Jeremías 8:16 - DIOSPA QHELQACHISQ

¹⁶ Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Qheshwa Biblia DC

¹⁶ Enemigosqa jamushanña. Caballospa ansaqesqasninku Danmantapachaña uyarikun. Caballos qhaparinku chayqa, tukuy jallp'antin kharkatitin. Jallp'api tukuy kaj imasta t'unaykoj jamushanku, llajtata, chaypi tiyakojkunasninta ima.

DIOSPA QHELQACHISQAN DEUTEROCANONICAL

¹⁶ Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Jeremías 8:16 ပူးပေါင်းရင်းမြစ်များ

Job 39:20

Qanchu caballota phinki phinkita jina phinkichinki? Qanllatajchu manchachikunata jina samaqechinki?

Salmos 24:1

(1b) Tukuy kay pachaqa Tata Diospata, tukuy ima chaypi kajpis. Tukuy kay pachaqa paypatapuni, tukuy chaypi kawsajkunapis.

Jeremías 10:25

Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Jeremías 3:24

Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Jeremías 30:16

Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Jeremías 30:5

Tata Dios nin: Runakunata manchachikuywan qhaparishajta uyarini. Sinch'i manchachikuy tiyan, manataj allin kawsay kanchu.

Jeremías 4:24

Orqokunata qhawarejtiy, manchayta ikharikusharqanku. Tukuy juch'uy orqokunapis kharkatitishallarqankutaj.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 47:3

Jinallataj caballokunaj t'ijurisqanta, carretakunaj sonasqanta, jinataj ruedakunaj purisqantapis uyarispa, tatakuna wawankukunata saqerqarenqanku kallpanku pisiyasqanrayku.

Jeremías 5:17

Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 51:29

Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Jeremías 6:23

Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Nahúm 3:2

Kunantajrí seq'onaj siuj siuj nisqanta uyariychej, ruedakunaj sonasqanta, caballokunaj sink'urisqankuta, carretakunaj phawarisqankuta ima.

Habacuc 3:10

Orqokunaqa rikususpa, kharkatitinku, parapis patamanta imata jina jich'akamun. Chantá mama qochapis chhika patata oqharikuspa, qhollchoqeyasqanwan manchayta ch'ajwarin.

1 Corintios 10:26

Diospa Qhelqachisqanpi nin: Kay pachaqa Tukuyta Kamachej Diospata, jinallataj chaypi tukuy ima kajpis, nispa.

1 Corintios 10:28

Chaywanpis mikhushajtiykichej, sichus pipis willasunkichejman: Kay aychaqa lantikunaman jaywasqa karqa, nispa chayqa, willasqanrayku ama mikhuychejchu, willasojpa sonqon ama nanachisqa kananpaj.

Jueces 18:29

Chay llajta ñawpa sutin karqa Lais nisqa, paykunatajrí, Israelpa churin Dan ñawpa tatankoj sutiwan suticharqanku.

Jueces 20:1

Chaypacha tukuy israelitakuna Danmantapacha Bersebakama, jinataj Galaadkama uj runa jinalla Tata Diospa ñawpaqenpi Mispá llajtapi tantaykukorqanku.

Jueces 5:22

Caballokunaj phawarisqan jallp'ata kuyurichin. Atiyniyojkunaj caballonkunaj sink'urisqanpis uyarikun.