Jeremías 52:27 - DIOSPA QHELQACHISQ

²⁷ Ribla llajtapitaj Babiloniata kuraj kamachejqa paykunata wañurachinankuta kamacherqa. Ajinatamin Judá suyupi tiyakojkuna waj suyuman apasqa karqanku.

Qheshwa Biblia DC

²⁷ Chaypitaj Babiloniamanta reyqa wañurachinankuta kamacherqa. Ajinatamin Judá aylloqa jallp'anmanta wijch'usqa karqa.

DIOSPA QHELQACHISQAN DEUTEROCANONICAL

²⁷ Ribla llajtapitaj Babiloniata kuraj kamachejqa paykunata wañurachinankuta kamacherqa. Ajinatamin Judá suyupi tiyakojkuna waj suyuman apasqa karqanku.

Jeremías 52:27 ပူးပေါင်းရင်းမြစ်များ

2 Samuel 8:9

Jamat llajtaj kuraj kamachejnin Toy uyarerqa David kuraj kamachej Hadad Ezerpa soldadonkunata atipasqanta.

2 Reyes 17:20

Chayrayku Tata Diosqa israelitakunata qhesachaspa ñak'aricherqa, chantá awqankuwan atipaykuchispa, ñawpaqenmanta karuman wijch'orqa.

2 Reyes 17:23

Chantá Tata Diosqa paymanta sut'inchajkunanejta nisqanman jina, israelitakunata ñawpaqenmanta wijch'orqa. Israelitakunaqa Asiria suyuman preso jina apasqa karqanku. Chaypitaj kunankama kashanku.

2 Reyes 23:27

Chayrayku Tata Dios nerqa: Judá suyumanta kajkunata ñawpaqeymanta wijch'usajpuni, imaynatachus israelitakunata wijch'orqani, ajinata. Ajllakusqay Jerusalén llajtatapis qhesachasaj, jinallataj Temploytapis qhesachallasajtaj. Noqa chay Templomanta nerqani: Kay wasipi sutiy yupaychasqa kanqa, nispa.

Isaías 24:3

Jallp'aqa ch'usajpacha tukuy iman suwasqa kanqa. Chaytaqa Tata Diospuni nin.

Isaías 27:10

Cheqapuni sumaj jark'achasqa llajtaqa ch'inpacha laqayalla qhepakun, ch'usajpacha, mana imayoj, nitaj runayoj. Manachayqa uywata michinallapajña kanqa. Chaypi uywakuna sach'aj thansanta mikhonqanku, llanthunpitaj winkurispa samarikonqanku.

Isaías 43:28

Sacerdoteykikuna Temployta pisipaj qhawasqankurayku p'enqaypi rikhurichisaj. Jacobpa aylluntaqa chinkarparichisqa kananpaj churasaj, Israel ayllutataj p'enqayta qhesachasqa kananpaj churallasajtaj.

Jeremías 13:19

Neguevpi llajtakunaqa soldadokunawan muyuykusqaña kashanku, nitaj pipis punkunkuta yaykuyta atinchu. Chantá Judá suyupi tukuy tiyakojkuna waj suyukunaman apasqa kanku.

Jeremías 20:4

Jinataj Tata Dios nisunki: Qanta mancharikunaman tukuchisqayki, qan kikiykipaj, kawsaqeykikunapaj ima. Qhawashajtiyki, awqaykikunaqa kawsaqeykikunata espadawan wañuchenqanku. Judapi tukuy tiyakojkunatarí Babiloniamanta kuraj kamachejpa makinman jaywaykusaj, paytaj suyuykichejmanta Babiloniaman apasonqachej, chayrí espadawan wañuchisonqachej.

Jeremías 21:7

Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 39:10

Judá suyupi tiyakunankupaj saqerqa chay allin wajchakunata, ni imayoj kajkunata ima. Chay p'unchaypitaj paykunaman uva huertata, llank'ana jallp'ata ima qorqa.

Jeremías 39:9

Chay qhepatataj soldadokunata kamachej Nabuzaradán llajtapi qhepakojkunata jinallataj caldeokunaman chimpapojkunatapis Babiloniaman apacherqa.

Jeremías 52:9

Chantá caldeokunaqa kuraj kamachejta jap'ispa, Babiloniata kuraj kamachejpa ñawpaqenman aparqanku. Chaypacha Nabucodonosorqa Jamat suyupi Ribla llajtapi kasharqa. Chaypi Nabucodonosor kuraj kamachej Sedequiaswan imatachus ruwanankuta kamacherqa.

Ezequiel 33:28

Kay suyutataj ch'in pampaman, raqayman ima tukuchisaj. Imapichus atinikushanku, chaytapis chinkarparichisaj. Israelpa orqonkunapis ch'inpacha qhepakonqanku, manataj ima runapis chayninta purej kanqachu.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Deuteronomio 28:36

Tata Diosqa qanta, chantá kamachisunanpaj churakusqayki kuraj kamachejtawan ima, waj suyuman apachisonqachej. Chay suyutaqa ni qan, nitaj tataykikunapis rejserqankuchu. Chaypitaj k'ullumanta, chantá rumimanta ima ruwasqa waj dioskunata yupaychanki.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.

Deuteronomio 4:26

Chaytachus ruwawajchej chayqa, noqa janaj pacha, kay pacha uyarinanta niykichej: Qankunaqa Jordán mayu chimpapi jallp'ata jap'inkichej, chaymanta chinkachisqa kankichej. Chay jallp'api mana unaytachu tiyakunkichej, manachayqa ujkama chinkachisqa kankichej.