Jeremías 52:4 - DIOSPA QHELQACHISQ

⁴ Chayrayku Sedequías jisq'on watataña kamachishajtin, chunka kaj killaj chunka kaj p'unchayninpi kuraj kamachej Nabucodonosor, tukuy soldadonkuna ima Jerusalenta atipaspa jap'inankupaj jamorqanku. Paykunataj Jerusalén llajtaj ñawpaqenpi jaraykukuspa, muyuyninpi jallp'a moqota sayaricherqanku llajtaman yaykunankupaj.

Qheshwa Biblia DC

⁴ Maypachachus Sedequías isq'on watastaña chunka kaj killapi kamachishajtin, chunka p'unchaynimpi rey Nabucodonosorqa tukuy soldadosnintin Jerusalenta jap'inampaj purirerqa, muyuykorqataj. Jerusalempa ñaupaqempi jaraykukorqa, chay muyuykunasnimpitaj jallp'a moqosta llajtaman yaykunankupaj sayaricherqanku.

DIOSPA QHELQACHISQAN DEUTEROCANONICAL

⁴ Chayrayku Sedequías jisq'on watataña kamachishajtin, chunka kaj killaj chunka kaj p'unchayninpi kuraj kamachej Nabucodonosor, tukuy soldadonkuna ima Jerusalenta atipaspa jap'inankupaj jamorqanku. Paykunataj Jerusalén llajtaj ñawpaqenpi jaraykukuspa, muyuyninpi jallp'a moqota sayaricherqanku llajtaman yaykunankupaj.

Jeremías 52:4 ပူးပေါင်းရင်းမြစ်များ

Isaías 29:3

Qanpa contraykita soldadoykunawan muyuykuchisqayki. Perqata wasaykunankupaj torrekunata muyuyninpi sayaykuchisaj, contraykipitaj sumaj phatu perqaykita wasarinankupaj jallp'a moqota ruwachisaj.

Jeremías 21:2

Tata Diosta tapuripuwayku, imaraykuchus Babiloniamanta kuraj kamachej Nabucodonosor contraykuta maqanakoj jamushan. Ichapis Tata Dios uj t'ukuna imata ruwayta munanman, Nabucodonosorta karunchachinanpaj, nispa.

Jeremías 32:24

Kunan Caldeamanta runakuna jallp'amanta moqota ruwankuña kay llajtaman phawaykamunankupaj. Jinataj maqanaku, yarqhay, onqoy ima kay llajtata jap'enqanku. Tata Dios, nisqayki imaynatachus junt'akushasqanta rikushanki.

Jeremías 34:1

Babiloniaj kuraj kamachejnin Nabucodonosor tukuy soldadonwan, jinataj paypa kamachiyninpi kaj suyukunamanta tukuy soldadokuna ima Jerusalenpa contranta maqanakusharqanku, chantá chay muyuyninpi llajtakunaj contranta ima. Chaypacha Tata Dios Jeremiasta nerqa:

Jeremías 39:1

Judá suyuta kuraj kamachej Sedequías jisq'on wata chunka killataña kamachishajtin, Babiloniata kuraj kamachej Nabucodonosor tukuy soldadonkunawan Jerusalenpa contranta jamuspa, llajtata muyuykorqa.

Jeremías 4:17

Imaynatachus chajrata qhawajkuna muyuykunku, ajinata Judá suyuta muyuykonqanku, contraypi oqharikusqanrayku. Noqa Tata Diosmin chayta nini.

Jeremías 52:7

Chantá llajtaj perqanta jusk'uspa, chay ch'isi tukuy soldadokuna, kuraj kamachej ima Jerusalén llajtamanta ayqerqanku, caldeokunawan Jerusalén llajta muyuykusqa kashajtinpis. Maypichus iskay perqa tinkuy chawpipi uj punku karqa, chayninta llojserqanku. Kuraj kamachejpa huertanman rina ñannejta rispataj, chaymanta Jordán valleman rej ñanta jap'irerqanku.

Ezequiel 21:22

22 (27) Suerte qhawasqantaj paña ladoman llojsin, Jerusalén cheqata señalaspa. Chay señaltaj kayta niyta munan: Kuraj kamachejqa soldadonkunata kamachinan tiyan maqanakuman yaykunankuta, chantá runakunata wañurachiyta qallarinankuta. Paykunataj llajta punkuta thuñina armakunata wakichenqanku, oqharillanqankutaj jallp'a moqokunata, chantá perqata wasaykuna torrekunata ima.

Ezequiel 21:27

27 (32) Noqaqa tukuyta thuñisaj, allin thuñisqatapuni saqesaj, ujtawantaj ni pi sayarichenqachu. Babiloniata kuraj kamachej chayamojtin, ajina kanqa. Paymin nisqayta ruwanqa.

Ezequiel 26:8

Paykunataj mama qochaj kantunpi tiyakojkunataraj espadawan wañuchenqanku. Chaymantataj jallp'amanta moqota, escalerakunatawan ruwaspa, contraykipi kachaykamusonqanku.

Ezequiel 33:21

Babiloniaman apasqa kasqaykumanta chunka iskayniyoj wata kashajtin, chunka kaj killapi phishqa kaj p'unchaypi, uj runa Jerusalenmanta ayqespa, chayamorqa. Chantá awqankuna Jerusalenta jap'isqankuta willawarqa.

Ezequiel 40:1

Babiloniaman apasqa kasqaykumanta iskay chunka phishqayoj wataña kashajtin, wata qallariy killata chunka p'unchayninpi, Tata Dios makinwan llankhaykuwarqa. Chantá Jerusalenman pusawarqa. Chayqa Jerusalenta jap'isqankumanta chunka tawayoj wataña karqa.

Levítico 26:25

Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

Zacarías 8:19

Judajpa miraynin tawa kaj killapi, phishqa kajpi, qanchis kajpi, jinataj chunka kaj killapi ayunasqankoqa paykunapaj kusiyman tukonqa, uj raymi jinataj kanqa. Chayrayku munakuychej ari cheqan kajta, allinpi kawsakuytapis, nispa.

San Lucas 19:43

Jamoj p'unchaykunapirí awqaykikunaqa jallp'a moqokunata contraykipi oqharenqanku. Atipasunankupaj muyuykusonqanku, tukuynejmantataj ñit'iykamusonqanku.

San Lucas 21:20

Jerusalén llajtata soldadokunawan muyurisqata rikuspaqa, qankuna yachaychej manaraj imapi thuñisqapuni kananta.