Jeremías 7:11 - DIOSPA QHELQACHISQ

¹¹ Yuyankichejchu noqapaj t'aqasqa Templo suwakunaj pakakunan t'oqo kasqanta? Noqaqa tukuy imatachus ruwasqaykichejta rikushanipuni. Noqa Tata Diosmin chayta nini.

Qheshwa Biblia DC

¹¹ Yuyankichejchu kay noqapaj t'aqasqa wasi kashan chay suwaspa pakakunan kasqanta? Chay tukuyta rikuni, noqa Señor chayta nini.

DIOSPA QHELQACHISQAN DEUTEROCANONICAL

¹¹ Yuyankichejchu noqapaj t'aqasqa Templo suwakunaj pakakunan t'oqo kasqanta? Noqaqa tukuy imatachus ruwasqaykichejta rikushanipuni. Noqa Tata Diosmin chayta nini.

Jeremías 7:11 ပူးပေါင်းရင်းမြစ်များ

2 Crónicas 6:33

Ajinata ruwajtinku, janaj pachamantapacha uyariy, tiyakunki chaymantapacha, qoytaj tukuy imatachus mañakususqankuta. Ajinamanta kay pachapi tukuy runakuna rejsisonqanku, Israel aylluykipis jatun respetowan maypaj qhawasonqanku. Yachallanqankutaj ruwachipusqay Templopi sutiyki yupaychasqa kasqanta.

Isaías 1:12

Noqata yupaychaj jamojtiykichej, pitaj qankunamanta chaykunata mañakusunkichej, chayrí wasiy patioytapis ch'ichichanaykichejtari?

Isaías 56:7

Payqa nin: Noqa Tata Dios paykunata noqapaj t'aqasqa orqoman pusasaj, noqamanta mañakuna wasiypitaj paykunata kusichisaj. Uywata ñak'aspa q'olachisqankuta jinataj jaywawasqankuta ima tukuy sonqo jap'ikusaj. Temployqa Diosmanta mañakuna wasi sutichasqa kanqa tukuy runapaj.

Jeremías 2:34

P'achaykeqa wajchakunaj, jinataj mana juchayojkunaj yawarninkuwan ch'allpaykusqa rikhurin. Qan ni imapi juchallikushajtapis paykunata tariparqankichu.

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Jeremías 7:10

Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

Ezequiel 35:13

Qanqa simiykita jatunta kicharispa, runaykacharqanki, contraypitaj ashkhata parlarqanki, chaytataj noqa uyarerqani, nispa.

Daniel (hebreo) 9:18

Diosniyku, uyarillawayku ari. Qhawariy imaynatachus sutiyki yupaychasqa kananpaj ajllasqayki llajta ch'in laqayaman tukuchisqa kasqanta. Mana noqayku cheqanta ruwasqaykupi atinikusqaykuraykuchu qanmanta mañakushayku, manachayqa qanpa jatun khuyakuyniykipi atinikuyku.

San Mateo 21:13

Paytaj nerqa: Diospa Qhelqachisqanpi nin: Waseyqa noqawan parlarikuna wasimin. Chaywanpis qankunaqa suwa thapaman tukuchisqankichej, nispa.

Marcos 11:17

Chantá Jesusqa runakunaman yachacherqa: Manachu Diospa Qhelqachisqanpi nin: Waseyqa noqawan parlarikuna wasimin, nispa? Chaywanpis qankunaqa suwa thapaman tukuchisqankichej, nispa.

San Juan 2:16

Urpikunata qhatojkunatataj nerqa: Tukuy chaykunata kaymanta orqhoychej. Tataypa wasintaqa ama qhatuna wasiman tukuchiychejchu, nispa.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.