Jeremías 6:23 - DIOSPA QHELQACHISQ

²³ Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Qheshwa Biblia DC

²³ Lanzaswan, wach'ina arcoswan ima wakichisqasña kanku. Ancha sajras kanku, mana uj chhika khuyakuyniyojtaj, qhaparqachasqankoqa mar qochaj sonaynin jina kanku, caballospi montasqas rishanku. Chaykunataj Siompa contrampi maqanakunankupaj wakichisqasña kanku.

DIOSPA QHELQACHISQAN DEUTEROCANONICAL

²³ Lanzakunawan, flechanapaj arcokunawan ima wakichisqaña kanku. Paykunaqa rumi sonqo kanku, mana uj chhika khuyakuyniyojtaj. Mama qochaj qhollchoqeyasqan jina qhaparisqankupis uyarikun. Caballokunapi jamushanku, Sionpa contranpi maqanakunankupaj, nispa.

Jeremías 6:23 ပူးပေါင်းရင်းမြစ်များ

Isaías 10:32

Chay awqakunaqa Nobpi qhepakonqanku, chaymantataj maqanakunankupaj, k'acha Sionpa contranta, Jerusalenpa contrantawan makinkuta oqharenqanku.

Isaías 13:18

Medomanta soldadokunaqa arcowan flechaspa, waynakunata wañurachenqanku. Juch'uy wawakunamantapis mana khuyanqankuchu, nillataj wawakunata wañuchiymantapis llakikonqankuchu.

Isaías 17:12

Ashkha suyumanta soldadokunaj ch'ajwasqanku uyarikun, mama qochaj qhollchoqeyasqan jina. Chayqa ashkha atiyniyoj soldadokunaj ch'ajwasqanku, paykunataj ashkha yakoj sonasqanpis kanman jina sonarichispa jamushanku.

Isaías 19:4

Noqarí Egiptota millayta ruwajkunaj makinman jaywasaj, paykunatataj rumi sonqoyoj kuraj kamachej kamachenqa, nispa. Ajinata Tukuy Atiyniyoj Tata Dios nin.

Jeremías 25:32

Tukuy Atiyniyoj Tata Dios nillantaj: Qhawariy, ñak'areyqa suyumanta suyuman chayanqa. Uj manchay sinch'i llojlla para jina oqharikamonqa kay pachaj k'uchunmantapacha, nispa.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 4:13

Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

Jeremías 4:16

Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

Jeremías 4:29

Caballokunapi jamojkunaj, jinallataj arcowan flechajkunaj ch'ajwasqankuta uyarispa, runakuna usqhay usqhayta ayqenku, ch'umi ukhuman pakakamunankupaj, chayrí qaqa k'ajllukunaman. Tukuy llajtakuna ch'usaj wasilla qhepakunku. Manaña pipis chaypi tiyakoj kanñachu.

Jeremías 5:16

Chay runakuna sumajta maqanakojkuna kanku, armankuwantaj wañuchinkupuni.

Jeremías 50:41

Wichaynejpi karu suyumanta atiyniyoj ashkha soldado jamushanku. Uj jatun suyu, ashkha kuraj kamachejkuna ima kay pachaj k'uchunmantapacha jamunankupaj wakichikushanku.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 6:4

Israelpa awqankunaqa nenqanku: Sión llajtaj contranta maqanakunapaj wakichikuychej. Jamuychej, chawpi p'unchaynejta chay llajtaman yaykuykusunchej. Chaywanpis intipis yaykupushanña, laqhayaykushanñataj.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Ezequiel 21:31

31 (36) Noqaqa phiñakuyniyta manchay lawrashaj ninaman rijch'akojta pataykiman kachaykamusaj. Kallpaman atinikuspa mana sonqoyoj runakunaj makinkuman jaywaykusqayki, thuñinapaj yachasqa kajkunaman.

Deuteronomio 28:49

Qanpa contraykita Tata Diosqa karumanta, kay pachaj k'uchunmantapacha waj llajtayojkunata kachaykamusonqa. Chay karu llajtayojkunaj parlasqankuta mana entiendeyta atinkichu. Paykuna anka jina usqhayllata phawamuspa, chayamusonqanku.