Jeremías 52:9 - DIOSPA QHELQACHISQ

⁹ Chantá caldeokunaqa kuraj kamachejta jap'ispa, Babiloniata kuraj kamachejpa ñawpaqenman aparqanku. Chaypacha Nabucodonosorqa Jamat suyupi Ribla llajtapi kasharqa. Chaypi Nabucodonosor kuraj kamachej Sedequiaswan imatachus ruwanankuta kamacherqa.

Qheshwa Biblia DC

⁹ Caldeostaj reyta jap'iytawankama, aparqanku Babiloniaj reypa ñaupaqenman, pichus Ribla llajtapi kasharqa, Hamat jallp'api. Chaypimá Nabucodonosorqa rey Sedequías wañunanta kamacherqa.

DIOSPA QHELQACHISQAN DEUTEROCANONICAL

⁹ Chantá caldeokunaqa kuraj kamachejta jap'ispa, Babiloniata kuraj kamachejpa ñawpaqenman aparqanku. Chaypacha Nabucodonosorqa Jamat suyupi Ribla llajtapi kasharqa. Chaypi Nabucodonosor kuraj kamachej Sedequiaswan imatachus ruwanankuta kamacherqa.

Jeremías 52:9 ပူးပေါင်းရင်းမြစ်များ

1 Reyes 8:65

Chaypacha Salomonqa tukuynin israelitakunawan khuska jatun raymita ruwarqanku. Ashkhapuni tantakamorqanku, Jamat chaymantapacha Egipto mayu chaynejkama. Chay raymita Tata Diospa ñawpaqenpi qanchis p'unchayta ruwarqanku, chantá uj qanchis p'unchaytawanraj ruwallarqankutaj. Tukuyninpi chunka tawayoj p'unchayta ruwarqanku.

2 Reyes 23:33

Chantá faraón Necao Jamat jap'iypi, Ribla llajtapi Joacazta presocharqa, amaña Jerusalenpi kamachinanpaj. Faraón Necao kamachillarqataj Judá suyumanta kajkuna impuestota payman paganankuta, 3.300 kilo qolqe metalta, kinsa chunka kinsayoj kilo qorita ima.

2 Reyes 25:6

Chantá Caldeamanta soldadokunaqa Sedequiasta jap'ispa, Babilonia suyuta kuraj kamachejman aparqanku. Payqa Jamat jap'iypi, Ribla llajtapi kasharqa. Chaypi Babilonia suyuta kuraj kamachejqa Sedequiasta paypa contranpi oqharikusqanmanta juchacharqa.

2 Crónicas 33:11

Chayraykumá Tata Diosqa Asiria suyuta kuraj kamachejpa soldadonkunaj kamachejninkunata paykunaj contrankupi kachamorqa, chaykunataj Manasesta jap'ispa, presocharqanku. Chantá fierro ganchokunawan, broncemanta ruwasqa cadenakunawan payta wataykuspa, Babiloniaman apacherqanku.

2 Crónicas 8:3

Chantá Salomonqa Sobamanta Jamat llajtaman rispa, maqanakuspa chay llajtata jap'erqa.

Jeremías 21:7

Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 39:5

Caldeokunaj soldadonkutajrí Sedequiasta qhatiykuspa, Jericó pampanejpi tariparqanku. Payta jap'ispataj, paykuna kuraj kamachej Nabucodonosorpa ñawpaqenman aparqanku. Nabucodonosorqa Jamat nisqa suyupi kaj Ribla llajtapi kasharqa. Chantá Nabucodonosorqa imachus Sedequiaswan ruwasqa kananta kamacherqa:

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.

Ezequiel 11:10

Espadawan wañuchisqa kankichej. Israelpa mojonnin kantunpi juchachasqaykichej, chaypachataj noqa Tata Dios kasqayta yachankichej.

Ezequiel 23:24

Contraykipi may chhika soldadokuna carretapi jamonqanku, chantá tukuynejmanta muyuykusonqanku. Paykunataj sumaj armasqa, fierro monterayoj, jark'akuna escudoyojtaj kanqanku. Chantá noqa paykunaman atiyta qosaj qanta jasut'inasunkupaj, paykunataj kamachisqankuman jina juchachasonqanku.

Números 13:21

Jinataj chunka iskayniyoj qhawaj rejkunaqa jallp'ata qhawarqanku, Zin nisqa ch'innejmanta qallarispa, Jamat llajtaman yaykunamanta Rejob llajtakama.

Números 34:11

Sefanmantataj mojonqa Riblakama renqa, Ayinmanta inti llojsimuynejman. Chaymantataj Cineret qochaj inti llojsimuyninnejta urayk'onqa.

Josué 13:5

Guiblitakunaj jap'iyninkuta jap'ina kashallantaj tukuy Líbano inti llojsimuynejkama, Baal Gadmanta Hermón Orqomanta uraynejman, Jamatman yaykunakama.