Jeremías 6:20 - DIOSPA QHELQACHISQ

²⁰ Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Qheshwa Biblia DC

²⁰ Imapajtaj qankuna Sabá inciensota apamuwankichejri? Jinallataj chay karu llajtasmanta q'apaj qhorastapisri? Noqapaj manapuni allinchu rijch'awan chay ruphachina, nitaj chay waj rikuchikusninkupis.

DIOSPA QHELQACHISQAN DEUTEROCANONICAL

²⁰ Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Jeremías 6:20 ပူးပေါင်းရင်းမြစ်များ

2 Samuel 15:12

Ajinallataj Absalonqa Gilo llajtamanta wajyachimorqa Davidpa umachajnin Ajitofelta, Tata Diosman uywa ñak'asqa q'olachinata jaywashajtin, paywan khuska kananpaj. Jinamanta kuraj kamachej Davidpa contranpi kajkuna astawan kasharqanku. Absalonwan sayasqa kajkunaqa yapakushallarqankupuni.

1 Reyes 10:10

Chantá payqa kuraj kamachej Salomonman 3.960 kilo qorita, ashkha sumaj q'apashaj jawinata, ashkha valorniyoj rumikunatawan qorqa. Mana jayk'ajpis chay chhika sumaj q'apashaj jawinata Israel suyuman apamojchu kanku, kuraj kamachej Salomonman Sabamanta qoya qosqan jinataqa.

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Salmos 66:3

Diosta niychej: Ruwasqaykeqa manchay t'ukunapaj jina. Jatun atiyniykirayku awqaykikuna ñawpaqeykipi k'umuykonqanku.

Éxodo 30:23

Sumaj k'achituta q'apaj qhorakunata tantay: Sojta kilo sumaj mirrata, kinsa kilo canelata, kinsa kilo jina sumaj k'achituta q'apashaj cañata,

Proverbios 15:8

Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Isaías 1:11

Tata Dios nin: Pitaj nisunkichej uywa ñak'asqa jaywanata munasqaytari? Amisqaña kani q'olachisqa carnerokunawan, jinallataj waka uñaj wiranta jaywawasqaykichejwan. Manaña munanichu torokunaj, ovejakunaj, chantá chivokunaj yawarninkuta.

Isaías 60:6

Madianmanta, Efamantawan ashkha camellokuna cargawan chajnasqa junt'aykamusonqanku. Sabá suyumanta runakunaqa qorita, inciensotawan apamonqanku, Tata Diospa sutintataj maytapuni jatunchanqanku.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 14:10

Ajinata Tata Dios israelitakunamanta nin: Paykunaqa lantikunata yupaychayta misk'ichikunku, kayman jaqayman yupaychaspa purinku. Chayrayku noqa mana paykunata allinpaj qhawanichu. Kunan millay ruwasqankumanta yuyarikuspa, paykunata jasut'isaj, nispa.

Jeremías 14:12

Ayunaspa mañakuwajtinkupis, mana uyarisajchu. Uywa ñak'asqa q'olachinata apamuwajtinkupis, jinataj poqoykunamanta jaywanata ima, manapuni tukuy sonqochu jap'ikusaj. Manachayqa paykunata maqanakupi tukuchisaj, yarqhaywan, onqoywan ima, nispa.

Ezequiel 20:39

Israel ayllu, kay jinata noqa Tukuyta Kamachej Tata Dios niykichej: Sichus qankuna mana kasuwankichej chayqa, sapa ujniykichej lantiykichejta yupaychamullaychej. May llimphu sutiytatajrí amaña ch'ichichaychejchu, jaywanaykichejta jaywaspa, nitaj lantiykichejkunata yupaychaspapis.

Ezequiel 27:22

Sabamanta kajkuna, Ragamamanta kajkunapiwan, qanwan ranqheyanankupaj k'achitu q'apashaj jawinakunata, qorita, lliphipirishaj tukuy imaymana k'acha rumikunatawan apamoj kanku.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Oseas 9:4

Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.