Jeremías 7:18 - DIOSPA QHELQACHISQ

¹⁸ Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Qheshwa Biblia DC

¹⁸ Wawasqa llant'ata pallanku, tatas kajkunataj ninata jap'ichinku, warmis kajkunataj jak'u masata ñat'unku tortillata ruwanankupaj, chay cieloj reinan ninku chay diosaman jaywanankupaj. Chaywan phiñachiwankichej, jinallataj chay mana rejsisqa dioskunaman vinota jaywasqaykichejwan.

DIOSPA QHELQACHISQAN DEUTEROCANONICAL

¹⁸ Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Jeremías 7:18 ပူးပေါင်းရင်းမြစ်များ

1 Reyes 14:9

Qanmanta ñawpaj kaj kuraj kamachejkunamanta nisqaqa aswan sajra kajllatapuni ruwarqanki. Jinallataj metalmanta waj dioskunata, lantikunatawan ruwakuspa, wasanchawarqanki.

1 Reyes 16:2

Qan ni pejpa kasu ruwanan kashajtiyki, noqa Israel aylluyta kamachinaykipaj churarqayki. Qantajrí Jeroboán jina juchallerqanki, Israel aylluytataj juchallichinki. Chay juchaykiwantaj noqata phiñachiwanki.

Salmos 16:4

Pikunachus waj diospa qhepanta purejkunapajrí, ñak'ariykuna astawan yapakonqa. Chaywanpis noqaqa ni jayk'aj chay lantikunaman uywa ñak'asqa jaywanata jaywasajchu, nitaj lantikunaj sutinkutapis oqharisajchu.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Isaías 57:6

Jerusalén llajta, qanqa wayq'omanta llusk'a rumikunata yupaychayta munanki. Arí, chaypi qanpaj tiyan uj cheqa yupaychanaykipaj. Chay rumikunaman qanqa vinowan ch'allanki, chaymantaj ch'aki mikhuy jaywanata jaywanki. Noqarí chay millay ruwasqaykimanta ch'inllachu kakusaj?

Isaías 65:11

Qankunarí, noqa Tata Diosta saqerpariwankichej, ajllakusqay orqomantataj qonqapunkichej. Chantá suerteta choqanaykichejpaj mesakunata churankichej, jinataj mana rejsisqa dios Gadman, Mení diosman ima vinowan ch'allankichej.

Isaías 65:3

Chaykunaqa sapa kuti phiñachillawankupuni, huertakunapi uywa ñak'asqata jaywaspa, ladrillomanta altarkunapitaj inciensota q'oshñichispa ima.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 17:2

Wawaykikunaqa altarninkumanta yuyarikunku, Asera lantita yupaychana k'ullumanta ima. Chaykunaqa thansarara sach'akunaj qayllanpi kashanku, chay orqokunaj patanpi ima.

Jeremías 19:13

Jerusalenpi wasikunata, chantá Judapi kuraj kamachejkunaj wasinkuta ima Tofet jina ch'ichipaj qhawasqa kanqanku. Ajinata ruwasaj, imaraykuchus chay wasi patapi tukuy ch'askakunaman inciensota q'oshñicherqanku, jinallataj waj dioskunaj sutinpi vinota jich'aspa jaywarqanku, nispa.

Jeremías 25:7

Kunantajrí Tata Dios nin: Chaywanpis qankunaqa manapuni kasuyta munawarqankichejchu, manachayqa qankuna kikiykichej phiñachiwankichej, ruwakusqaykichej dioskunata yupaychaspa. Chaytaj qankunata mana allin rinasuykichejpaj kanqa, nispa.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 44:25

Israelpa Tukuy Atiyniyoj Tata Diosnin nisunkichej: Qankuna, warmiykichejpis imatachus nisqaykichejta ruwarqankichej: Noqayku tiluspa imatachus nisqaykuta junt'asqaykupuni, Janaj Pachaj Qoyanman inciensota q'oshñichispa, paypa sutinpitaj ch'allaykurispa ima, nispa. Kunanqa imatachus nisqaykichejta junt'allaychej, tilusqaykichejman jinataj ruwallaychej.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 7:17

Judá suyupi, jinataj Jerusalén llajtapipis imatachus ruwasqankuta manachu rikunki?

Lamentaciones 5:13

Aswan kallpayoj runakunata molinopi kutanankupaj churarqanku. Waynakunataj llant'a q'epiwan atiykuchikorqanku.

Ezequiel 16:26

Qayllaykipi kajkunawan mayta khuchichakorqanki, Egipto llajtayoj qachilo qharikunawan. Astawan, astawan khuchichakuspataj, mayta phiñachiwarqanki.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Ezequiel 8:16

Chantá runaman rijch'akojqa Tata Diospa Templon ukhu pationman apaykuwarqa. Chaypitaj Temploman yaykuna punkumanta altarman rinapi, iskay chunka phishqayoj runakuna Tata Diospa Templonta wasanchakuspa, inti llojsimuy ladoman qhawarisqa pampaman k'umuykuspa intita yupaychasharqanku.

Ezequiel 8:17

Chantá Tata Dios niwarqa: Runaj churin, imatachus ruwasqankuta rikunkichu? Judá aylloqa chay jina millayta ruwasqanwan mana sajsakunchu. Kay suyuman kallpaman atinikusqa millayta ruwanawan junt'achinku. Astawan astawan phiñachishawanku, millayta ruwasqankumanta asnasqantaj senqayman chayamuwan.

1 Corintios 10:22

Chayta ruwaspa manachu yachankichej Tukuyta Kamachej Jesucristota celosachishasqanchejta? Chayrí yuyankichejchu paymanta aswan atiyniyoj kasqanchejta?

Deuteronomio 32:16

Waj dioskunata yupaychaspa, Diosta celosacherqanku. Millay ch'ichita ruwaspataj, phiñakuyninta k'ajaricherqanku.

Deuteronomio 32:21

Manakaj dioskunata yupaychaspa, celosachiwanku. Lantinkuwan sonqoyta t'impurichiwanku. Noqapis paykunata manakaj aylluwan sonqonkuta nanachisaj, mana yuyayniyoj runakunawantaj paykunata phiñachisaj.

Deuteronomio 4:19

Janajpi kaj intita, killata, ch'askakunata, imachus janajpi tiyan, chay tukuyta rikuspa, pajtataj chaykunaman qonqorikuspa, yupaychawajchej. Tata Diosniykichejqa tukuy chaykunata kay pachapi runakunapaj ruwarqa.