Jeremías 7:26 - DIOSPA QHELQACHISQ

²⁶ Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Qheshwa Biblia DC

²⁶ Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

DIOSPA QHELQACHISQAN DEUTEROCANONICAL

²⁶ Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Jeremías 7:26 ပူးပေါင်းရင်းမြစ်များ

1 Reyes 14:22

Judá suyumanta kajkunaqa Tata Diospa ñawpaqenpi mana allintachu ruwarqanku, sinch'itataj payta phiñacherqanku. Ñawpa tatankoj juchallisqankumantapis astawanraj juchallerqanku.

1 Reyes 14:9

Qanmanta ñawpaj kaj kuraj kamachejkunamanta nisqaqa aswan sajra kajllatapuni ruwarqanki. Jinallataj metalmanta waj dioskunata, lantikunatawan ruwakuspa, wasanchawarqanki.

2 Reyes 17:14

Paykunarí mana kasorqankuchu, astawanpis ñawpa tatankukuna jina sonqonkuta rumiyacherqanku, pikunachus Tata Diospi mana atinikusqankuchu, chaykuna jina.

2 Reyes 17:15

Tata Diospa nisqanta, ñawpa tatankukunawan trato ruwasqanta, tukuy k'amisqantawan ima qhesacharqanku. Qhasi manakaj lantikunata yupaychaspa, manakajman tukorqanku. Paykunaqa muyuyninkupi tiyakojkuna jina kikillantataj ruwarqanku, Tata Dios manapuni chayta ruwanankuta nejtinpis.

2 Crónicas 30:8

Chayrayku ama ñawpa tataykichejkuna jina rumi sonqo kaychejchu. Tata Diosta kasuychej, Diospa Templonmantaj yupaychaj jamuychej, mayqentachus Tata Dios wiñaypaj payllapaj t'aqakusqa, chayman. Ajinata Tata Diosniykichejta qhatikuychej, paytaj qankunapaj manaña chay jina phiñasqachu kanqa.

2 Crónicas 33:10

Tata Diosqa kuraj kamachej Manasesman, tukuy israelitakunaman ima parlapayarqa. Paykunatajrí mana kasorqankuchu.

2 Crónicas 33:23

Amonqa manataj tatan Manasés jinaqa Tata Diospa ñawpaqenpeqa k'umuykorqachu, manachayqa astawan juchata yapaykukorqa.

Nehemías 9:29

Qanqa paykunata k'amej kanki kamachisqaykita watej junt'anankupaj. Paykunatajrí may kasqankuta yuyakuspa, kamachisqaykita mana kasojchu kanku. Nisqaykita p'akej kanku, mayqentachus junt'aspa kawsayta tarinanku karqa, chayta. Paykunatajrí qanpa contraykita oqharikuspa, rumi sonqo kasqankurayku, mana uyarikorqankuchu.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Isaías 48:4

Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Isaías 5:4

Imatawantaj uva huertayta ruwayman karqari? Manachu tukuy ima ruwanayta junt'arqani? Noqataj misk'i uva poqonanta suyarqani. Imajtintaj k'allku uvallata poqonri?

Jeremías 11:8

Chaywanpis mana kasuwarqankuchu, nitaj uyariwarqankuchu, manachayqa k'ullukuspa, sonqonkoj millay yuyasqallanta ruwarqanku. Paykunaqa manapuni kamachisqayta junt'ayta munarqankuchu. Chayrayku chay tratopi imatachus nisqay ñak'ariykunata patankuman kachaykamorqani, nispa.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 17:23

Paykunatajrí mana uyariwarqankuchu, manachayqa k'ullukuspa, mana kasuwayta munarqankuchu, nitaj jasut'isqankuwan wanarqankuchu, nispa.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 25:3

Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

Jeremías 25:7

Kunantajrí Tata Dios nin: Chaywanpis qankunaqa manapuni kasuyta munawarqankichejchu, manachayqa qankuna kikiykichej phiñachiwankichej, ruwakusqaykichej dioskunata yupaychaspa. Chaytaj qankunata mana allin rinasuykichejpaj kanqa, nispa.

Jeremías 26:5

Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 34:14

Noqa paykunata kamacherqani sapa qanchis watamanta kacharipunankuta, mayqen llajta masinkuchus paykunaman vendekuspa, sojta watataña kamachinkupi karqanku, chaykunata. Jinapis ñawpa tataykichejqa mana kasuwarqankuchu, nitaj nisqayta ruwarqankuchu.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Jeremías 6:10

Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Jeremías 6:17

Tata Diosqa llajtata qhawajkunata churaspa, ayllunman nerqa: Trompetaj waqasqanta allinta uyariychej, nispa. Israel ayllutajrí kuticherqa: Mana kasuta ruwayta munaykuchu, nispa.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 9:13

13 (12) Tata Diostaj kuticherqa: Kay llakiykuna paykunata qhatirin, imaraykuchus kamachisqayta saqerpayaspa, mana kasuwarqankuchu, nitaj nisqayta ruwaspa junt'arqankuchu.

Ezequiel 12:2

Runaj churin, mana kasukoj runakuna chawpipi tiyakushanki. Paykunaqa ñawiyoj kaspapis, mana rikunkuchu. Ninriyoj kaspapis, mana uyarinkuchu, imaraykuchus contrayta oqharikoj runakuna kanku.

Ezequiel 12:3

Chayrayku, runaj churin, qanqa waj suyuman apasqa kanaykipaj jina wakichikuy. Tukuypa rikunanta chawpi p'unchayta wasiykimanta llojsispa, wajnejman ripunki. Ichapis ajinamanta mana kasukoj runa kasqankuta reparakonqanku.

Ezequiel 20:30

Chayrayku israelitakunaman niy: Tukuyta Kamachej Tata Dios nisunkichej: Qankunapis ñawpa tataykichej jinachu ch'ichichakuyta munankichej? Noqamanta karunchakuspa, millay lantikunata yupaychaspa khuchichakuytachu munankichej?

Daniel (hebreo) 9:6

Kamachiyki sut'inchajkunapis kuraj kamachejniykuta, kurajkunata, ñawpa tataykukunata, tukuynin israelitakunata ima sutiykipi k'amillawarqaykutaj. Chaywanpis manallataj paykunata kasorqaykuchu.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

Malaquías 3:7

Qankunaqa ñawpa tataykichej jina kamachisqaymanta karunchakorqankichej, manataj kamachisqayta kasuyta munarqankichejchu. Kunanrí noqa Tukuy Atiyniyoj Tata Dios niykichej: Noqaman kutirikamuwaychej, noqapis qankunaman kutirimullasajtaj, nispa. Qankunatajrí ninkichej: Imaraykutaj ninki qanman kutirikunayku kasqantari? nispa.

San Mateo 21:38

Chaywanpis, chay llank'ajkunaqa huertayojpa churinta jamojta rikuspa, paykunapura ninakusqanku: Payqa kay jallp'ata chayaqeta jina jap'enqa. Jamuychej, payta wañuchinachej, jallp'ataj noqanchejpaj kanqa, nispa.

San Mateo 23:32

Chayrayku kunanqa qankunapis imatachus tataykichejkuna ruwayta qallarisqankuta tukuychallaychejña.

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Deuteronomio 8:20

Sichus Tata Diosniykichejpa nisqanta mana jap'ikunkichejchu chayqa, imaynatachus Tata Dios ñawpaqeykichejmanta chay suyukunapi tiyakojkunata chinkachenqa, ajinallatataj qankunatapis chinkachisonqachej.