Jeremías 51:62 - DIOSPA QHELQACHISQ

⁶² Chantá ninki: Tata Dios, qan kay suyuta tukuchinaykita nerqanki, manaña pipis tiyakunanpaj jina, ni runakuna, nitaj animalkunapis, imaraykuchus wiñaypaj ch'in kanqa, nispa.

Qheshwa Biblia DC

⁶² Chantá ninkitaj: Señor qan nerqanki kay nacionta tukuchinaykita, manaña pipis tiyakunampaj jina, ni runas, nitaj uywas, imaraykuchus wiñaypaj tukuchinki.

DIOSPA QHELQACHISQAN DEUTEROCANONICAL

⁶² Chantá ninki: Tata Dios, qan kay suyuta tukuchinaykita nerqanki, manaña pipis tiyakunanpaj jina, ni runakuna, nitaj animalkunapis, imaraykuchus wiñaypaj ch'in kanqa, nispa.

Jeremías 51:62 ပူးပေါင်းရင်းမြစ်များ

Jeremías 25:12

Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 33:12

Tukuy Atiyniyoj Tata Dios nillantaj: Kay suyoqa kunan ch'inpacha kashan, manataj runakuna, nitaj uywakunapis kanchu. Chaywanpis tukuynejpi watej pasto wiñallanqataj, tukuy michejkuna chaypi ovejankuta michinankupaj.

Jeremías 50:12

Chayrayku suyuykichej, maypichus paqarikorqankichej, chayqa k'umuykachachisqa, p'enqachisqataj, kanqa. Chay Caldea suyoqa tukuy suyumanta aswan qhepapi kanqa, ch'in ch'aki t'ajra pampamantaj tukuchisqa kanqa.

Jeremías 50:13

Noqa phiñakusqayrayku Babilonia suyuta mana uj runayojta saqesaj, ch'in q'ara pampaman tukuchisqata. Tukuy chayninta pasajkunaqa t'ukuspa, alqochakonqanku, chay jina jasut'isqa kasqankuta rikuspa.

Jeremías 50:3

Wichaynejmanta uj suyoqa Babiloniaj contranta jamushan, jallp'ankutataj ch'inman tukuchenqanku. Manaña runakuna, nitaj animalkunapis chaypi kawsanqankuñachu. Chay suyumanta tukuy ayqespa riponqanku, nispa.

Jeremías 51:29

Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Jeremías 51:37

Babiloniaqa raqayllamanña tukuchisqa kanqa, k'ita alqokunaj pakakunallankumanña, mana tiyakunapaj jinaman. Chantá tukuy runakuna chayta rikuspa, t'ukonqanku, mancharikonqankutaj.

Jeremías 51:43

Chay llajtankunaqa ch'inman tukonqanku, ch'aki jallp'aman, ch'in pampaman ni pejpa tiyakunanpaj jina, nitaj pipis chayninta purenqañachu.

Jeremías 51:61

Chantá Jeremías Seraiasman nerqa: Babiloniaman chayaspa, kay qhelqasqa willayta tukuypa uyarinanta jatunmanta ñawirinki.

Ezequiel 35:9

Noqa wiñaypaj ch'inpachata saqesqayki, llajtaykikunapitaj manaña jayk'ajpis runakuna tiyakonqankuñachu. Chaypachataj qankuna yachankichej noqa Tata Dios kasqayta.