Jeremías 6:12 - DIOSPA QHELQACHISQ

¹² Wasinku, llank'ananku jallp'a, chantá warminkupis wajkunaj makinkuman chayanqanku, imaraykuchus noqa makiyta oqharisaj kay jallp'api tiyakojkunata jasut'inaypaj. Noqa Tata Diosmin chayta nini.

Qheshwa Biblia DC

¹² Wasisninku, llank'anasninku, chanta warmisninkupis, wajkunaj makinkuman chayanqanku. Noqaqa makiyta oqaharisaj kay jallp'api tiyakojkunata jasut'inaypaj. Noqa Señormin chayta nini.

DIOSPA QHELQACHISQAN DEUTEROCANONICAL

¹² Wasinku, llank'ananku jallp'a, chantá warminkupis wajkunaj makinkuman chayanqanku, imaraykuchus noqa makiyta oqharisaj kay jallp'api tiyakojkunata jasut'inaypaj. Noqa Tata Diosmin chayta nini.

Jeremías 6:12 ပူးပေါင်းရင်းမြစ်များ

1 Crónicas 21:16

David qhawaspa, Tata Diospa angelninta rikorqa janajwan kay pachawan tinkuypi sayashajta, espadanta jap'ispa Jerusalén llajtanejta qhawarisqa. Chantá Davidwan tukuy kurajkunawan ima qhashqa p'achata churakuspa, pampakama k'umuykorqanku.

Isaías 10:4

Manachus presochasqakunawan k'umuykuchisqa kankichej chayqa, maqanakupi wañuchisqapuni kankichej. Chay tukuywanpis Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Isaías 9:12

12 (11) Siriokunaqa inti llojsimuynejmanta jamunku, inti yaykuynejmantataj filisteokuna jamunku. Chaykunataj Israelta ujllata simi junt'ata oqoykuspa chinkarqarichenqanku. Chaywanpis Tata Diospa phiñakuynenqa manarajpuni thasnukunchu, jasut'inanpaj wakichisqallapuni kashan.

Isaías 9:17

17 (16) Chayrayku Tata Dios waynakunamanta mana kusikunchu, manataj khuyanchu wajcha wawakunamanta, nitaj warmisapakunamantapis. Tukuyninku millayta ruwajkuna, juchasapataj kanku, jinallataj tukuyninku millay imakunallata parlanku. Chay tukuywanpis, Tata Diospa k'araj phiñakuynenqa manarajpuni thasnukunchu. Payqa jasut'inanpaj makin oqharisqallarajpuni kashan.

Isaías 9:21

Manasés jatun aylloqa Efraín jatun aylluwan maqanakonqanku, iskayninkutaj Judá jatun aylloj contrantañataj sayarenqanku. Chaywanpis Tata Diospa k'araj phiñakuynenqa manarajpuni thasnukunchu, makintaj oqharisqallapuni kashan paykunata jasut'inanpaj.

Jeremías 15:6

Qan saqerpariwarqanki, wasanchawarqankitaj. Noqa Tata Dios chayta nini. Chayrayku noqa makiyta oqharisaj jasut'isunaypaj, tukuchisunaypajtaj, imaraykuchus sapa kuti qanta khuyakuspa sayk'uniña.

Jeremías 21:5

Noqa kikiy qankunaj contraykichejpi tukuy atiyniywan maqanakoj sayaykusaj, kallpaywan, may sinch'i k'araj phiñakuyniywan ima.

Jeremías 38:22

Caldeamanta soldadokunaqa Judá suyuta kuraj kamachejpa wasinpi tukuy qhepakoj warmikunata orqhospa, Babiloniaj soldadonkunaj kurajninkunaman jaywaykonqanku. Chay warmikunataj kay jinata qanmanta nenqanku: Qanpa kawsaqeykikunallataj wasanchasorqanku, atipaykusorqankutaj. Chakiyki t'uruman chinkaykushajtinpis, paykuna saqerparisorqanku, nispa.

Jeremías 38:23

Chantá Jeremías kuraj kamachejta nillarqataj: Tukuynin warmiykikuna, wawaykikunapis caldeokunaman jaywaykusqa kanqanku. Qanpis mana paykunamanta llusp'iyta atinkichu. Manachayqa chay soldadokuna Babiloniata kuraj kamachejman jaywaykusonqanku, chaymantataj kay llajtata ninawan kanaykonqanku, nispa.

Jeremías 7:20

Chayrayku Tukuyta Kamachej Tata Dios kayta nin: Tukuy phiñakuyniyta kay suyoj contranpi jich'aykamusaj, jinallataj chaypi tiyakojkunaj contranpi, uywankukunaj contranpi, sach'akunaj contranpi, chantá chajra poqoykunaj contranpi ima. Chay phiñakuyniytaj nina jina mana thasnuy atina kanqa, nispa.

Jeremías 8:10

Chayrayku warminkutapis waj qharikunaman jaywaykusaj, jallp'ankutapis wajkunaman qopusaj. Chayta ruwasaj, imaraykuchus tukuyninku, jatunmanta juch'uykama mana allinta ruwaspa qolqe jap'inallamanta wañurinku. Sacerdotekuna, jinataj Diosmanta sut'inchajkuna ima, tukuyninku q'otiyajkuna kanku.

Lamentaciones 2:8

Tata Dios nerqa: Sión llajtaj perqankuna urmachisqa kanqanku, nispa. Ajinata wakicherqa, mana iskayrayaspataj, chay perqakunata thuñirparerqa. Jawa perqantinta, ukhu kaj perqantinta ujllapi pampaman urmacherqa.

Lamentaciones 3:3

Jinallataj tuta p'unchay noqata kutin kutinta makinwan jasut'iwarqa.

Lamentaciones 5:11

Sión llajtapi awqakunaqa warmiykuta alqochaspa, honrankuta t'akarqanku. Judá jap'iypitaj sipasniykoj honrankutapis t'akallarqankutaj.

Lamentaciones 5:2

Tukuy jallp'aykuta waj llajtayojkuna jap'ikapunku. Wasiykupis waj runakunaj makinkuman chayan.

Lamentaciones 5:3

Mana tatayoj wajcha wawakuna jina rikhuriyku, mamaykukunapis warmisapa jina qhepakunku.

Ezequiel 35:3

Noqaj sutiypi kay jinata niy: Tukuyta Kamachej Tata Dios nin: Seir orqo, noqa contraykipi kashani. Jasut'isqayki, chantá ch'inpachata, thuñisqatataj saqerparisqayki.

Ezequiel 7:24

Chantá noqa waj suyukunamanta mana khuyakuyniyoj runakunata pusamusaj, paykuna israelitakunaj wasinkukunata jap'ikapunankupaj. Atiyniyoj israelitakunaj jatunchakuyninkuta chinkachisaj, yupaychananku cheqakunatapis p'enqayman tukuchisaj.

Miqueas 2:4

Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Sofonías 1:13

Chayrayku tiyapuyninkutaqa suwakuna qhechonqanku, wasinkutaj laqayaman tukuchisqa kanqa. Wasitapis ruwakonqanku, manataj chaypi tiyakonqankuchu. Uvatapis mallkenqanku, poqoyninmantataj mana vinota ujyanqankuchu, nispa. Ajinata Tata Dios nin.

Sofonías 1:4

Judá suyupi tiyakojkunaj contrankupi makiyta oqharisaj, Jerusalén llajtapi tukuy tiyakojkunaj contrankupi ima. Chaymanta Baal diosta yupaychanata chinkachisaj. Sacerdotenkunaj sutinkutapis chinkachillasajtaj.