Jeremías 6:16 - DIOSPA QHELQACHISQ

¹⁶ Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Qheshwa Biblia DC

¹⁶ Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

DIOSPA QHELQACHISQAN DEUTEROCANONICAL

¹⁶ Tata Dios ayllunman nillantaj: Ñankunapi sayaykuspa, qhawaychej. Chantá ñawpa ñankunamanta tapurikuychej, mayqenchus aswan allin ñan kasqanta. Chantá chay ñanta puriychej, sonqo samariytataj tarinkichej, nispa. Paykunatajrí nerqanku: Manapuni chayninta puriykumanchu, nispa.

Jeremías 6:16 ပူးပေါင်းရင်းမြစ်များ

1 Reyes 8:36

janaj pachamanta uyarimuspa, kamachiykikunaj juchankuta pampachay. Chantá paykunata yachachiy allinta purinankuta. Paratapis parachimuy, aylluykiman chayaqenkupaj qorqanki, chay jallp'aman.

2 Crónicas 19:11

Josafat nillarqataj: Kuraj sacerdote Amariasqa Tata Diospa ruwananpi kuraj kanqa. Judá jatun aylloj kurajnintaj Ismaelpa churin Zebadías kuraj kamachejpa ruwanan allin rinanmanta qhawananpaj churasqa kanqa. Levitakunataj qankunata yanapasunaykichejpaj kanqanku. Kallpachakuychej ari, ruwajtaj churakuychej. Tata Diostaj allin kaj ruwajkunawan kachun.

Salmos 116:7

Kunanqa watej sonqoy samarikonqa, imaraykuchus Tata Dios noqawan k'acha karqa.

Isaías 2:5

Jakuchej, Jacobpa ayllun, Tata Diospa k'anchayninpi purinachej.

Isaías 28:12

Paykunaman Dios nisqaña: Kaypi samarikuy tiyan, sayk'usqa kajkunaqa samarikuchunku, nispa. Paykunatajrí mana kasorqankuchu.

Isaías 30:21

Chantaqa lloq'eman chayrí pañaman rejtiykichejpis, kayta nishajta uyarinkichej: Kaymin cheqan ñanqa. Mana pantaykuspa chayninta riychej, nispa nejta.

Isaías 46:9

Yuyarikuychej ari ñawpamantapacha imachus kasqanta. Noqalla Dios kani. Noqamanta jawaqa mana waj dios kanchu, nillataj ujllapis noqaman rijch'akojqa kanchu.

Isaías 57:2

Paykuna wañuspa, allinpi kayman ripunku. Diospa ñawpaqenpi cheqanta purejkunaqa wañuspa, samarikuyta tarinku, nispa.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

Jeremías 18:12

Chaywanpis paykuna nisonqanku: Ama tiempoykita usuchiychu. Noqaykoqa munasqaykuman jinalla kawsakusqayku, k'ullukuspataj, sonqoykoj millay yuyasqanman jina ruwasqayku, nispa.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 2:25

Israel, nanachikunaykikamaqa ama q'ara chaki puriychu chay lantikunaj qhepanta, nitaj yaku ch'akiymanta ñak'ariychu. Chaywanpis qan nerqanki: Mana chayta saqeyta atinichu, imaraykuchus waj dioskunata munakuni, paykunatataj qhatisajpuni, nispa.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 31:21

Munasqa Israel ayllúy, risqayki ñanta señalakuy. Allinta qhawarikuy purisqayki ñankunata watej tarikapunaykipaj. Kutimpuy munasqay sipas Israel, llajtaykikunaman kutimpuy.

Jeremías 42:3

Diosniyki Tata Diosmanta mañapuwayku, maymanchus rinaykuta rikuchinawaykupaj, imatatajchus ruwanaykuta ninawaykupaj, nispa.

Jeremías 44:16

Tata Diospa sutinpi niwasqaykuta mana kasusqaykuchu.

Jeremías 50:5

Sión orqoman rina ñanmanta tapukonqanku, chaymantataj nenqanku: Jakuchej, Tata Dioswan wiñay mana jayk'aj qonqana tratota ruwasunchej, nispa.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Jeremías 7:24

Chaywanpis paykuna mana kasuwarqankuchu, nitaj uyariwarqankuchu. Manachayqa rumi sonqo kayninkuwan apachikorqanku, jinallataj sonqonkoj millay ruwayta munasqanwan ima. Noqaman kutirikamunawankutaqa wasanchawarqanku.

Jeremías 7:3

Israelpa Diosnin Tukuy Atiyniyoj Tata Dios kayta nisunkichej: Allinta purispa, cheqanta ruwaychej, noqataj kay suyupi tiyakunaykichejta saqellasqaykichejpuni.

Malaquías 4:4

4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

San Lucas 16:29

Abrahamtajrí kuticherqa: Chaypaj tiyan Moisespa qhelqasqan, chantá Diosmanta sut'inchajkunaj qhelqasqankupis. Chaytamin kasuchunku, nispa.

San Juan 12:35

Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

San Juan 13:17

Sichus chayta entiendespa ruwankichej chayqa, kusisqamin kankichej.

San Juan 5:39

Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Hechos 17:11

Bereapi tiyakojkunatajrí aswan k'acha karqanku Tesalonicapi tiyakojkunamanta nisqaqa, imaraykuchus Diospa Simi Nisqanta tukuy sonqo jap'ikorqanku. Chayrayku sapa p'unchay Diospa Qhelqachisqanta allinta qhawaspa, Pabloj yachachisqan cheqachus manachus kasqanta waturerqanku.

Romanos 4:12

Jinallataj payqa circuncidasqakunajtapis tatallankutaj, mana circuncidasqa kasqankuraykuchu. Manachayqa tatanchej Abraham jina Diospi atinikusqankurayku paykunapis cheqanpaj qhawasqa kanku, imaynatachus pay Diospi atinikorqa manaraj circuncidasqa kashaspa, ajina.

Deuteronomio 32:7

Ñawpa watakunamanta yuyarikuychej, unaypi tiyakojkunamantataj unanchaychej. Tataykichejta, kurajniykichejkunatapis tapukuychej, paykunataj willasonqachej.

Colosenses 2:6

Qankunaqa Jesucristota Kamachejniykichejta jina jap'ikorqankichej. Chayrayku paypa munasqanman jina kawsanaykichej tiyan.

Hebreos 11:2

Ñawpa tatanchejkunapis Diospi tukuy sonqo atinikusqankurayku paypa ñawpaqenpi allinpaj qhawasqa karqanku.

Hebreos 6:12

Qhella kanaykichejtapis manallataj munaykuchu. Manachayqa munayku, pikunachus Diospi tukuy sonqo atinikuspa, chantá pacienciawan Diospa nisqanman jina chayaqeta jap'iyta suyanku, ajinallatataj qankunapis ruwanaykichejta.

Jueces 2:17

Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.