapi, jinallataj Jerusalenpa callenkunapipis Janaj Pachaj Qoyan nisqa diosman inciensota q'oshñichillarqaykupuni, imaynachus ñawpa tataykukuna ruwarqanku, ajinata. Chaypacha chayta ruwasqaykurayku ñawpajta ashkha mikhuna tiyapuwaj kayku, atipachikunaykupaj jina. Tukuy imapi allin riwaj kayku, manataj ima ñak'ariypis noqaykuta qhatiriwajchu kayku.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 8:14

Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Lamentaciones 3:15

Tata Diosqa llakiykunawan junt'aykuchiwan, jaya ujyanawantaj machaykuchiwan.

Amós 2:4

Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.

Gálatas 1:14

Chaypacha noqa mita masiykunata atiparqani ñawpa tataykukunaj yachachisqanku usuta tukuy sonqo junt'ayta munaspa.

Efesios 2:3

Ñawpajta tukuyninchej ajinallatataj kawsaj kanchej. Juchallinaman aysaj sonqonchejpa munayninman jina purej kanchej, munasqanta, yuyasqanta ima ruwaspa. Ajinamanta noqanchejpis chay wajkuna jina Diosnejta sinch'i jasut'isqa kanapaj jina karqanchej.

1 Pedro 1:18

Yachankichej jina, Diosqa chay qhasi manakaj kawsaymanta ashkha preciota pagaspa kacharichisorqachej, mayqen kawsaytachus tataykichejkunamanta yachakorqankichej, chaymanta. Chay pagasqan precio mana qorichu, nitaj qolqechu karqa, imaraykuchus chaykunaqa tukukapojllamin.