Jeremías 8:14 - DIOSPA QHELQACHISQ

¹⁴ Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Qheshwa Biblia DC

¹⁴ Aylluytaj nenqa: Imapajñataj kaypi qhepakunchejri? Tukuy ripunachej chay pakakunasniyoj llajtasman ujkama wañurachinawanchejpaj. Señor Diosninchej wañuchiwasunchej, qowasunchejtaj, venenoyoj yakuta, imaraykuchus paypa contrampi juchallerqanchej.

DIOSPA QHELQACHISQAN DEUTEROCANONICAL

¹⁴ Chantá aylluy nenqanku: Imapajñataj kaypi qhepakusunchejri? Jaku ripunachej sumaj perqawan jark'achasqa llajtakunaman, ujkama chaypi wañunanchejpaj, imaraykuchus Diosninchej Tata Diosqa churawanchej wañuchisqa kananchejpaj. Payqa venenoyoj yakuta ujyachiwanchej paypa contranpi juchallisqanchejrayku.

Jeremías 8:14 ပူးပေါင်းရင်းမြစ်များ

2 Samuel 20:6

Chaypacha Davidqa Abisayta nerqa: Bicrij churin Sebaqa Absalonmanta astawanraj uma nanayta qowasunman. Chayrayku soldadoykunata pusariykukuspa, qhepanta kachaykukuy. Pajtataj wakin jark'achasqa llajtata tarispa, pakakuwasunman, nispa.

Salmos 39:2

2 (3) Ch'inlla karqani, ni allin kajmantapis parlarerqanichu. Chaywanpis nanayneyqa astawan sinch'iyarqa.

Salmos 69:21

Mikhunata qonawankutaqa, jayaq'ellata qowarqanku. Ch'akiwajtintaj, k'allku vinollata ujyachiwarqanku.

Isaías 47:5

Caldeokunaj ususin Babilonia, ch'inmanta chukuy, laqhayayman yaykuy. Kunanmantaqa manaña jayk'ajpis jatun suyukunata kamachej qoya nisonqankuchu.

Jeremías 14:20

Tata Dios, millay ruwasqaykuta rejsikapuyku, jinallataj ñawpa tataykukunaj juchallikusqankutapis. Cheqatapuni tukuyniyku contraykipi juchallikorqayku.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 23:15

Chayrayku noqa Tukuy Atiyniyoj Tata Dios chay sut'inchajkunaj contrankupi nini: Noqaqa k'allku mikhunata paykunaman mikhuchisaj, venenoyoj yakutataj ujyaykuchisaj, imaraykuchus Jerusalenpi kaj sut'inchajkunaj millay ruwasqankoqa tukuy suyumanña junt'aykun, nispa.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 35:11

Jinapis maypachachus Babiloniaj kuraj kamachejnin Nabucodonosor kay suyuman yaykuykamorqa chaypacha, nerqayku: Jaku Jerusalenman rinachej caldeo soldadokunamanta, chantá arameo soldadokunamantapis pakakunanchejpaj, nispa. Chayraykumin Jerusalenpi tiyakushayku, nispa.

Jeremías 9:14

14 (13) Manachayqa tatankoj yachachisqanta ruwarqanku. Baal lantikunata yupaycharqanku, ch'ichi sonqonkoj yuyasqantataj ruwarqanku.

Jeremías 9:15

15 (14) Chayrayku noqa Israelpa Diosnin Tukuy Atiyniyoj Tata Dios kayta nini: Paykunaman jayaq'eta mikhuchisaj, venenoyoj yakutataj ujyachisaj.

Lamentaciones 3:19

Llakiyniyta, ñak'ariyniyta ima yuyarikuspaqa, may jaya jayaq'e jina kasqanta yuyarini.

Levítico 10:3

Chaymanta Moisesqa Aaronta nerqa: Kay kananta mana munaspa Tata Dios ajinata nerqa: Noqaman qayllamuwajkunaman may llimphu kayniyta rikuchisaj. Tukuy israelitakunamantaj jatun kayniypa lliphipiyninta rikuchillasajtaj, nispa. Aarontajrí ch'inlla karqa.

Amós 6:10

May manchachikuna kasqanrayku, wañojpa ayllun wasimanta ayllunpa ayanta orqhoshajtin, wasipi puchojta taponqa: Pipis qanwan kanchu? nispa. Tapoj runataj kutichenqa: Mana, nispa. Wasiman yaykojtaj nenqa: Ch'in kay, pajtá Tata Diospa sutinta oqharishawaj, nispa.

Habacuc 2:20

Tata Diostajrí paypaj t'aqasqa Templonpi kashan. Chayrayku kay pachapi tukuy kajkuna ñawpaqenpi ch'inlla kachunku, nispa.

Zacarías 2:13

13 (17) Tukuy kay pachapi runakuna Tata Diospa ñawpaqenpi ch'in kachunku, imaraykuchus payqa noqanchejman jamun may llimphupaj qhawasqa cheqamanta, maypichus tiyakun, chaymanta.

San Mateo 27:34

Chaypitaj soldadokunaqa Jesusman jayaq'ewan chajrusqa vinota qoyta munarqanku. Jesustajrí llamirispa, mana ujyayta munarqachu.

Deuteronomio 29:18

18 (17) Qankuna ukhupi qhari, warmi, wasi ayllu, chayrí ima ayllupis Tata Diosninchejta qhesachaspa, chay suyukunaj diosninkukunata yupaychaj ama kachunchu. Pikunachus jinata ruwajkunaqa jaya qhora jina, chayrí venenoyoj qhora jina kankuman.

Deuteronomio 32:32

Paykunaqa Sodoma, chantá Gomorra llajtayojkuna jina kanku. Mana allin uva chhullchu jina, venenoyoj poqoj yura jina kanku.