Jeremías 52:18 - DIOSPA QHELQACHISQ

¹⁸ Ajinallatataj mankakunata, lampakunata, mecha k'utunata, jatuchaj vasokunata, jatuchaj wisllakunata aparqanku. Jinallataj Diosta yupaychanapaj broncemanta kaj waj imakunatapis apallarqankutaj.

Qheshwa Biblia DC

¹⁸ Ajinallatataj aparqanku chay ushpha jap'inasta, palasta, mecha ushpha orqhonasta, jatuchaj vasosta, jatuchaj cucharasta, jinataj Diosta yupaychanapaj broncemanta kaj imastapis.

DIOSPA QHELQACHISQAN DEUTEROCANONICAL

¹⁸ Ajinallatataj mankakunata, lampakunata, mecha k'utunata, jatuchaj vasokunata, jatuchaj wisllakunata aparqanku. Jinallataj Diosta yupaychanapaj broncemanta kaj waj imakunatapis apallarqankutaj.

Jeremías 52:18 ပူးပေါင်းရင်းမြစ်များ

1 Reyes 7:40

Jinallataj Jiranqa mankakunata, lampakunata, yurukunatawan ruwarqa. Ajinata Salomonpa nisqanman jina, Tata Diospa Templonpaj tukuy imata ruwayta tukorqa:

1 Reyes 7:45

Ruwallarqataj mankakunata, lampakunata, yurukunatawan. Jiranqa kuraj kamachej Salomón kamachisqanrayku chay tukuy imata broncemanta Tata Diospa Templonpaj ruwarqa.

1 Reyes 7:50

Ajinallatataj ruwacherqa yurukunata, pábilo k'utunata, vasokunata, juch'uy wisllakunata, incienso q'oshñichinata ima. Chay tukuynin qorimanta ruwasqa karqanku. Diosllapaj T'aqasqa Cheqaj punkoj jap'ichinanpis qorillamantataj karqa, jinallataj Temploj punkunpa jap'ichinanpis.

1 Crónicas 28:17

Qollarqataj sumaj qorita trinchekunata, chuwakunata, jatuchaj qerukunata ruwanapaj. Qollarqataj qorita, qolqe metalta ima qerukunata ruwanapaj. Chaykunata ruwanapaj, sapa ujpaj mashkhachus kanan karqa, chayman jina qorqa.

2 Crónicas 4:11

Jiranqa ruwallarqataj mankakunata, lampakunata, jatuchaj vasokunata ima. Jinamanta Diospa Templonpaj Salomonpa kamachisqanman jina, ruwayta tukorqa.

2 Crónicas 4:16

Chantá ruwallarqataj mankakunata, lampakunata, trinchekunatawan ima. Chay yachaj Jiranqa Salomonpa nisqanman jina chay tukuy imata sumaj broncemanta ruwarqa Tata Diospa Templonpaj.

2 Crónicas 4:22

Pábilo k'utunata, jatuchaj vasokunata, mama wisllakunata, incienso q'oshñichinapis sumaj qorillamantataj karqanku. Chantá qorillamantataj karqanku Temploman yaykuna punku, Diosllapaj T'aqasqa nisqa cheqaman yaykuna punku, jinataj Temploman yaykuna punkupis.

2 Crónicas 4:8

Chay jawaqa chunka mesata ruwachillarqataj, chaykunatataj Diospa Templonman churarqa phishqata pañanman, phishqatataj lloq'enman. Chantá qorimanta pachaj jatuchaj vasokunata ruwachillarqataj.

Esdras 1:10

jinallataj qorimanta kinsa chunka vasokunata, qolqe metalmanta 410 vasokunata, 1.000 waj imakunatawan.

Éxodo 25:29

Jinallataj mesaman churanapaj ruwanki, wisllakunata, chuwakunata, yurukunata, vino ofrendata jap'inapaj copakunatapis, chay tukuyninta sumaj qorimanta ruwanki.

Éxodo 25:38

Jinallataj pábilo k'utunata, ushpha jap'ina chuwitatapis qorillamantataj ruwanki.

Éxodo 27:3

Altarpi imachus ruwanata ruwanapaj imakunataqa, tukuyninta broncemanta ruwanki: Ushpha oqharinata, palakunata, jatuchaj qerukunata, trinchekunata, nina k'ajata apaykachanatawan.

Éxodo 37:16

Imachus mesapi kananku karqa, chaykunatapis sumaj qorimanta ruwallarqataj: Chuwakunata, wisllakunata, yurukunata, qerukunata ima chaypi vino ofrendata ch'ajchunapaj.

Éxodo 37:23

Jinallataj sumaj qorimanta qanchis lamparakunata ruwarqa. Pábilo allinchanata, ushpha jap'inatapis qorillamantataj ruwarqa.

Éxodo 38:3

Jinallataj altarpi ruwanapaj imakunachus kanan karqa, chaykunatapis broncemanta ruwarqa: Ushpha oqharinata, palakunata, tazakunata, trinchekunata, nina k'ajata apaykachanata ima.

Números 4:14

Chay patanmantaj Diosman jaywanapaj imakunata churanqanku: Nina k'ajata oqharinata, trinchekunata, lampakunata, chuwakunata, chantá altarpata imanchá tiyan, chaykunatawan ima. Chaymantataj patanman tejón qaramanta ruwasqa qhatanatawan qhataykonqanku. Chantá oqharispa, wantunapaj k'aspita altarpa ninrinnejta pasachenqanku.

Números 4:7

Chaymantataj Diosman jaywasqa t'antata churanapaj chay mesata anqa bayetawan qhataykonqanku. Chaypa patanmantaj chuwakunata, wisllakunata, copakunata, vino ofrendata jaywanapaj yurukunata ima churanqanku. Jinallataj mesaman Diosman jaywasqa t'antata sapa p'unchay churallanqankutaj.

Números 7:26

Qorimanta ruwasqa uj jatun wisllatapis apamullarqataj, inciensowan junt'ata. Chaytaj 110 gramo pesarqa.

Números 7:32

Qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

Números 7:38

Chantá qorimanta ruwasqa uj jatun wisllata qollarqataj inciensowan junt'ata. Chaytaj 110 gramo pesarqa.

Números 7:44

Qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

Números 7:50

Qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.

Números 7:56

Jinallataj qorimanta ruwasqa uj jatun wisllatapis qollarqataj, inciensowan junt'ata. Chaytaj 110 gramo pesarqa.