Jeremías 6:17 - DIOSPA QHELQACHISQ

¹⁷ Tata Diosqa llajtata qhawajkunata churaspa, ayllunman nerqa: Trompetaj waqasqanta allinta uyariychej, nispa. Israel ayllutajrí kuticherqa: Mana kasuta ruwayta munaykuchu, nispa.

Qheshwa Biblia DC

¹⁷ Señor churaykorqa qhawajkuna soldadosta, ayllunmantaj nerqa: Pututoj waqasqanta allinta uyariychej. Israel ayllutaj niwarqa: Mana kasuta ruwayta munaykuchu, nispa.

DIOSPA QHELQACHISQAN DEUTEROCANONICAL

¹⁷ Tata Diosqa llajtata qhawajkunata churaspa, ayllunman nerqa: Trompetaj waqasqanta allinta uyariychej, nispa. Israel ayllutajrí kuticherqa: Mana kasuta ruwayta munaykuchu, nispa.

Jeremías 6:17 ပူးပေါင်းရင်းမြစ်များ

Isaías 21:11

Edompa contranta kay jinata willay: Pichá Seirmantapacha qhaparimushawan: Qhawaj runa, kunan ch'isi ima phaniñatajri? Qhawaj runa, unayrajchus sut'iyamunanpaj? nispa.

Isaías 56:10

Aylluyta qhawajkunaqa ñawsa kanku, manataj imatapis yachankuchu. Paykunaqa ayñayta mana atej alqokuna jina kanku. Winkuspa puñuywan mana sajsakuy atejkuna kanku, puñuspataj misk'irichikunku.

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Isaías 62:6

Jerusalén, perqayki pataman qhawajkunata churani, paykunataj mana sayk'uspa, tuta p'unchay ninkupuni: Tata Diospa sutinta oqharejkuna, ama ch'inlla kakuychejchu.

Jeremías 18:12

Chaywanpis paykuna nisonqanku: Ama tiempoykita usuchiychu. Noqaykoqa munasqaykuman jinalla kawsakusqayku, k'ullukuspataj, sonqoykoj millay yuyasqanman jina ruwasqayku, nispa.

Jeremías 25:4

Jinallataj Tata Diosqa kutin kutinta waj sut'inchajkunata kachamusorqachej, qankunatajrí mana kasuta ruwarqankichejchu, nitaj uyariyllatapis munarqankichejchu, nillataj chay nisqankuta kasorqankichejchu.

Jeremías 6:18

Chayraykumin Tata Dios nillantaj: Suyukuna, uyariychej, yachaychejtaj imatachus kay aylluywan ruwanayta.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Ezequiel 3:7

Chaywanpis Israel aylloqa mana uyarisuyta munanqankuchu, imaraykuchus noqata mana kasuwayta munankuchu. Israel aylloqa tukuyninku mana kasukoj rumi sonqoyojkuna kanku.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Habacuc 2:1

Allinta qhawasaj, imaynatachus qhawaj soldado qhawan, jinata. Chantá suyasaj rikunaypaj Tata Dios imatachus ninawanta, quejakusqayman jina kutichiwaspa.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Zacarías 7:11

Ñawpa tataykichejkunatajrí mana kasuta ruwawarqankuchu. Tukuyninku wasanchawarqanku, mana uyarejtaj tukorqanku.

Hebreos 13:17

Iglesiapi michejniykichejkunata kasuychej, jinataj imatachus yachachisqankuta ruwaychej. Paykuna mana samarispa qankunata qhawashasunkichej, chaymanta Diosman cuentata qonankuta yachaspa. Chantá qankuna paykunata kasojtiykichej, imatachus ruwanankuta kusisqa ruwanqanku, mana thutuspachu, nitaj rimaspachu, imajtinchus chayqa qankunapaj mana allinchu kanman.