Jeremías 7:12 - DIOSPA QHELQACHISQ

¹² Siloman riychej. Noqa chay cheqata ñawpajta ajllarqani, sutiy chaypi yupaychasqa kananpaj. Chantá Israel aylluy mana allin ruwasqanmanta, imatachus Silo llajtawan ruwasqayta rikuychej.

Qheshwa Biblia DC

¹² Riychej Silopi kashan, chay yupaychana wasiyman, chayta ñaupajpi ajllarqani tiyakuna wasiy kanampaj, qhawaychej imatachus paywan ruwasqayta Israel aylluypa juchasninrayku.

DIOSPA QHELQACHISQAN DEUTEROCANONICAL

¹² Siloman riychej. Noqa chay cheqata ñawpajta ajllarqani, sutiy chaypi yupaychasqa kananpaj. Chantá Israel aylluy mana allin ruwasqanmanta, imatachus Silo llajtawan ruwasqayta rikuychej.

Jeremías 7:12 ပူးပေါင်းရင်းမြစ်များ

1 Reyes 9:7

noqaqa kay jallp'ata qorqaykichej, chaymanta qharqosqaykichej. Kay Templota noqapaj t'aqakusqaytapis qhesachallasajtaj. Israel suyutaj, tukuy suyoj asipayasqan kanqa.

Jeremías 26:6

Silo llajtapi ruwasqayta jinallatataj kay Templotapis ruwasaj. Kay llajtataj tukuypa asipayanan, alqochakunantaj kanqa, nispa.

Jeremías 7:14

Chayrayku Silo llajtapi yupaychana wasiywan imatachus ruwarqani, ajinallatataj sutiywan sutichasqa kashan, kay Templowanpis ruwasaj. Kay Templota qankunaman chantá tataykichejkuna ima qorqani, qankunataj chaypi atinikushankichej.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Deuteronomio 12:5

Tata Diosqa Israelpata tukuy ayllun ukhupi uj cheqata ajllakonqa, qankuna chayman rispa, paypa sutinta yupaychanaykichejpaj.

Josué 18:1

Israelitakuna jallp'ata jap'iyta tukuspaña, tukuyninku Silo llajtapi tantakorqanku, chaypi Dioswan Tinkukuna Toldota sayarichinankupaj.

Josué 18:10

Josuetaj Silopi Tata Diosta tapuspa, sapa jatun aylluman jallp'ata suerteta choqaspa rak'irarqa.

Jueces 18:31

Micaíaj ruwasqan lanteqa Dan jatun ayllupi kasharqa, Diospa Toldon Silopi kanankama.

1 Samuel 1:3

Sapa wata Elcanaqa llajtanmanta Siloman rejpuni, chaypi Tukuy Atiyniyoj Tata Diosta yupaychananpaj, uywata ñak'aspa q'olachinatawan jaywananpaj. Silo llajtapi Elí sacerdotejta iskay churinkuna karqanku, ujninpata sutin Jofní karqa, ujninpatataj Finés. Paykunapis Tata Diospa sacerdotenkunallataj karqanku.