Jeremías 7:2 - DIOSPA QHELQACHISQ

² Temploypa pationman yaykuna punkupi sayaspa, kayta willamuy: Judá suyupi tiyakojkuna, qankuna pikunachus kay punkunejta Tata Diosta yupaychanaykichejpaj yaykushankichej chaykuna, kayta uyariychej:

DIOSPA QHELQACHISQAN DEUTEROCANONICAL

² Temploypa pationman yaykuna punkupi sayaspa, kayta willamuy: Judá suyupi tiyakojkuna, qankuna pikunachus kay punkunejta Tata Diosta yupaychanaykichejpaj yaykushankichej chaykuna, kayta uyariychej:

Jeremías 7:2 ပူးပေါင်းရင်းမြစ်များ

1 Reyes 22:19

Chantá Micaías nillarqataj: Chayta nisqaykirayku Tata Diospa nisqanta uyariy ari: Noqaqa Tata Diosta rikorqani kamachinan tiyanapi tiyasqata, paña ladonpi, lloq'e ladonpiwan angelkunata ima.

Salmos 122:2

Jerusalén llajta, ñapis punkuykipiña kashayku.

Isaías 1:10

Sodomata kamachejkuna, Tata Diospa nisqanta uyariychej. Gomorra llajtayojkuna, Diosninchejpa yachachisqanta allinta uyariychej.

Jeremías 10:1

Israel ayllu, imatachus Tata Dios qanman nisusqanta uyariy.

Jeremías 11:6

Chantá Tata Diosqa nillawarqataj: Judá suyupi kay willayta qhaparimuy, jinallataj Jerusalén llajtapipis. Chay runakunamantaj ajinata niy: Imaynachus kay trato ruwasqa kasqanta uyariychej, chantá junt'aychejtaj.

Jeremías 19:14

Chayta niyta tukuytawan, Jeremías Tofetmanta kutimorqa, maymanchus Tata Dios payta kachasqa sutinpi parlamunanpaj, chaymanta. Chantá Tata Diospa Templonpa pationpi sayaspa, tukuy runaman nerqa:

Jeremías 2:2

Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 2:4

Jacobpa ayllunmanta kajkuna, Israelmanta tukuy ayllukuna, Tata Diospa nisqanta uyariychej.

Jeremías 26:2

Temploypa pationpi sayaspa, imatachus ninaykita kamacherqayki, chayta niy. Judá suyupi llajtakunamanta pikunachus noqata yupaychawaj Temployman jamushanku, chay tukuy runaman nisqayta willanki, amataj uj simillatapis pakankichu.

Jeremías 28:5

Chantá Jeremías sut'inchaj Jananiasman kuticherqa, Diospa Templonpi kasharqanku, chay sacerdotekunaj ñawpaqenkupi, jinataj tukuy runaj ñawpaqenkupi ima, nerqataj:

Jeremías 34:4

Chaywanpis uyariy Judá suyuta kuraj kamachej Sedequías, allinta uyariway noqa Tata Dios imatachus nisusqayta: Mana espadawanchu wañunki.

Jeremías 36:10

Jinapi Baruc Diospa Templonpa pata kaj pationman rerqa, Mosoj Punku nisqa, chaynejman. Chaypi kuraj kamachejpa qhelqerin Safanpa churin Gemariaspa cuarton karqa, chaynejmantapachataj Baruc tukuy runaj uyarinanta ñawirerqa, imatachus Jeremías qhelqachisqa, chay tukuyta.

Jeremías 36:6

Chayrayku jamoj ayunana p'unchaypi Temploj pationman yaykuspa, chaypi jatunmanta, imatachus qhelqacherqayki, chay p'anqata ñawiriy. Jinamanta Jerusalenpi tiyakojkuna, jinataj Judá jap'iypi kaj llajtakunamanta jamojkunapis Tata Diospa nisqanta uyarenqanku.

Jeremías 44:24

Chantá Jeremías tukuy runaman, astawanqa warmikunaman nillarqataj: Judamanta Egipto suyupi tiyakojkuna, Tata Diospa nisqanta uyariychej:

Jeremías 7:1

Tata Diosqa Jeremiasta nerqa:

Ezequiel 37:1

Uj kuti Tata Dios noqaman jamuspa, Espiritunwan uj valleman pusawarqa. Chay valletaj runaj tullunkunawan junt'a karqa.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Amós 7:16

Chayrayku uyariy Tata Diospa nisqanta. Qan ninki: Ama imatapis Diospa sutinpi parlaychu Israelpa contranta, amataj parlaychu Isaacpa mirayninpa contrantapis, nispa.

Miqueas 1:2

Tukuy runakuna, kayta uyariychej: Tukuyta Kamachej Tata Diosmin may llimphu Templonmantapacha testigo jina qankunaj contraykichejpi sayanqa.

Miqueas 3:1

Kunan uyariychej, Israelta kamachejkuna, jinataj kurajkuna: Manachu qankuna yachanaykichej kashan imachus justicia kasqanta?

Miqueas 3:9

Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

San Mateo 13:9

Pichus nisqayta jap'ikuyta munajqa allinta uyarichun, nispa.

San Juan 18:20

Jesustajrí payman kuticherqa: Tukuypa rikunanta runakunaman parlarqani. Yachacherqanitaj tantakuna wasikunapi, Templopi ima, maypichus runakuna tantakunku chaypi, manataj imatapis pakayllapi parlarqanichu.

Hechos 5:20

Temploman riychej, chaypitaj runakunaman kay mosoj kawsaymanta willaychej, nispa.

Hechos 5:42

Paykunataj sapa p'unchay mana sayk'uspa Cristo Jesusmanta sumaj willayta willararqanku Temploj pationpi, jinallataj wasimanta wasi purispa ima.

Apocalipsis 2:11

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Pikunachus atipajkunaqa manapuni wiñaypaj Diosmanta karunchasqachu kanqanku.

Apocalipsis 2:17

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun: Noqaqa pichus atipajman maná nisqa chay pakasqa mikhunata mikhuchisaj. Jinallataj uj yuraj rumisituta qosaj, chay rumisitupitaj mosoj suti qhelqasqa kanqa. Chay sutita mana pipis yachanqachu, manachayqa pichus chay rumita jap'ejlla yachanqa.

Apocalipsis 2:29

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun, nispa. Ajinata Jesucristo niwarqa.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.

Apocalipsis 3:13

Pichus nisqayta jap'ikuyta munajqa Santo Espíritu iglesiakunaman imatachus nisqanta uyarichun.

Apocalipsis 3:22

Pichus nisqayta jap'ikuyta munajqa Santo Espíritu iglesiakunaman imatachus nisqanta uyarichun, nispa. Ajinata Jesús nerqa.

Apocalipsis 3:6

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun.