Jeremías 51:8 - DIOSPA QHELQACHISQ

⁸ Jinallaman Babiloniañataj ujllata urmaspa, phirikorqa. Paymanta waqaychej. K'irisqankunapaj jampita apamuychej, ichapis qhaliyapunman.

Qheshwa Biblia DC

⁸ Jinapis, Babiloniaqa ujllata urmarqa phirikunankama. Paymanta waqaychej. Chay nanachikusqasnimpaj jampista apamuychej ichapis thañikonqaraj.

DIOSPA QHELQACHISQAN DEUTEROCANONICAL

⁸ Jinallaman Babiloniañataj ujllata urmaspa, phirikorqa. Paymanta waqaychej. K'irisqankunapaj jampita apamuychej, ichapis qhaliyapunman.

Jeremías 51:8 ပူးပေါင်းရင်းမြစ်များ

Isaías 21:9

Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 47:11

Chayrayku sinch'i llakiypuni qanta qhatirisonqa, manataj ima layqeriyokunawanpis jark'akuyta atinkichu. Jatun ñak'ariy chayamusonqapuni, manataj chaymanta llusp'iyta atinkichu. Mana yuyashajtillayki, chay tukuy ñak'ariykuna urmaykamusonqa.

Isaías 47:9

Chaywanpis kay iskaynin llakiykuna ujllata, uj p'unchayllapi qhatirisonqa: Ujllapi mana wawayoj, mana qosayojtaj rikhurinki. Chay jina yatiriyoj, layqayoj kashajtiykipis, chay llakiykunaqa kaymanta jinalla chayamusonqapuni.

Jeremías 46:11

Sipas jina Egipto suyu, jampita mask'aspa, Galaadman wichariychej. Chaywanpis qhasi manakajllata ashkha jampita ujyanki, manataj jampisonqachu.

Jeremías 48:20

Moabqa may p'enqaypi rikhurin phirisqa kasqanrayku. Paymanta waqaychej, qhapariychejtaj. Arnón mayupi Moabqa phirisqa kasqanta willamuychej.

Jeremías 48:31

Chayrayku Moab suyupi tukuy runarayku qhaparispa, paran paranta waqasaj, jinallataj Quir Jerespi runakunaraykupis waqallasajtaj.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 51:41

Babilonia tukuy kay pachapi manchay uyarisqa llajta kaspa, imaraykutaj chay jinata urmananri? Tukuy suyukuna payta urmajta rikuspa, may jinata mancharikonqanku.

Jeremías 8:22

Manachu ima jampipis Galaad llajtapi kanmanri? Manachu jaqaypi pipis jampiykurej kanmanri? Imaraykutaj kay aylluy mana qhaliyayta atinchuri? nispa.

Ezequiel 30:2

Runaj churin, noqamanta sut'inchaspa niy: Tukuyta Kamachej Tata Dios nin: Qhaparispa waqaychej: Ay, chay p'unchay imaynarajchus kanqapis, nispa.

Daniel (hebreo) 5:24

Chayrayku payqa qhelqananpaj chay makita rikhurichimorqa.

Daniel (hebreo) 5:31

31 (6.1)Ajinamantataj Media suyumanta kuraj kamachej Darío sutiyoj chay suyuta jap'erqa. Darío chaypacha sojta chunka iskayniyoj watayoj karqa.

Nahúm 3:19

K'irisqa kasqaykipaj mana jampi kanchu. Chay onqoyniykeqa mana jampiy atina. Llakiypi rikhurisqaykimanta tukuy uyarejkuna kusikuspa t'ajllarakunku. Millay ruwasqaykeqa pitataj mana ñak'aricherqachuri?

Apocalipsis 14:8

Chantá chay angelpa qhepanta waj angelñataj rikhurimuspa, nillarqataj: Babilonia jatun llajtaqa urmanña. Arí, urmanña, imaraykuchus chay llajtaqa tukuy suyumanta runata juchalliyta yachacherqa, chantá waj dioskunata kasuyta ima, nispa.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.