Jeremías 51:58 - DIOSPA QHELQACHISQ

⁵⁸ Babiloniaj phatu perqankuna tukuynin urmachisqa kanqanku, chay chhikachachaj punkunkunapis ruphaykuchisqa kanqanku. Chay llajtata sayarichejkunaqa mayta sayk'uspa, qhasillapaj ruwarqanku, imaraykuchus tukuy ruwasqanku ninallapi ruphasqa tukukonqa. Noqa Tukuy Atiyniyoj Tata Dios chayta nini.

Qheshwa Biblia DC

⁵⁸ Babiloniaj chay phatu perqasnin tukuynin urmachisqas kanqanku, chay chhikachachaj punkusnimpis ruphaykuchisqas kanqanku. Qhasillapaj chay nacionesqa llank'akorqanku, chay sayk'ukusqankoqa ninallapi ruphasqas tukukonqanku. Ajinata Tukuy Atiyniyoj Señorqa nin.

DIOSPA QHELQACHISQAN DEUTEROCANONICAL

⁵⁸ Babiloniaj phatu perqankuna tukuynin urmachisqa kanqanku, chay chhikachachaj punkunkunapis ruphaykuchisqa kanqanku. Chay llajtata sayarichejkunaqa mayta sayk'uspa, qhasillapaj ruwarqanku, imaraykuchus tukuy ruwasqanku ninallapi ruphasqa tukukonqa. Noqa Tukuy Atiyniyoj Tata Dios chayta nini.

Jeremías 51:58 ပူးပေါင်းရင်းမြစ်များ

Salmos 127:1

(1b) Manachus Tata Dios wasita sayachin chayqa, wasichajkunaqa qhasillata wasita oqharinku. Manachus Tata Dios llajtata qhawan chayqa, qhawaj soldadokunaqa qhasillata qhawanku.

Isaías 13:2

Uj q'ara orqo puntapi maqanakuna wiphalata sayachiychej, chaypitaj maqanakuman yaykunapaj jatunmanta qhapariychej. Makiykichejwan soldadokunata wajyaychej, kurajkunaj punkunkuta yaykunankupaj.

Isaías 47:13

Ashkha yuyaychajkunawan sayk'usqaña kanki. Kunanqa janajta qhawajkuna jamuchunku. Paykuna ch'askakunata qhawaspa, sapa killa watunku, imachus qhepaman jamunanta willasojkuna, chay llakiy qhatirisunanmanta jark'asuchunku.

Isaías 65:23

Paykunaqa mana qhasipajchu llank'anqanku, nitaj wawankutapis llakiypi kawsanankupajchu paqarichikonqanku. Ajina kanqa, imaraykuchus noqa Tata Dios paykunatawan, mirayninkutawan ima saminchasaj.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 51:30

Babiloniamanta wapu soldadokunajta manaña maqanakunankupaj kallpanku kanchu. Maqanakuyta saqerparispa, jark'achasqa pakakunallankupiña warmi jina pakaykunku, imaraykuchus wasinkoqa ruphaykuchisqa kashan, llajta punkunkunataj phirisqa.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Jeremías 51:64

Babilonia ajinatamin chinkaponqa, manañataj ujtawan jatarimonqañachu, Tata Dios kay suyuman apachimunan kashan, chay ñak'ariypi urmasqanmanta, nispa. Kaykamalla Jeremiaspa sut'inchasqan karqa.

Jeremías 51:9

Babiloniata jampiykunchejña, jinapis manapuni qhaliyanchu. Payta saqerparispa, suyunchejman jaku ripunachej, imaraykuchus juchachasqa kasqanqa janajkama chayan, phuyukamataj oqharikun.

Jeremías 9:5

5 (4) Sapa ujpis runa masinmanta alqochakun, manataj pipis cheqanta parlaj kanchu. Llullakunallaman yachaykukunku. Millayllatapuni ruwanku nitaj chaymanta kutiriyta atinkumanchu.

Lamentaciones 5:5

Awqaykoqa qhatiykachawayku. Sinch'i sayk'usqaña kayku, manataj samarikojta saqewaykuchu.

Habacuc 2:13

Tukuy Atiyniyoj Tata Diostajrí sayk'uy sayk'uywan tukuy ruwasqaykita qhasi manakajman tukuchenqa, imaraykuchus chay tukuy ruwasqayki ninawan ruphachisqa kanqa.