Jeremías 51:6 - DIOSPA QHELQACHISQ

⁶ Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Qheshwa Biblia DC

⁶ Babiloniamanta ayqeychej. Pipis atejqa ayqechun. Ama wañuychejchu Babiloniaj juchasninraykoqa. Kaymin ayni kutichinay ratoqa, imatachus ruwasqanman jinataj qopusaj.

DIOSPA QHELQACHISQAN DEUTEROCANONICAL

⁶ Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Jeremías 51:6 ပူးပေါင်းရင်းမြစ်များ

Salmos 94:1

Tata Diosníy, qanmin vengakoj Dios kanki. Chayrayku jasut'ej Dios kasqaykita rejsichikuy.

Proverbios 13:20

Pichus yachayniyojkunawan purejqa yachayniyojllataj kanqa. Wampu runakunawan purejrí mana allinman chayanqa.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Isaías 63:4

Awqaykunamanta vengakunay p'unchay chayamunña, preciota pagaspa kacharichinay p'unchayqa kaypiña.

Jeremías 25:14

Jatun suyukuna chantá atiyniyoj kuraj kamachejkunapis Babilonia llajtayojkunata chakinku uraman churanqanku. Ajinata ruwasqankuman jina paykunawan pagachikusaj, nispa.

Jeremías 25:16

Chantá chay vasota ujyaykuytawan, chankaykachanqanku, t'ojpirayanqankutaj, paykunaman maqanakuyta apachimusqayrayku, nispa.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 46:10

Chaymin Tukuy Atiyniyoj Tata Diospa p'unchaynin kanqa, chay p'unchaypitaj tukuy awqankunawan pagachikonqa. Espadaqa manaña atinankama t'ojsenqa, paykunaj yawarninkupitaj wayt'anqa. Tukuy Atiyniyoj Tata Dios wichaynej suyupi, Éufrates mayu qayllapi, soldadokunata wañurachenqa.

Jeremías 48:6

Ama wañunaykichejpaj ayqeychej. Ch'innejpi retama jina pakakuychej.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 50:28

Babiloniamanta ayqemojkunaj willasqanku Sionpi uyarikun. Paykuna willanku imaynatachus Tata Diosninchej Babiloniamanta vengakusqanta, Templonta phiriykusqankurayku.

Jeremías 50:31

Tukuy Atiyniyoj Tata Dios nillantaj: Runaykachaj suyu, qanpa contraykipi noqa kashani, imaraykuchus jasut'isunay p'unchayqa chayamunña.

Jeremías 50:8

Babiloniamanta llojsiychej, caldeokunaj suyunkunamanta ayqeychej. Chivato jina tropaj ñawpaqenta riychej.

Jeremías 51:11

Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Jeremías 51:36

Tata Dios ajinata nin: Noqa justiciata ruwasqayki, awqaykiwantaj pagachikusaj. Babiloniaj mayunta, jinataj yaku juturintapis ch'akichisaj.

Jeremías 51:45

Aylluymanta kajkuna, Babiloniamanta llojsimpuychej, sapa ujtaj kawsayninta noqa Tata Diospa sinch'i phiñakuyniymanta librachun.

Jeremías 51:50

Qankuna wañuchisqa kanamanta llusp'ejkuna, mana sayarispa, ayqekuychej. Karupi kashaspapis, Tata Diosmanta yuyarikuychej, jinallataj Jerusalenmantapis.

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Jeremías 51:9

Babiloniata jampiykunchejña, jinapis manapuni qhaliyanchu. Payta saqerparispa, suyunchejman jaku ripunachej, imaraykuchus juchachasqa kasqanqa janajkama chayan, phuyukamataj oqharikun.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.

Números 16:26

Runakunatataj nerqa: Kay mana manchachikuyniyoj runakunaj jarankumanta t'aqakuychej. Amataj imankutapis llankhankichejchu, ama qankunapis paykunaj juchankurayku wañunaykichejpaj, nispa.

Deuteronomio 32:25

Ñankunapi wawanku espadawan wañuchisqa kanqanku, wasi ukhupitaj manchay manchachikuy kanqa. Waynakuna, sipaskuna, machu runakuna, ñuñoj wawakuna ima, tukuyninku wañuchisqa kanqanku.

Deuteronomio 32:41

Lliphipishaj espadayta filoyachisaj, justiciata ruwanaypaj espadayta jap'isaj, awqaykunawantaj pagachikusaj. Chejniwajkunaman ruwasqankuman jina qopusaj.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.

1 Timoteo 5:22

Chantá, ama pitapis usqhay usqhayta iglesiata pusarej kananpaj churallaychu, pantaykojtin, ama ruwaysikoj jina rikhurinaykipaj. Manachayqa qan kikiyki mana allin kajmanta t'aqakuy.

Apocalipsis 16:19

Jatun llajta Babiloniataj kinsaman t'aqakorqa, tukuy kay pachapi llajtakunapis thuñisqa karqanku. Jinapi Dios chay jatun llajta Babiloniaj juchallisqanmanta yuyarikorqa, jinataj k'araj phiñakuyninwan sinch'ita jasut'erqa.