Jeremías 6:19 - DIOSPA QHELQACHISQ

¹⁹ Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Qheshwa Biblia DC

¹⁹ Uyariy qan jallp'a: Kay aylluman uj ñak'ariyta apachimusaj, sajra kajta umachakusqankurayku, palabrasniyta mana kasuta ruwayta munarqankuchu, jinataj yachachisqasniyta qhesachasqankurayku.

DIOSPA QHELQACHISQAN DEUTEROCANONICAL

¹⁹ Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Jeremías 6:19 ပူးပေါင်းရင်းမြစ်များ

Proverbios 15:26

Tata Diosqa mana allinta ruwajkunaj ruwasqankuta millachikun. Pipis allin sonqowan parlajtinrí, Tata Dios chaywan kusikun.

Proverbios 28:9

Sichus pipis Diospa kamachisqanta uyariyta mana munanchu chayqa, Diospis chay runaj mañakusqanta manallataj uyarenqachu.

Isaías 1:2

Janaj, kay pacha ima, Tata Diospa nisqanta uyariychej: Wawakunata uywarqani jatun kanankukama, paykunatajrí contraypi oqharikunku.

Isaías 5:24

Chayrayku imaynatachus nina ichhuta q'olaykun, lawraynintaj ch'aki laqheta ujllata rupharparin, ajinallatataj qankunapis chinkachisqa kankichej. Qankunaqa saphinmanta ismoj yura jina kankichej, t'ikantaj ñut'u jallp'aman tukupun, ajina, imaraykuchus Tukuy Atiyniyoj Tata Diospa kamachisqanta qhesacharqankichej, Israelpa May Llimphu Kaj Diosninpa nisqantataj pisipaj qhawarqankichej.

Isaías 59:7

Chakinkoqa mana allin ruwayllaman paykunata apan, paykunataj usqhayta rinku mana juchayojta wañuchinankupaj. Paykunaqa juchallispa puriyllapipuni yuyanku. Maymanchus risqankupeqa ñak'ariyta, waqanatawan apanku.

Isaías 66:18

Noqa yachani paykunaj mana allin ruwasqankuta, imatachus yuyasqankutapis. Aswan qhepaman uj p'unchay chayamonqa tukuy suyuta, tukuy llajtapi tiyakojkunata ima ujllaman tantanaypaj. Chayman jamuspa, paykuna jatun kayniypa lliphipiyninta rikonqanku.

Jeremías 11:11

Chayrayku noqa Tata Dios nini: Uj jatun ñak'ariyta paykunaman kachaykamusaj, chaymantataj mana ayqeyta atenqankuchu. May jinata yanapanayta qhaparikamuwajtinkupis, manapuni uyarisajchu.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 19:3

Niy: Judamanta kuraj kamachejkuna, Jerusalenpi tiyakojkunapis, Tata Diospa nisqanta uyariychej: Israelpa Diosnin Tukuy Atiyniyoj Tata Dios ajinata nin: May jatun ñak'ariyta kay cheqaman kachaykamusaj, pikunachus chayta uyarejkunataj mana ima niyta atishaj qhepakonqanku.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 22:29

Kay pachapi tukuy llajtayojkuna, Tata Diospa nisqanta uyariychej.

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Jeremías 4:16

Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

Jeremías 49:37

Noqaqa Elammanta kaj runakunata awqankoj ñawpaqenkupi phirisaj, pikunachus paykunata wañuchiyta munajkunaj ñawpaqenkupi. May ñak'ariykunata, may k'araj phiñakuyniytawan paykunaj patankuman kachaykusaj. Maqanakuta kachaykullasajtaj tukuy paykunata chinkachinaykama. Noqa Tata Diosmin chayta nini.

Jeremías 6:10

Chantá noqa Jeremías kuticherqani: Pimantaj uyarinawankupaj willamusajri? Paykuna joq'araman tukunku, manataj uyariyta munankuchu. Tata Diospa nisqanta mana munakunkuchu, nitaj chaywan misk'ichikunkuchu.

Jeremías 6:18

Chayraykumin Tata Dios nillantaj: Suyukuna, uyariychej, yachaychejtaj imatachus kay aylluywan ruwanayta.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Jeremías 8:9

Chay yachayniyojkunaqa k'umuykuchisqa, mancharichisqataj kanqanku, imaynatachus uj animal tojllapi jap'ichikun, jinata. Sichus noqaj nisqaykunata qhesachanku chayqa, ima yachaymantataj parlankuri?

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Oseas 10:13

Qankunarí millay kajta ruwanata tarporqankichej, jinataj oqharerqankichej mana allin kajta. Imatachus llullakuspa tarisqaykichejta mikhorqankichej, imaraykuchus maqanakuna carretaykichejkunapi, wapu soldadoykichejkunapi ima atinikorqankichej.

Oseas 4:6

Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Amós 2:4

Tata Dios kay jinata nillantaj: Judamanta kajkuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus paykunaqa noqa Tata Dios imatachus yachachisqayta pisipaj qhawarqanku, manataj kamachisqayta kasorqankuchu. Manachayqa tatankoj yupaychasqanku lantikunallatataj paykunapis yupaycharqanku.

Miqueas 1:2

Tukuy runakuna, kayta uyariychej: Tukuyta Kamachej Tata Diosmin may llimphu Templonmantapacha testigo jina qankunaj contraykichejpi sayanqa.

Miqueas 6:2

Uyariychej orqokuna, jinataj kay pachaj cimientonkunapis. Tata Diosqa ayllunpa contranpi pleitoman yaykun, Israel ayllunwan pleitopi kanqa.

San Juan 12:48

Pichus noqata pisipaj qhawawaspa parlasqayta mana kasojtaqa juchachajmin tiyan. Cheqa kajta parlasqaymin kay pachaj tukukuynin p'unchaypi payta juchachanqa.

Hechos 8:22

Chay millay yuyasqaykimanta Tukuyta Kamachej Diosman kutirikuy, paymantataj mañakuy. Ichapis sonqoykipi millay yuyasqaykita Dios pampachanman.

Deuteronomio 30:19

Jinaqa janajta, kay pachatawan ima testigota jina churani, kawsayta, chayrí wañuyta, chantá saminchasqa kanata, chayrí maldicisqa kanatachus ajllakunaykichejpaj nisusqaymanta. Noqarí niykichejman, astawan walej kanman qan, jinataj wawaykikuna ima kawsayta ajllakunaykichej.

Deuteronomio 32:1

Janaj pacha, parlasqayta uyariy. Jallp'apis, simiypa parlasqanta uyarillaytaj.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 15:26

Samueltajrí Saulman kuticherqa: Mana qanwanqa risajchu. Tata Diospa kamachisqanta qhesachasqaykirayku kunanqa pay qhesachasunkiña, amaña Israelpa kuraj kamachejnin kanaykipaj, nispa.