Jeremías 7:20 - DIOSPA QHELQACHISQ

²⁰ Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Qheshwa Biblia DC

²⁰ Chayrayku, noqa Señor cheqatapuni nini, tukuy phiñakuyniyta thallinayta kay cheqaj contranta, runakunasnimpa contrampi, jinallataj uywasnimpa contrampi, sach'asnimpa contrampi, chantá cosechasnimpa contrampipis. Chayqa nina jap'iykuchisqa mana thasnukuyta atej jina kanqa.

DIOSPA QHELQACHISQAN DEUTEROCANONICAL

²⁰ Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Jeremías 7:20 ပူးပေါင်းရင်းမြစ်များ

2 Reyes 22:17

Paykunaqa noqata qhesachawaspa waj dioskunaman inciensota q'oshñicherqanku. Tukuy imaymanata ruwaspataj noqata phiñachiwarqanku. Phiñakuyneyqa kaypi tiyakojkunaj contranpi k'ajarenqa, manataj thasnusqachu kanqa.

Isaías 10:17

Israelpa K'anchaynin Tata Diosqa nina lawray jina kanqa. May Llimphu Tata Diosqa lawrarishaj ninaman rijch'akonqa. Uj p'unchayllapi ch'uminta, khishkantawan rupharparenqa.

Isaías 42:25

Chayrayku, paykunaj patankuman Tata Dios k'araj phiñakuyninta jich'amorqa, maqanakupitaj tukuracherqa. Tukuyninkutataj ninawan jap'iykucherqa. Chaywanpis paykuna mana unancharqankuchu, chay jinata ruphachishajtinpis, mana kasorqankuchu.

Isaías 66:24

Chantá chaymanta llojsispa, rikonqanku pikunachus contraypi oqharikojkunaj ayankuta. Chay wañusqa runakunata mikhoj khurukunaqa mana wañonqankuchu. Paykunata q'olashan, chay ninapis mana thasnukonqachu. Chayta rikuspataj, tukuy runakuna mayta millachikonqanku.

Jeremías 11:16

Ñawpajpi Tata Dios sutichasqa: Jatun olivo sumajta poqorej sach'a, nispa. Jinapis illapaj sinch'i t'ojyasqanwan laqhenkunata ruphachenqa, thansantataj k'ajllanqa.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 14:16

Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 17:27

Sichus mana kasukuspa samarina p'unchayta mana noqapaj t'aqapuwankichejchu, manachayqa samarina p'unchaypi q'epiykichejta Jerusalenman apaykullankichejpuni chayqa, noqa llajtaj punkunkunaman ninata jap'iykuchisaj. Chay ninataj Jerusalenpa kamachina wasinta tukuchinankama ruphaykonqa, manataj pipis thasnuyta atenqachu, nispa.

Jeremías 17:4

Imatachus chayaqeykipaj qorqayki, juchallisqaykirayku paykuna chay suyuta qhechusonqanku. Chantá awqaykej kamachinpi kanki mana rejsisqa suyupi, imaraykuchus phiñakuyniyta ninata jina k'ajaricherqanki, chaytaj wiñaypaj lawranqa, nispa.

Jeremías 18:23

Qantajrí Tata Dios, wañuchinawankupaj imatachus contraypi ruwayta yuyashanku, chayta yachanki. Chay millay ruwasqankumanta ama paykunata qhespichiychu, nitaj juchankuta pampachaychu. Ñawpaqeykipi urmachisqa kachunku. Phiñakuyniykiwan ñak'arichiy, ajinata paykunawan ruway.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Jeremías 44:6

Chayrayku k'araj phiñakuyneyqa nina jina lawrarispa, Judapi llajtakunata, Jerusalenpi callekunata ima ruphaykorqa. Chaykunataj kunan p'unchaykama ch'inpacha raqaykunallaña qhepakunku, nispa.

Jeremías 6:11

Noqatajrí Tata Diospa phiñakuyninwan junt'asqa kani. Manaña sonqoyta ñit'iykuyta atinichu, nispa. Chayrayku Tata Dios niwarqa: Callepi purishanku, chay wawakunaj patankuman phiñakuyniyta kachaykuy ari, jinallataj waynakunaj patankumanpis. Qharipis warmintin chaypacha presochasqa kanqanku, jinallataj machu runakuna, allin machu runakunapis presochasqallataj kanqanku.

Jeremías 6:12

Wasinku, llank'ananku jallp'a, chantá warminkupis wajkunaj makinkuman chayanqanku, imaraykuchus noqa makiyta oqharisaj kay jallp'api tiyakojkunata jasut'inaypaj. Noqa Tata Diosmin chayta nini.

Jeremías 8:13

Tata Dios nillantaj: Aylluytaqa trigota jina ruthusaj. Mana uvapis huertapi kanqachu, nitaj higopis sach'api puchonqachu. Manachayqa ch'aki laqhellaña qhepakonqa. Imatachus paykunaman qorqani, chayta qhechukapullasajpuni, nispa.

Lamentaciones 4:11

Tata Dios may jatun k'araj phiñakuyninta kachaykamuspa, phiñakuyninta thasnukorqa. Sión llajtaman ninata jap'iykucherqa, cimientonmantapachataj ushphaman tukucherqa.

Ezequiel 22:22

Imaynatachus hornopi qolqe metal unuyan, ajinata qankunata unuyachisqaykichej llajta chawpipi. Ajinamanta noqa Tata Dios phiñakuyniyta qankunaman kachaykamusqayta yachankichej, nispa.

Ezequiel 7:12

Kunan chay p'unchay chayamunña. Vendejpis, rantikojpis manaña kusikuchunkuchu, imaraykuchus noqa tukuy paykunata jasut'isaj.

Ezequiel 7:14

Pututu waqajtin, maqanakuman rinankupaj tukuy wakichikunku. Chaywanpis mana pipis maqanakuman rejqa kanchu, imaraykuchus runaykachaj Israelta k'araj phiñakuyniywan jasut'isaj.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Levítico 26:28

noqapis qankunaj contraykichejta sayaykusaj. Phiñakuspataj, juchaykichejrayku qanchis kutitawanraj jasut'isqaykichej.

Nahúm 1:6

Phiñakojtin, pitaj ñawpaqenpi sayanmanri? Pay phiñakojtin, pitaj ñawpaqenpi awantayta atinmanri? Sinch'i phiñakuynenqa k'ajarishaj nina jina t'akakamun. Ñawpaqenpeqa qaqapis iskayman ch'ejtakun.

Sofonías 1:2

Kay jinata Tata Dios nin: Noqaqa kay pachapi tukuy ima kaj chhikata chinkasqata chinkachisaj.

Sofonías 1:3

Runakunata, animalkunata, p'isqokunata, jinallataj challwakunatapis chinkachisaj. Millay runakunatapis urmachillasajtaj, jallp'a patamantataj tukuy runakunata chinkarparichisaj, nispa. Noqa Tata Diosmin chayta nini.

Zacarías 7:12

Sonqonkuta chuki rumita jina rumiyacherqanku, chantá Tukuy Atiyniyoj Tata Diospa kamachisqanta, yachachisqantapis mana kasorqankuchu, mayqentachus ñawpa sut'inchajkunaman Espiritunnejta willarqa, chayta. Chayraykumin Tukuy Atiyniyoj Tata Dios manchaytapuni phiñakuspa, nerqa:

Malaquías 4:1

1 (3.19) Tukuy Atiyniyoj Tata Dios nin: Horno jina lawraj juicio p'unchay qayllamushanña, chay p'unchaypitaj tukuy jatunchakojkuna, tukuy millayta ruwajkuna ima ichhu jina ruphanqanku. Chay jamoj p'unchaypi ninaqa tukuyninkuta q'olanqa, nitaj imapis paykunamanta puchonqachu.

San Mateo 3:12

Jorcapis makinpiña kashan, erapi trigota wayrachinanpaj. Chantá pirwaman trigota jallch'anqa, pajatatajrí mana thasnukoj ninaman enqhaykonqa. Ajinata nispa, Juanqa runakunaman willararqa.

Apocalipsis 14:10

Diospa phiñakuyninpa vinonmanta ujyanan kanqa. Chay vinoqa mana imawan chajrusqa, Diospa phiñakuyninwan junt'asqa vasonpi kashan. Paykuna Diospaj t'aqasqa angelkunaj ñawpaqenpi, jinataj Corderoj ñawpaqenpi ninawan, chantá ninayarishaj azufrewan ima ñak'arichisqa kanqanku.