Jeremías 52:7 - DIOSPA QHELQACHISQ

⁷ Chantá llajtaj perqanta jusk'uspa, chay ch'isi tukuy soldadokuna, kuraj kamachej ima Jerusalén llajtamanta ayqerqanku, caldeokunawan Jerusalén llajta muyuykusqa kashajtinpis. Maypichus iskay perqa tinkuy chawpipi uj punku karqa, chayninta llojserqanku. Kuraj kamachejpa huertanman rina ñannejta rispataj, chaymanta Jordán valleman rej ñanta jap'irerqanku.

Qheshwa Biblia DC

⁷ Chaypacha llajtaj perqasninta jusk'urparerqanku, chaypi caldeos jark'asharqanku. Chay ch'isi tukuy soldadosnintin reyqa chay llajtamanta ayqerqanku. Maypichus iskay perqas chaupipi uj punku kasharqa chayninta llojserqanku, reypa huertanman rina ñanninnejta rispa, chaymanta jap'irerqanku Jordán valleman pusaj ñanta.

DIOSPA QHELQACHISQAN DEUTEROCANONICAL

⁷ Chantá llajtaj perqanta jusk'uspa, chay ch'isi tukuy soldadokuna, kuraj kamachej ima Jerusalén llajtamanta ayqerqanku, caldeokunawan Jerusalén llajta muyuykusqa kashajtinpis. Maypichus iskay perqa tinkuy chawpipi uj punku karqa, chayninta llojserqanku. Kuraj kamachejpa huertanman rina ñannejta rispataj, chaymanta Jordán valleman rej ñanta jap'irerqanku.

Jeremías 52:7 ပူးပေါင်းရင်းမြစ်များ

2 Reyes 25:4

Chantá Caldeamanta soldadokuna llajtaj muyuyninpi perqata q'asarparerqanku. Babiloniamanta soldadokuna muyuykushajtinkupis, tukuy soldadokuna kuraj kamachejwan khuska, iskaynin perqaj chawpinpi punkunejta, kuraj kamachejpa huertan, chay ñannejta tutan ayqerqanku. Kuraj kamachej Sedequiasqa Arabaman rej ñanninta ayqerqa.

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 39:2

Chantá chunka ujniyoj watataña kuraj kamachej Sedequías Judá suyuta kamachishajtin, chay watapi tawa kaj killanpi jisq'on kaj p'unchayninpi, Babiloniamanta soldadokuna perqata jusk'uspa, Jerusalén llajtaman yaykuykorqanku.

Jeremías 49:26

Chay p'unchaypi waynakunaqa callenkunapi mast'alla wijch'urayanqanku, tukuy soldadonkunataj ch'ajwa tinkuypi wañuchisqa kanqanku. Noqa Tukuy Atiyniyoj Tata Dios chayta nini.

Jeremías 51:32

Kuraj kamachejman willanku awqakuna mayu chimpanata jap'isqankuta, mayu kantupi t'uturakunatapis ruphaykuchisqankuta, chayraykutaj soldadokuna ancha mancharisqa kashasqankuta.

Jeremías 6:5

Jinapis jatarispa, tutanñataj yaykuykunachej, sinch'i jark'achasqa wasinkutataj thuñiykunachej, nispa.

Ezequiel 12:12

Kuraj kamachejniykichej Sedequías, imatachus apakunan kajta q'epiriykukonqa, laqhayaykojtintaj, perqata jusk'uspa chaynejta llojsenqa. Uyanta qhataykukuspa llojsenqa, llajtata ama rikunanpaj nitaj pipis payta rejsinanpaj.

Ezequiel 12:4

Chawpi p'unchayta tukuy rikushasojtinku, waj suyuman apasqa runapis kawaj jina tukuy imaykita orqhoy. Tardenpitaj tukuypa rikunanta waj suyuman apasqa runa jina llojsiy.

Ezequiel 33:21

Babiloniaman apasqa kasqaykumanta chunka iskayniyoj wata kashajtin, chunka kaj killapi phishqa kaj p'unchaypi, uj runa Jerusalenmanta ayqespa, chayamorqa. Chantá awqankuna Jerusalenta jap'isqankuta willawarqa.

Levítico 26:17

Noqapis qankunaj contraykichejpi sayaykusaj, awqaykichejtaj atipasonqachej. Qankunata chejnisojkuna chakinku uraman churasonqachej, qankunataj mana pej qhatiykachasqallan ayqekunkichej.

Levítico 26:36

Pikunachus awqaykichejpa llajtanpi kawsashajraj qhepakojkunata sinch'ita manchachisaj. Chayrayku sach'a laqheta urmajta uyarispalla ayqenqanku. Qankunaqa pipis wañuchinapaj espadawan qhatiykachashanman jina ayqenkichej. Mana pipis qhatiykachashajtillan urmankichej.

Amós 4:3

Llajtaj perqan q'asanta sinrulla ujmanta uj llojsinkichej, jinataj Hermón orqoman wijch'usqa kankichej. Noqa Tata Diosmin chayta nini.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.

Deuteronomio 32:30

Imaynamantataj uj runalla waranqa runakunata qhatiykuyta atinmanri? Imaynatataj iskay runalla chunka waranqa runakunata ayqechiyta atinkumanri? Ajina kanqa paykunata jark'akoj Tata Diosninku awqankuman jaywaykunanta nisqanrayku.