Jeremías 6:28 - DIOSPA QHELQACHISQ

²⁸ Paykuna contraykipi oqharikojkuna, k'ullutaj kanku, jinataj cuento q'epi runakuna kanku. Tukuyninku millayta ruwaspa purejkuna kanku. Paykuna bronce, fierro jinataj kanku.

Qheshwa Biblia DC

²⁸ Señor, tukuy paykuna oqharikojkuna kanku, cuento q'epi runas kanku, chantá millay puriyniyojkuna kanku; bronce jina, fierro jinataj kanku.

DIOSPA QHELQACHISQAN DEUTEROCANONICAL

²⁸ Paykuna contraykipi oqharikojkuna, k'ullutaj kanku, jinataj cuento q'epi runakuna kanku. Tukuyninku millayta ruwaspa purejkuna kanku. Paykuna bronce, fierro jinataj kanku.

Jeremías 6:28 ပူးပေါင်းရင်းမြစ်များ

Salmos 14:1

(1b) Wampukunaqa sonqonkupi ninku: Mana Dios kanchu, nispa. Tukuyninku millayta purinaman qokunku, ruwasqankutaj mayta millachikunapaj jina. Allinta ruwajqa mana pipis kanchu.

Salmos 50:20

Manakajmanta wawqeykita ch'ataykunki, mamaykej wawanmanta yanqhata parlanki.

Proverbios 10:18

Chejnikusqanta pakajqa llullamin. Pichus cuento apaykachajtaj wampumin.

Isaías 31:6

Diospa ayllun israelitakuna, Tata Diosman kutirikamuychej ari, pejpa contrantachus oqharikorqankichej, chayman.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 20:10

Contraypi runakuna chhichinakuspa parlashajta uyarini: Tukuynejpi manchachikuy tiyan. Jamuychej, payta ch'ataykusunchej, nispa. Tukuy kawsaqeykuna imallapipis pantanayta suyashanku. Chantá nillankutaj: Ichapis q'otiyayta atisunman, chaywantaj payta atipaykusunchej. Ajinamanta paymanta vengakusunchej, nispa.

Jeremías 5:23

Qankunaj sonqoykichejrí ancha rumiyasqa, mana kasukojtaj. Noqata saqerpayawaspa, riporqankichej.

Jeremías 6:30

Paykuna sutichasqa kanku: “Qhesachasqa qolqe metal”, nispa, imaraykuchus noqa, Tata Dios, paykunata qhesacharqani, nispa.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Jeremías 9:3

3 (2) Tata Diostaj nin: Paykuna llullakunapaj wakichisqapuni kashanku, imaynatachus runa arcota mat'iykun flechata kacharinanpaj, ajinata. Manapuni maychus kajta parlankuchu, manachayqa astawan astawan millay kajta ruwanku. Noqa Tata Diostataj mana rejsiwankuchu, nispa.

Jeremías 9:4

4 (3) Kawsaqeykichejmanta qhawakuychej, amataj kikin wawqeykichejpipis atinikuychejchu, imaraykuchus wawqepurapis ch'awkiyanakunku. Kawsaqentinpurapis llullakuspa tumpanakunku.

Ezequiel 2:7

Qanqa noqaj nisqayta paykunaman willay, uyarisuchunkupis amapis. Paykuna mana uyarisonqankuchu, imaraykuchus contraypi oqharikojkuna kanku.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Levítico 14:43

Sichus rumita orqhosqankumantaña, perqata khitusqankumantaña chantá watej t'uruwan llut'asqankumantaña qorwariyay ujtawan rikhurillanmantaj chayqa,

Levítico 19:16

Llajtaykipi ama cuento q'epi kankichu. Amallataj runa masiykita wañuchiysikunkichu. Noqamin Tata Dios kani.

Apocalipsis 11:18

Chayrayku tukuy suyumanta runakuna phiñarikorqanku. Chaywanpis qanpa phiñakunayki p'unchay chayamunña. Wañusqakunata juzganayki p'unchaypis chayamullantaj. Jinallataj p'unchay chayamun qan, pikunachus qanmanta sut'inchajkunaman, qanpaj ajllakusqaykikunaman, sutiykita jatunchajkunaman ima ruwasqankuman jina t'inkata qopunaykipaj, mana kasu ruwana kachunku, chayrí maypaj qhawasqa kachunku. Chantá kay pachata phirejkunatapis tukuchinaykipaj p'unchay chayamullantaj, nispa.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.