Jeremías 8:13 - DIOSPA QHELQACHISQ

¹³ Tata Dios nillantaj: Aylluytaqa trigota jina ruthusaj. Mana uvapis huertapi kanqachu, nitaj higopis sach'api puchonqachu. Manachayqa ch'aki laqhellaña qhepakonqa. Imatachus paykunaman qorqani, chayta qhechukapullasajpuni, nispa.

Qheshwa Biblia DC

¹³ Señorqa nillantaj: Aylluytaqa trigota jina ruthusaj. Nitaj ni uj uvas poqoypis huertapi puchonqachu, nitaj uj higospis sach'ampeqa puchonqachu, manachayqa ch'aki laphisllaña qhepakonqa, nispa.

DIOSPA QHELQACHISQAN DEUTEROCANONICAL

¹³ Tata Dios nillantaj: Aylluytaqa trigota jina ruthusaj. Mana uvapis huertapi kanqachu, nitaj higopis sach'api puchonqachu. Manachayqa ch'aki laqhellaña qhepakonqa. Imatachus paykunaman qorqani, chayta qhechukapullasajpuni, nispa.

Jeremías 8:13 ပူးပေါင်းရင်းမြစ်များ

Isaías 5:10

Chunka yunta puriy jallp'api uva mallkisqamanta vino uj wich'illa llojsenqa. Chunka arroba trigo mujumanta uj arroballa oqharikonqa.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Jeremías 14:15

Chayrayku noqa Tata Diosmin chay sut'inchajkunamanta nini, pikunachus mana noqaj kachasqallay sutiypi parlanku, chaykunamanta: Paykuna ninku: Mana maqanaku kanqachu, nitaj yarqhaypis, nispa. Chay jinata sut'inchajkunaqa maqanakupi wañuchisqa kanqanku, chayrí yarqhaywan wañonqanku.

Jeremías 17:8

Payqa mayu patapi sach'a jina kanqa, mayu yakunejman saphichakoj. Q'oñi tiempo chayamojtin, mana manchachikonqachu, laqhenkunataj q'omerllapuni kanqa. Ch'aki wata kajtinpis, mana qawenqachu, manachayqa poqollanqapuni.

Jeremías 5:17

Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Ezequiel 22:31

Chayrayku paykunaj patankuman k'araj phiñakuyniyta kachaykamusaj. Jinaspataj, nina lawray jina phiñakuyniywan paykunata chinkachisaj. Millayta ruwasqankuman jina pagachikusaj. Noqa Tukuyta Kamachej Tata Dios ajinata nini.

Oseas 2:12

12 (14) Uva sach'anta, higo sach'antapis chaqorachisaj, mayqenmantachus pay nirej: Kaykunataqa waynaykuna qowarqanku, nispa, chayta. Aswanpis chay tukuyta ch'umiman tukuchisaj, k'ita animalkuna mikhukapunankupaj.

Joel 1:7

Uva sach'aykunata q'araykunku, higo sach'aykunatapis q'ara k'aspillata saqerparinku. Tukuyninta q'araykunku, tukuy yurantataj yurajllata saqerparinku.

Levítico 26:20

Qhasillata kallpaykichejta tukuchinkichej, imaraykuchus chajraqa mana poqonqachu, nitaj sach'akunapis poqonqankuchu.

Habacuc 3:17

Chaypachamari kusiywan junt'a kasaj kacharichiwajniy Tata Diosrayku. Amapis higo sach'akuna t'ikachunkuchu, nitaj uva sach'apis poqochunchu nitaj olivokunapis, nillataj chajrapis poqochunkuchu. Tropamanta ovejakunapis tukukapuchunku, amañapis wakakuna kachunkuchu. Chay tukuywanpis Tata Diosta yupaychallasajpuni, qhespichiwajniy Diosraykutaj kusikusaj.

Hageo 1:11

Noqa mana parachimunichu jallp'aman, orqokunaman, trigo chajraman, uva huertaman, olivo sach'aman, tukuy chajraman, runakunaman, uywakunaman, tukuy ima ruwasqankumanpis, nispa.

Hageo 2:17

Noqamin tukuy chajraykichejta imaymana onqoykunawan, chijchi parawan tukucherqani. Chaywanpis qankuna manapuni noqaman kutirikamorqankichejchu, nispa. Ajinata Tata Dios nisunkichej.

Malaquías 3:11

Chaypacha mana saqesajchu ni ima khuru chajraykichejta tukuykunanta, jinallataj uva sach'aykichejpis manchay poqoyniyoj kanqa. Noqa Tukuy Atiyniyoj Tata Dios ajinata nini.

San Mateo 21:19

Ñan kantupitaj higo sach'ata rikorqa, poqoyninta pallarikuyta munaspataj qayllaykorqa. Chaywanpis laqhellata tarerqa. Chantá chay sach'ata nerqa: Kunanmantapacha amaña jayk'aj poqonkichu, nispa. Sach'ataj chaypacha ch'akiporqa.

Santiago 1:11

Inti llojsimuspa ruphajtin, qhoraqa ch'akipun, t'ikantaj urmapun, k'achitu kayninpis chinkapun. Ajinallatataj qhapajpis, jinataj tukuy imata tarisqanpis chinkaponqa.