Jeremías 6:30 - DIOSPA QHELQACHISQ

³⁰ Paykuna sutichasqa kanku: “Qhesachasqa qolqe metal”, nispa, imaraykuchus noqa, Tata Dios, paykunata qhesacharqani, nispa.

Qheshwa Biblia DC

³⁰ Sutichanachá kanqa wijch'usqa qolqe nispa, imaraykuchus qan, Señor, paykunata qhesacharqanki.

DIOSPA QHELQACHISQAN DEUTEROCANONICAL

³⁰ Paykuna sutichasqa kanku: “Qhesachasqa qolqe metal”, nispa, imaraykuchus noqa, Tata Dios, paykunata qhesacharqani, nispa.

Jeremías 6:30 ပူးပေါင်းရင်းမြစ်များ

2 Reyes 17:20

Chayrayku Tata Diosqa israelitakunata qhesachaspa ñak'aricherqa, chantá awqankuwan atipaykuchispa, ñawpaqenmanta karuman wijch'orqa.

Salmos 119:119

Kay pachapi millayta ruwajkunata q'opata jina wijch'unki. Chayrayku noqaqa kamachisqaykita munakuni.

Salmos 53:5

5 (6) Aswan qhepamanrí ni imata manchachikunapaj kashajtinpis, paykuna manchachikuspa kharkatitenqanku. Diosqa qanta maqayta munasojkunaj tullunkuta qhalliranqa. Paykuna p'enqaypi rikhurenqanku, imajtinchus Tata Dios paykunata qhesachan.

Proverbios 25:4

Qolqe metalta unuyachispa ch'ichinta orqhonchej, chaymantataj pichus alajata ruwayta yachajqa qolqe vasota ruwanqa.

Isaías 1:22

Ñawpajtaqa ch'uwachasqa qolqe metal jina karqanki, kunanrí q'opaman jina tukunki. Sumaj vino jina karqanki, kunanrí yakuwan chajrusqa vino jinallaña kanki.

Isaías 1:25

Makiyta watej qanpa contraykipi oqharisaj. Qolqe metalta jina ch'uwayachispa, tukuy ch'ichiykita orqhosaj, jinamantataj llimphuchasqayki.

Jeremías 14:19

Chantá Jeremías nerqa: Tata Dios, Judataqa qhesachasqatapunichu qhesachanki? Sión llajtawanqa amichikunkipunichu? Imaraykutaj qhaliyayta mana atinaykupaj jina maqawarqaykuri? Allinpi tiyakuyta suyarqayku, manataj ima allintapis rikorqaykuchu. Qhaliyachisqa kayta suyarqayku, sinch'i mancharikuyllataj kashan.

Jeremías 23:33

Jeremías, sichus uj runa, uj sut'inchaj, chayrí uj sacerdotepis tapusunkiman: Imatataj Tata Dios ninri? nispa chayqa, qan ninki: Ajinata Tata Dios sut'inchan: Imaynatachus pipis q'epita wijch'uspa, saqerparin, ajinallatataj saqerparisqaykichej, nispa.

Jeremías 7:1

Tata Diosqa Jeremiasta nerqa:

Jeremías 7:29

Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

Lamentaciones 5:22

Qanqa qhesachasqatachu qhesachawayku? Qanqa anchatañapunitaj noqaykupaj phiñakunki ari.

Oseas 9:17

Kay aylloqa Diosniyta mana kasuyta munarqankuchu. Chayraykumin Diosneyqa paykunata qhesachallanqataj, paykunataj suyukuna ukhupi puriskiri jina purenqanku.

Zacarías 11:8

Uj killallapi kinsa mana allin michejkunata wijch'orqani. Chaywanpis ovejakunapis noqawan sayk'usqankurayku, chejnikuwarqanku.

San Mateo 5:13

Runakuna ukhupi qankunaqa kachi jina kankichej. Chaywanpis, sichus kachi q'aymayanman chayqa, imaynatataj k'araman watej kutinmanri? Mana imapaj walejñachu, manachayqa jawaman wijch'unallapajña, runa sarunanpaj.

Romanos 11:1

Ajina kasqanrayku tapukuni: Diosqa Israel ayllunta qhesachanchu? Manapuni. Noqaqa israelita kani, Abrahampa mirayninmanta, Benjamín jatun ayllumantataj.