Jeremías 7:10 - DIOSPA QHELQACHISQ

¹⁰ Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

Qheshwa Biblia DC

¹⁰ Chaymantaraj yupaychanawaykichej wasiyman jamuwankichej ñaupaqeyman chimpamunawaykichejpaj. Creekunkichej kacharisqas kasqaykichejta, chay millay ruwaykunata, mana noqaj munasqay imasta ruwaykichejpaj.

DIOSPA QHELQACHISQAN DEUTEROCANONICAL

¹⁰ Ajinata ruwashaspapis, qankunaqa kay Temployman yupaychawaj jamunkichejraj, mayqenchus noqapaj t'aqasqa kashan chayman, ninkichejtaj: Kaypi allillan kashayku, nispa. Qankunaqa yuyankichej chay millachikusqay imakunata ruwayta atillasqaykichejta.

Jeremías 7:10 ပူးပေါင်းရင်းမြစ်များ

1 Reyes 9:3

Tata Diostaj payta nerqa: May jinata mañakuwasqaykita uyariykiña. Ruwapuwasqayki Templotapis noqapaj t'aqakuniña, chaypi suteyqa wiñaypaj yupaychasqa kananpaj. Kay Templota waqaychasajpuni, manataj qonqasajchu.

2 Reyes 21:4

Manasesqa Tata Diospa Templonpipis altarkunata ruwachillarqataj. Chay Templomanta Tata Dios nisqa: Noqaqa Jerusalén llajtapi yupaychasqa kasaj, nispa.

2 Crónicas 33:4

Manasesqa Tata Diospa Templonpipis ch'askakunapaj altarkunata ruwachillarqataj. Chay Templomanta parlaspa, Tata Dios nisqa: Noqataqa Jerusalén llajtapi wiñaypaj yupaychawanqanku, nispa.

2 Crónicas 33:7

Jinallataj uj lantita ruwachispa, Tata Diospa Templonman churaykamorqa. Chay Templomanta Tata Diosqa Davidman, chantá churin Salomonman nisqa: Kay Templopi suteyqa wiñaypaj yupaychasqallapuni kanqa, imaraykuchus tukuynin Israel ayllumanta Jerusalenta ajllakuni.

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Isaías 48:2

Qankuna ninkichej: Diospa llajtanmanta kayku, nispa, chantá nillankichejtaj Israelpa Diosninpi atinikusqaykichejta. Chay Diospa sutenqa Tukuy Atiyniyoj Tata Diosmin.

Jeremías 32:34

Astawanpis noqapaj t'aqasqa Temployta ch'ichicharqanku millay lantinkuta chaypi sayachispa.

Jeremías 34:15

Chantá qankunaqa mana allinta ruwasqaykichejmanta noqaman kutirikuspa, ñawpaqeypi imachus allin kajta ruwarqankichej sapa ujniykichej llajta masiykichejta kacharipunaykichejpaj. Chay tratota noqata yupaychana Templopi ruwarqankichej.

Jeremías 44:9

Ñawpa tataykichejkunaj tukuy millay ruwasqankuta qonqapunkichejñachu? Judata kuraj kamachejkuna, chantá qoyankupis mana allin ruwasqankuta, jinallataj qankuna, warmiykichejpis tukuy Judá suyupi, jinataj Jerusalenpa callenkunapipis millay ruwasqaykichejta qonqapunkichejñachu?

Jeremías 7:11

Yuyankichejchu noqapaj t'aqasqa Templo suwakunaj pakakunan t'oqo kasqanta? Noqaqa tukuy imatachus ruwasqaykichejta rikushanipuni. Noqa Tata Diosmin chayta nini.

Jeremías 7:14

Chayrayku Silo llajtapi yupaychana wasiywan imatachus ruwarqani, ajinallatataj sutiywan sutichasqa kashan, kay Templowanpis ruwasaj. Kay Templota qankunaman chantá tataykichejkuna ima qorqani, qankunataj chaypi atinikushankichej.

Jeremías 7:30

Tata Dios nillantaj: Judá suyupi tiyakojkuna mana walejtachu ñawpaqeypi ruwanku. Chay millachikuna lantikunata sutiywan sutichasqa Temploman churarqanku, chaywan Temployta ch'ichichaspa.

Ezequiel 20:39

Israel ayllu, kay jinata noqa Tukuyta Kamachej Tata Dios niykichej: Sichus qankuna mana kasuwankichej chayqa, sapa ujniykichej lantiykichejta yupaychamullaychej. May llimphu sutiytatajrí amaña ch'ichichaychejchu, jaywanaykichejta jaywaspa, nitaj lantiykichejkunata yupaychaspapis.

Ezequiel 23:29

Paykunataj chejnikususpa, qhechurparisonqanku, imatachus llank'aspa tarerqanki, chaykunata. Q'alallata mana imayojta saqerpayasonqanku, jinataj khuchichakuspa purisqayki, q'oñirisqayki ima sut'iman orqhosqa kanqa.

Ezequiel 23:37

Paykunaqa noqawan casarasqa kashaspa, wajkunawan khuchichakorqanku, runatapis wañucherqanku. Paykunaqa lantikunata yupaychaspa, wasanchawarqanku. Noqapaj paqarichikorqanku, chay wawakunatapis ninapi q'olachispa, lantinkukunaman jaywarqanku.

Ezequiel 23:39

Maypachachus wawankukunata q'olachispa lantinkukunaman jaywarqanku, chay kikin p'unchayllapitaj noqapaj t'aqasqa cheqaman yaykuspa, Temployta ch'ichicharqanku.

Ezequiel 33:25

Chayrayku paykunata niy: Tukuyta Kamachej Tata Dios kay jinata nisunkichej: Qankunaqa aychata yawarnintinta mikhunkichej, lantikunata yupaychankichej, runatapis wañuchinkichej. Ajina kashaspa, kay suyuta jap'ikapuyta yuyashankichejchu?

Ezequiel 33:31

Ajinata aylloyqa jamuspa, ñawpaqeykipi yachasqankuman jina tiyarikunku, parlasqaykita uyarinankupaj. Chaywanpis uyarisqankuta mana ruwankuchu. Simillankuwan misk'ita parlanku, sonqonkupitajrí qolqeta mask'anallapi yuyashanku.

Ezequiel 5:11

Chantapis noqa Tukuyta Kamachej Tata Dios tiluspa nini: Noqapaj t'aqasqa Temployta chhika millayta ruwaspa ch'ichichasqaykichejrayku qankunata qhesachasqaykichej. Manataj saminchasqaykichejchu, nitaj khuyakusqaykichejchu.

Daniel (hebreo) 9:18

Diosniyku, uyarillawayku ari. Qhawariy imaynatachus sutiyki yupaychasqa kananpaj ajllasqayki llajta ch'in laqayaman tukuchisqa kasqanta. Mana noqayku cheqanta ruwasqaykupi atinikusqaykuraykuchu qanmanta mañakushayku, manachayqa qanpa jatun khuyakuyniykipi atinikuyku.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Amós 4:5

Pachis nispa, jaywanata jina mana levadurayoj t'antata q'olachiychej. Sonqomanta munaspa, jaywanata apamusqaykichejmantapis tukuyman willaramuychej. Chayta ruwaspa, manchayta kusikunkichej, icharí? Noqa Tukuyta Kamachej Tata Diosmin chayta nini.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Malaquías 3:15

Machu machu kajkunata ni imamanta llakiyniyojta kawsajta rikunchej. Millayta ruwaspa purejkunatapis tukuy imapi allillan rin. Paykuna Diosta phiñachinapaj jina imata ruwajtinkupis, mana jasut'isqachu kanku, nispa ninkichej.

San Mateo 23:13

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diospa janaj pacha kamachiyninman yaykunata wisq'ankichej. Qankuna chayman mana yaykunkichejchu, nitaj yaykuyta munajkunatapis yaykojta saqenkichejchu.

San Juan 13:18

Mana tukuyniykichejmantachu chayta nishani. Noqa yachani pikunatachus ajllakusqayta. Chaywanpis Diospa Qhelqachisqanpi imatachus nisqan junt'akunan tiyan: Pichus noqawan khuska mikhojqa wasanchawan, nispa.

San Juan 18:28

Chantá sut'iyamushajtinña, judiokunaj kurajninkukunaqa Caifaspa wasinmanta Jesusta Pilatoj kamachinan wasiman pusarqanku. Chay pusajkunarí mana Pilatoj kamachinan wasiman yaykorqankuchu, imaraykuchus mana munarqankuchu mana llimphupaj qhawasqa kayta, ajinamanta Pascua mikhuyta mikhunankupaj.