Jeremías 7:13 - DIOSPA QHELQACHISQ

¹³ Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Qheshwa Biblia DC

¹³ Jinapis kutin kutinta willarqaykichej imaynatachus purishasqaykichejmanta, qankunataj mana kasuyta munawarqankichejchu, nitaj kutichillawankichejpischu. Noqa Señor chayta nini.

DIOSPA QHELQACHISQAN DEUTEROCANONICAL

¹³ Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Jeremías 7:13 ပူးပေါင်းရင်းမြစ်များ

Proverbios 1:24

Noqa wajyarqaykichej, qankunatajrí mana uyariyta munarqankichejchu. Makiyta jaywashajtiypis, qankuna mana rikoj tukorqankichej.

Isaías 50:2

Imaraykutaj jamuspa, mana pitapis tariparqanichuri? Imaraykutaj wajyashajtiypis, mana pipis kutichiwarqachuri? Ima kajtinpis, manachu atiyman kacharichiytari? Manañachu atiyneyqa kasqa paykunata kacharichinaypaj? Ujta nispalla, mama qochata ch'akichini, mayukunatapis ch'aki pampaman tukuchini. Chaypi kaj challwakunapis yakumanta jina wañuraspa, asnanku.

Isaías 65:12

Chayrayku noqapis qankunata churasqaykichej espadawan wañuchisqa kanaykichejpaj. Tukuyniykichej ñak'asqa kanaykichejpaj qonqorikunkichej, imaraykuchus chhikata wajyashajtiy, mana kasuta ruwawarqankichejchu. Qankunaman parlapayashajtiypis, mana uyariwaj tukorqankichej, rikunaytataj tukuy ima millayta ruwarqankichej. Imachus noqaman mana allinchu rijch'awan, chaytapuni qankuna ajllakorqankichej.

Isaías 66:4

Noqapis paykunapaj ñak'arinata ajllasaj. Imatachus manchachikunku, chaytapuni paykunaman apachimusaj. Noqaqa wajyarqani, manataj pipis kasuwarqachu. Parlapayarqani, manataj pipis uyariwarqachu, manachayqa rikunayta millayta astawan ruwarqanku. Paykunaqa imatachus mana rikuyta munasqaytapuni ajllakorqanku.

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 11:8

Chaywanpis mana kasuwarqankuchu, nitaj uyariwarqankuchu, manachayqa k'ullukuspa, sonqonkoj millay yuyasqallanta ruwarqanku. Paykunaqa manapuni kamachisqayta junt'ayta munarqankuchu. Chayrayku chay tratopi imatachus nisqay ñak'ariykunata patankuman kachaykamorqani, nispa.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj Israel aylluywan, Judá aylluywanpis ruwarqani, noqaman sumaj ujchasqa kanankupaj. Ajinata ruwarqani aylluy kanankupaj, sutiyta jatunchaj kanankupaj, yupaychasqa, jatunchasqataj kanaypaj. Chaywanpis, mana kasuwarqankuchu. Ajinata Tata Dios nin.

Jeremías 25:3

Amonpa churin Josías chunka kinsayoj watata Judapi kamachisqanmanta kunankama, iskay chunka kinsayoj watataña Tata Dios noqaman parlamullawanpuni. Noqataj chayta qankunaman kutin kutinta willarqaykichej. Qankunatajrí manapuni uyariwarqankichejchu.

Jeremías 26:5

Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 32:33

Paykunaqa wasanchawarqanku, manataj kutirikamuwayta munarqankuchu. Noqa paykunata kutin kutinta yachachispa k'amerqani chaypis, mana kasuwarqankuchu, nitaj jasut'isqaywan wanaytapis munarqankuchu.

Jeremías 35:14

Recabpa churin Jonadabpa ayllonqa ñawpa tatankoj kamachisqanta kasuspa, mana vinota ujyankuchu. Chayrayku paykunaqa kunankama mana vinota ujyankuchu, imaraykuchus ñawpa tatankoj kamachisqanta junt'ashanku. Noqapis qankunaman kutin kutinta parlapayarqaykichej, jinapis qankunaqa mana kasuwankichejchu.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 44:23

Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

Jeremías 44:4

Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 5:21

Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Jeremías 6:10

Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Oseas 11:2

Chaywanpis astawan payta wajyashajtiy, astawan noqamanta karunchakuwarqa. Payqa uywa ñak'asqata qhasi manakaj dioskunaman jaywarqa, inciensotataj lantikunaman q'oshñicherqa.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 9:17

Kay aylloqa Diosniyta mana kasuyta munarqankuchu. Chayraykumin Diosneyqa paykunata qhesachallanqataj, paykunataj suyukuna ukhupi puriskiri jina purenqanku.

Zacarías 7:13

Paykunata wajyashajtiy, mana uyariwayta munarqankuchu. Ajinallatataj qhaparikamuwajtinku, noqapis mana paykunata uyarisajchu.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.